EPRANIA 9:14 - PIPÏLIA

¹⁴ Wowitu nyu tya tïlilyö nyo kïsïkonecha kisön pö Kristo! Nyinte nyini kikonï kegh kïlïkwï amöros nyo lïpop ompö tawu Tororöt ompö ara Mïkulögh nyo Tïlil nyo pö kokay. Wunöy kisönkachi sïkunöteto mïkulisköcha kïngetunö ighisyewut cho puryö kinyiwut atökemuka kepöghisyechinö Tororöt nyo söpöy.

EPRANIA 9:14 Referans Kwoze

EPRANIA 10:22

Akanya nyu kerika wölo mi Tororöt ompö mïkulögh nyo pö man nyo tïng kighanat nyo mötïngnye tomtomönöt. Kaketïlilwecha mïkulisköcho kïngetunö sïkunöt nyo gha akemwata porwöyicha pögh cho tïlilöch.

1 PETRO 1:19

wölo ompö kisön pö Kristo cho pö olyot nyo wow. Ki karkegh nyinte nko wawa kech nyo lïpop akutenate.

1 YOANA 1:7

Wölo ato kïpestecha ompö löpoyïn le wölini mi nyinte löpoyïn, kesïkecha achane ghömïchö kwenunyo akïmwötwecha ngokï löwïr kisönko Yeso, Werïnyi.

EPRANIA 9:12

Otini kilït Kristo emanoni kïwö Wölo Tïlil Tya, akilït kïnyïl akonga kïpoto, kïmelö kip kisön pö ngaror nko cho pö mogh atökïropta amöros, wölo kip kisönkachi kegh cho kyala sörunötenyo nyo pö kokay.

1 PETRO 2:24

Nyinte Kristo nyo kikasana portanyi ngokicha ompö kimurtöwon atökemuka kekarakegh nko pich cho kimeghö ompö ara ngokï akesöpchö ompö ara man. Kikisopokwa ompö perutöyichi.

1 PETRO 3:18

Ompöwölo kimegha tïkwïl Kristo ngokï kïnyïl akonga akumuchö. Kuwongwï chi nyo karam ompö mwokïyis atökumï kumïtakwa wölo mi Tororöt. Kima nyinte kïma ompö por, wölo kisöpote ompö mïkulögh,

EPRANIA 7:27

Sis nyinte nko tïsï walaka cho echön, mötïngnye machat nyo tötoy amörostin osis löwïr cho pö ngokichi kegh atolapay kutötö cho pö ngoki pikö walaka. Kigh lenyoni kïnyïl akonga nyo mïchini könyis löwïr otini kikonï kegh nyinte.

1 PETRO 4:2

Kïlenyona nyu ye mïchinokwa, ompö osiswekwa cho köngötï ompö ngwïnyinï otïpinö kïrïp kegh nko machata Tororöt, amelö kïrïp kegh nko pïrchin pö ptangengmöt.

EPRANIA 1:3

Nyinte nyo le kwörkwöryö nyo pö ororyo Tororöt akï nyinte nyo le körkeyïn pö Tororöt tighöy tïkwïn löwïr ngölyontenyi nyo pö owesyö kiwö nyinte kïtöpunö ewu tagh nyo pö wowïn pö Tororöt otini kiwany kutïlilöy pich ompö ngokikwa.

TITO 2:14

Kikonï kegh nyinte tökïsörunenecha ghöyityö anka tïkwïl akutïlilecha, cho le pikachi kegh, cho tïng machat kwigh pöghisyewut cho karamach.

NGONGUT 1:5

nko cho pkono Yeso Kristo, söwin nyo ghanate nyo pö tagh kututunö ngwen akï nyinte nyo pöytoy pöytoghi ngwïny kïmïkul. Chömecha nyinte akutyakecha ompö meghenyi kengetunenö rötut pö ngokicho

EPRANIA 6:1

Keleta nyu tagh kerïpa kinetut cho kirïr, akepïsï löt kinetut cho pö tagh cho pö kighanatenyo ompö Kristo.* Mömïchinechanye keyokyinö kegh ngat kitoröto ighisyewut pö kighanat ompö Tororöt nko nyo pö kötogh otini töketïngetenöcha ighisyewutköcho cho kipö tagh cho mötïngcha söpon,

RUMI 6:13

Mopïsï nyu ngichayayikwa ompö akonga kïlïkwï nyo kïpöghisyeghö kwigh ngokï anta ghöyityö anka tïkwïl, Nyinö kötoghöy lenyoni, otö kegh mori Tororöt le pich cho sötote akï cho kikututunö ngwen atö Tororöt ngichayayikwo kïpöghisyeghö kwigh tïpö man.

