ESEKEL 13:2 - PIPÏLIA

² “Wero chi, ngora werkoy pö Israel. Lenchinö chane cho rwotïtoy ngalekwa opïn kïter ngölyonto ECHOTYON.”

ESEKEL 13:2 Referans Kwoze

ESEKEL 13:17

Kïlenchanïn ECHOTYON, wero chi ngora koru Israel cho le werkoy cho mwoghöy ngala mötöwekwa opïn.

YEREMIA 37:19

Kunko ye werkoy chay kimwowunyi lö mengwïnönye pöytoghinto Papilon kïporyegheninyi akïporyeghö korengu?

ESEKEL 22:28

Kikuyen werkoykökwa ngokichï le atay molo pich korïn relnoy. Sïwïyi sïwïyagh pö putintön akïngor ngala putintön kïlentöy, ‘Kamwa Echotyon TORORÖT,’ akwanyï melö kamwa lenyoni.

ESEKEL 22:25

Lata kintöghoghichï ngotïny nyo pororöy ompö tyony nyo kapar, kikïpar chane pich akïcheng kaplawachtin nko tïkwïn, kikipar pich kudong mïsïk cho möngörï ompö kor.

ISAYA 9:15

Lïku poyï nko pich cho konyïtote mötöwe, kïlïkwï töronkwöyi werkoy cho netöy pich putintön!

ISAYA 1:10

Atera ngölyonto ECHOTYON pöytoghi Sodoma nko Komora nyo mwowokwa. Alïma kïgh nyo netokwa Tororötïncha.

SEPANIA 3:4

Putï werkoyichi amöyongönye kïgh amelö pich cho kighönöy. Sïmnyonöy tïsichi tïkwïn cho tïlilöch, akuweng kirurut pö ECHOTYON ompö tösunötengwa kegh.

MIKA 3:11

Rwoko pöytoghichï kanasyanta asoya, netisïyi tïsï töketö ropïyen. Akingorsyö werkoyikwa tökïnyorï ropïyen akwanyï mwoghöy lö kitwoytoy kegh ECHOTYON kïlentöy “Melö mi so ECHOTYON nko acha? Nyo melö mi ghöyityö nyo nyorwecha.”

MIKA 3:6

Kïlenyona tuwitu ompö akwa werkoy, puryö sïwïyagh lïku tuwïn, puryö kïgh nyo kïngongwokwa. Rorisönchini werkoy akïlïkwï pöghetungwa tuwïn.

ESEKEL 34:9

Kïlenyona nyu akwa mösöw, atera ngölyonto ECHOTYON.

ESEKEL 34:7

“Kïlenyona, akwa mösöw atera ngölyonto ECHOTYON.

ESEKEL 13:3

Lentöy Echotyon TORORÖT, “Heywey werkoy chï pö putintön ngaleko mötöwöyikwa opïn amömi kïgh nyo kasïwa.

LOK 4:13

Wölo kigha lenyoni ompö ngoki werkoyichi, kigha lenyoni ompö ghöyityo tïsichi. Kimïlta chane kisön pö pich cho puryö lelut.

YEREMIA 27:18

Ato kö werkoy chane cho pö man akïtïng ngölyontenyan, kwompö ne tömösaghanïn, ECHOTYON Kimuktoghin, tömökip karïn cho kidong Kö pö Tororöt nko kö pö pöytoghinto Yuda nko kanasyanta Yerusalem kïpa koro Papilon.”

YEREMIA 27:14

Mater ngala werkoy chona lenchinokwa, mopöghisyechï pöytoghinto Papilon ompöwölo putintön ngalechoni.

YEREMIA 23:2

Kïlenyona mi kïgh nyo omwochinan pich cho komönöy piköcha. Kamwaghan ante nyo ochï ECHOTYON, Tororöt pö Israel lö, “Melö kötö akamanakwa piköchan lasiny, ompöwölo kotoytoyekwa, atul chane kïpa. Omungokwa nyu akwompö tïkuchoni ghach oghekwa.

YEREMIA 8:10

Kïlenyona, otöninan korukwa pich walaka, otöninan tïkwïl piko walaka parenikwa. Ompöwölo köromchini tïpö lïs pikö cho echön nko cho mïnkech, pöghisyegho putintön chini le ompö tïsï nko werkoy.

YEREMIA 5:31

otï kangor werkoy ngala putintön, kïrïp tïsï lenyini kamwa werkoy, akurosyini kegh piköchan lö kiten nyoman ngalechoni! Oghekwa ne ato itïta sörömu ngalechoni?”

ISAYA 28:14

Alïma nyu ngölyonto ECHOTYON pïchï le sösï opöyu pïchï omöngöy Yerusalem.

1 PÖYTOGHÏ 22:19

Kïlö Mikaya, “Tera ngölyonto ECHOTYON ngat! Kyasïwan ECHOTYON kïtöpo ngacharunyi ompö yïm nko malaykenichi löwïr cho kighyongöy kuwit nyinte.

ESEKEL 13:1

Kungwïnchanïn ngölyonto ECHOTYON, kïlenchanïn,

ESEKEL 16:35

Tera ye nyu chepkartayantanï ngölyonto ECHOTYON.