EPRANIA 9:4 - PIPÏLIA

⁴ nyo kitïng watwa cho kikigha koltin ompö ato kïpelo köröstin akïlö Santuku Muma* nyo kikïsïlö koltin woptin löwïr. Kimi orinyi törö nyo kikitanga koltin nyo kimi omisyö nyo kikïkuro mana nko lïpö Aron nyo kisanak sökö nko keronytin cho kikikir kiyomisöt.

EPRANIA 9:4 Referans Kwoze

KIYITUT 17:10

Kïlenchï ECHOTYON Musa, “Yodena lïpö Aron aitö tawu Santuku Muma, atökïlïkwï kinonut ompö penyi pipö Israel tökuwonyö ngwïrngwïronötengwa ompö ani tömömeghö.”

2 OTÖPTINO OSIS 5:10

Kimöminye kïgh Santukunoni pö Muma kïpoto koghichay le odeny töpölol kitö Musa ori ompö kutïng pö Sinay, wölanye kiyomis kegh ECHOTYON nko pipö Israel atakinye kipkono koro Misri.

LAWIN 16:12

Atolapay kïchengwï kerony nyo kinyïghï ngeset ompö ato kïpelo amöros akïcheng tïkuchay ngutoy cho onyïn römut akonga cho kikïtïgh kïmïnkechitu atolapay kwip kïlït Wölo Tïlil Tya

WUWÖT 40:3

Aitö ori Santuku Muma* nyo mi kirurut aikartegha ananka.

WUWÖT 26:33

Iwusyï ananke akodetischay, atökungotyö Wölo Tïlil nko Wölo Tïlil Tya.* Aichengwï Santukunay pö Muma* aitö lötu ananka.

KIYITUT 17:5

Sïlöy nyu lïkïp nyo pö chi nyo okïlan, atö aghan pïchï pö Israel kïsisyö atömökïngwïngwïronchokwa.”

WUWÖT 34:29

Otini kirökunö Musa kutïng pö Sinay, kipu koghichay le odeny töpölöl pö kirurut. Kimenkïtnye nyinte lö kilïwï tokochunyi, ompöwölo kingalan nko Tororöt.

NGONGUT 8:3

Kungwïn malaykayan anka akughyongö tawu ato kïpelo amöros nyo kitïng töwït nyo pö watwa koltin nyo kïpelo amörostin, ketö nyinte mankoy cho chang cho kïpelöy kïlïku amörostin, atökutuyö nko sowut pö pipö Tororöt löwïr ompö parakuto watwechini pö koltin kïpelo amörostin mi tawu ngacharu paytagh.

1 PÖYTOGHÏ 8:21

Kaghan tïkwïl ompö Kö pö Tororöt, wölo kitöni Santuku Muma nyo kikitö koghichay töpölöl pö kirurutyengu nyo kitö ECHOTYON papotïnecha atanye kimïtuna nyinte chane koro Misri.”

1 PÖYTOGHÏ 8:9

Melö kimi kïgh nyonikïny Santukunoni pö Muma kïpoto koghichay le odeny töpölöl kitö Musa ori ompö kutïng pö Sinay, wölanye kiyomisö kegh ECHOTYON nko pipö Israel atanya kipkono chane koro Misri.

1 PÖYTOGHÏ 7:50

nko kikompen nko makasin nko otupöy cho mïnkech nko mïkong nko kïsakeni koltin cho pïchighöch nko pateni koltin cho pïchighöch nko kukoti kö nyo pö ori, nyoni kï Wölo Tïlil Tya* nko kukotiko kot nyo pö ori nyoni kï Kö pö Tororöt.

KIYITUT 17:8

Kïwö nyu Musa asisto odeny kutang Ema nyo mi ECHOTYON, kïlö aros kisïl lïpö Aron nyo pö ara Lawi, akiwirta tapïk akuyin akwa mlosi.

WUWÖT 39:35

nko Santuku Muma* nyo mi koghi kirurut nko pölöwechi nko köröwonte

WUWÖT 31:18

Otini kiwany ECHOTYON kïngalan nko Musa ompö kutïng pö Sinay, kutö nyinte koghïn odeny cho töpölöl cho pö söwintön cho kikira Tororöt ewunyi.

WUWÖT 32:15

Kïmïla Musa kïrökunö kutïng nko koghichay töpölöl le odeny pö kirurut kimi morichi cho kikikir woptine kwodeny.

WUWÖT 37:25

Kwigh ato kïpelo köröstin ompö ket pö tilak. Kïlïkwï sentimiten 45 koghïntanyi nko töpesïntanyi akïkarkegh wop tïkwïl, sentimiten 90 kutok akïnömöy kegh nko kuyechi tïkwïl.

KINONO KIRURUT 9:9

Kïkany atanya kyapustan kutïng owö opï koghïn cho töpölöl, cho kikikirchï ngala muma* nyo kyam ECHOTYON nko akwa. Kyotöpan kutïngoni osis tömönut angwan nangat nko pöghet. Melö kyaman omisyö anta aghegh pögh.

KINONO KIRURUT 9:11

Kïkany otini kiwonyö osiswechoni le tömönut angwan nangat nko pöghet, kïkonanïn ECHOTYON koghichanye le odeny kikirchï ngala muma.

NGONGUT 11:19

Atolapay keyat Kö pö Tororöt* nyo mi yïm, kesöchï Santuku Muma* ori. Atoni nyu kuryal lö chwatchwat akïtïl akurïngring ngwïnya akïropan nyoman kïchïnu takarïs.