1 YOANA 3:5

Onkïtökwa lö kingwïn Kristo atökïngongoghta ngokicha, akï möminye ngokï orinyi.

RUMI 6:22

Wölo kikutyakenakwa ye Tororöt sekeynöno ngokï alïkukwa sekeyi chi kegh. Tösunöt nyo onyorunekwa kï söpon nyo pöghisyechini nyinte kïmïchï, nyo ipu ato le söröm söpon pö kokay.

YEREMIA 10:10

Wölo ECHOTYON kï Tororöt pö man. Tororöt nyinte nyo söpöy, Pöytoghin nyo pö kokay. Otini kanarek kurïngring ngwïnya. Kor ne nyo köngöy nörkyengu nya?

EPRANIA 10:2

Ntökile nyinö kikigh pïchoni kisoghöy Tororöt kïtïlilöchitu lö chïkïl, tömelö kitötökilïmchini kegh lö kïtïng ngokï ngat, akitömelö kitötökïmi ngat machata amörostinechoni löwïr.

EPESO 5:2

Akanya kuntöghoghchï chomnyogh otöptinekwa, le wölo kichamtecha Kristo* tökïkonecha söpontanyi kïlïkwï tïsöwon nyo ngutoy nyo anyïm, akïlïkwï amöros nyo karam ngörökyini Tororöt.

EPESO 2:5

nyo kïrkegh otini kitökechicha pich cho kimeghö ompö ngokicho, kwighecha nyinte kesöpchenö nko Kristo.* Kikïsörwokwa ompö pöropcho Tororöt,

2 KORINTO 5:21

Melö kitïng Kristo ngokï, wölo kigh Tororöt nyinte kupar ngokicha atömanyïn kelïkwï pich cho tenote ompö Tororöt otini kakïtuyö nko nyinte.

RUMI 11:12

Kepchï nyu ye lelutyo pipö Yaudi pipö ngwïny perur nyo wow, akwipchï meywontönengwa nyo pö mïkulögh pipö punton kisoyönut cho chang. Chongitu nyu kïtya kisoyönut otini kökituyechï pipö Yaudi löwïr ori!

LUKA 1:74

nyo kiyomis lö, osörunenecha pungköcho, atökepöghisyechinöcha nyinte kïpuryö kiwaghat,

1 PETRO 2:22

Kimeghnye nyinte ngokï nyonikïny, akimengwïna kutinyi putintön.

1 TIMOTEO 1:17

Nya kïpöyit konyït nko ororyo, pöytoghinto kokay, nyo mömeghöy, amökïsïwïyi ompö kong, Tororöt nyo le nyinte onkït amömi anka, kokay nko kokay! Amen.*

KALATIA 2:19

Ompöwölo kyameghan ompö kirurut. Kirurutchoni cho kiparanïn atömanyïl osöpön ompö Tororöt.

2 KORINTO 6:16

Tïngeto tïlyantan ne Kö pö Tororöt* nko körkeyïntino putintön? Ompöwölo kïchicha Kö pö Tororöt nyo satate. Kïle wölo mwoytoy nyinte Tororöt lö, “Oghan möngenyu orito pikachu, atöponan nko chane. Olïkunan Tororötïngwa, kïlïkwï chane piköchan.”

RUMI 11:24

Alatekwa pipö punton morno ket pö wuw nyo kikïtör atolapay kenomchï ket pö akwa nyo mi par, kïgh nyo sis nko wölo kölata su ketï. Wölo pipö Yaudi su, kïkarkegh nko ketoni pö akwa nyo mi par, akïlïku kïgh nyo kwïskwïs tya ompö Tororöt kunomchï ngat morichoni kikïtör ketini kikïtörö chane.

RUMI 1:20

Kïngeta towunöto ngwïny, kipköchï pich lötok owesyo Tororöt nyo pö kokay nko Tororötnötenyi kïrkegh nyo mösïwïyinye chi ompö kong, wölo kirumu ompö tïkwïn cho kigh nyinte. Kïlenyona mötïngnye pïchoni kïgh nyo gheto kegh kigheghchin.

YOANA 3:34

Mwoghöy chichoni kiyonï Tororöt ngala Tororöt, ompöwölo töni Tororöt nyinte Mïkulögh kuwayta.

LUKA 4:18

“Mi Mïkulöwu Echotyon nko ani, ompöwölo kikïlanïn omchï mey Lökoy cho Karamach. Köyonwanïn atomchï pich cho rötote lö, kityoköy chane, atökurosïta ngat chepkarotin, atöketyak pich cho kïpïröy,

MATAYO 20:28

le ato melö kingwïn Wero Chi tökepöghisyechï, wölo kingwïn kïpöghisyö akusalta söpontanyi tökutyaka pich cho chang ngokikwa.”

DANIEL 6:26

Kamwaghan ompö pöyunötenyan kïmïkul lö mïchini kuwagh akïkonyït chi anka tïkwïl Tororöt pö Daniel. Ompöwölo Tororöt nyinte nyo satat akïtöpo nyinte kokay. Melö kinyoröy pöyunötenyi nyonikïny amelö wonyot owesyenyi kokay.

LAWIN 22:20

Meropta kïgh nyo melö lïpop, ompöwölo melö chömöy ECHOTYON.

EPRANIA 11:21

Kigh kighanata Yakopo kusoyön werpö Yosep lapay otini kirich kïrapas. Kisagh Tororöt otini kimi kïchïchïmo lïkïnyi.

EPRANIA 9:9

Körkeyïn pö osiswechï le chicho emanoni. Poru lö memuköcha ropöwo amörostino kyak cho kïroptoy ntökwigh mïkulöwu chichoni soghöy kuten.

IGHISYEWUT 14:15

“Kölö ne taghakwa le nyï nya pïchï? Kichicha ptangengmötin le akwa! Kïmitecha yi kemwowokwa Lökoy cho Karamach, cho pö Yeso atamuka owöghökisyenö atömasagha ngat tïkuchï mötïny kinyiwut apkonchï Tororöt nyo söpöy, nyo kigh yïm nko ngwïny nko nanam nko tïkwïn lapay cho mi orinyi.

IGHISYEWUT 10:38

Onkïtökwa ngala Yeso nyo pö Nasaret, wölini kitöntö Tororöt nyinte Mïkulögh nyo Tïlil nko owesyö. Kiwestö wop lapay, akwighchï pich nyo karam, akusop pich lapay cho kökikïrïnta Onyötö, ompöwölo kimi Tororöt nko nyinte.

KINONO KIRURUT 17:1

“Ameyenchï ECHOTYON Tororötïngu amöros nyo pö egh anta kech nyo melö tenate anta nyo le sölwö, ompöwölo ghöchini nyoni ECHOTYON Tororötïngu.

EPRANIA 9:7

wölo Tïsin nyo Wow* onkït nyo lïtöy eme nyo pö odeny akwighöy lenyoni kïnyïl akonga ompö köny. Akwotini wetöy kïlïtöy emanoni, kwipöy kisön cho wetöy kutötoy ompö ngokichi kegh nko ngoki pich cho kigh.

1 TIMOTEO 3:15

nyo ato mangwïnanye lawel, kïtenö kïnye kyonkïtukwa wölo mïchini kïtöptö chi anka tïkwïl ompö kwenu pipö Tororöt, nyo le kanisa Tororöt nyo satate akï pchörï nyo tighöy man.

1 TESALONIKE 1:9

Ngölono pich tïkwïl wölo kyataktekwa acha, atanya kikïrutowucha nko wölo kyataghtekwa saghata körkeyïntin, apöghisyechï Tororöt pö man nyo söpöy,

IGHISYEWUT 1:2

ntökïtenö asisini kikimït kïwö yïm. Akwotini kitomö kïwö yïm, kurur ompö ara Mïkulögh nyo Tïlil pich cho kikikïlöwön kïlïkwï cho kiyoktoy.

LUKA 12:28

Wölo atö minöy Tororöt sus, cho nyörilöch ye akwasïyech kïyomö akepel, kïmemukönye nyinte tökulokwekwa sïro kïtïl? Heywey akwa cho mïnïng kighanata!

LUKA 12:24

Arose törit, cho melö kötkötisïyi amelö ilsïyi amötïngcha töpoton. Wölo pöghöy Tororöt chane. Melö so opokwa tösunöt nyo wow kïtïl törit?

MATAYO 12:28

Wölo ato ayonan oy Mïkulöwu Tororöt, kïkakwitwakwa nyu Pöyunöto Tororöt.

MATAYO 7:11

Ato onkïtökwa nyu pich cho ghach otöni monekwo tïkwïn cho karamach, töni nyu Paponkwa nyo mi yïm pich cho somöy nyinte tïkwïn cho karamach kïtya?

2 SAMWEL 4:11

Ghöyitu tya ye nyu ompö pich cho ghach cho kapar chi nyo mötïngnye lelut ato mi rïwön, omeghokwa ye nyu le nyinte.”

KINONO KIRURUT 33:27

Tororöt nyo pö kokay nyo oryöghchinekwa, tighokwa ewunechi kokay. Kiyon nyinte pungkökwa otini kyomitekwa oletöy tagh, akïlenchokwa, ‘Apara chane lömïs.’

KIYITUT 28:11

Oropchinekwa ECHOTYON ropöw cho kïpelöy ompö relïntino oroyekwa: ngartin odeny nko makal akonga nko wara kechir mut nko odeny cho le mökol cho tïng köny akonga akïlïpopöch.

RUMI 1:4

Kikiporï lö wero Tororöt nyinte kegh ompö owesyö Mïkulögh nyo Tïlil otini kitutunö nyinte ngwen.

ISAYA 57:15

“Ochan Tororöt nyo Tïlil nyo omitö parak, nyo ochï satate kokay. Omöngan wölnö tïlil le parak wölo omöngan nko pich tïkwïl cho tölose, cho tötoy ngokikwa, atoyokyan chane nyakanat nko kikönöt.

KINONO KIRURUT 15:21

Wölo meropchï ECHOTYON Tororötïngu kïgh nyo sapul nyo melö tenate nyo ngwolöy anta nyo karote anta nyo le sölwö le amöros.

KIYITUT 28:3

Chï kï ropöw cho otönikwa ECHOTYON kïnomnyö ompö ma, wara kechir odeny cho le mökol cho tïng köny akonga akïlïpopöch.

ISAYA 53:9

Kikitö pïrïm nko mwokïyis, kikitïp nyinte nko pich cho le monkor, Kïrkegh melö kimi kïgh nyo gha nyo kigha anta ngölyonto putintön nyo kimwa.

ISAYA 42:1

Mwoghöy ECHOTYON lö, “Anyï mötworintenyan nyo kotönön owesyö, nyinte nyini kyakïlan, akï nyinte nyo ongörokyinan kanyïghitan nyinte mïkulöwunyu akï nyinte nyo ipchini man pipö punton löwïr.

AYUPU 15:16

Ekï chi nyu nyo le ptakalyan akïnïnöy, chi nyo gheghöy ngokï le pögh!

2 PÖYTOGHÏ 19:16

Kapa yit, we ECHOTYON, iter aingany konyiku irosïta ompö ngala Senakerip nyo kemwaghinyi, Tororöt nyo isöpöy.

1 SAMWEL 17:26

Kïtep Daudi pich cho kighyongo kamasunyi lö, “Kitöni ne chi nyo pöröy chichï pö Pilisti, akunategha arasinï mi Israel? Akï ngo somchonte nyï sösöy lïko Tororöt nyo söpöy?”

KINONO KIRURUT 5:26

Möminye ptangengmöt nyini kïny nyo kimï kïlïm kuti Tororöt nyo satate kïngölonuno ma akïngötï lenyini kakïlïmacha.

KIYITUT 28:9

Oroptokwa ompö asispa Sapato, wara kechir odeny cho tïng köny akonga akïlïpopöch nko kilen odeny cho pö pïsya cho kikinyornyoryö nko mwagh nko mi ropöwo dipay.

ISAYA 61:1

Kenyïghitanïn Echotyon TORORÖT Mïkulöwunyi. Kakïlanïn nyinte akïyontanïn opchï mey lökoy cho karamach, asop cho kimeghö mïkulis, amwatïta kityakata pich cho rötote nko kityakat nyo pö pich cho mi chela,

KINONO KIRURUT 31:27

Onkïtön penyatenkwa nko wölini otïngetekwa mötöw cho ongeröch. Ato openyekwa ECHOTYON le nyï otï tochan satate, ekïlïku ne otinö karapasan?

WUWÖT 12:5

Ochengekwa wawa nyo lïpop nyo tïng köny akonga nyo le makal anta kwagha.

TUMWÖY 51:2

Iwunante lasiny ompö ghöyityenyan aitïlilante ompö ngokichan.

ESEKEL 45:18

Lentöy Echotyon TORORÖT, “Ochengekwa ngaryan nyo lïpop otini körel arawa tagh atolapay otïlil Kö pö Tororöt.

MATAYO 16:16

Kuyokyï Simon Petro lö, “Ichinyi Kristo,* Wero Tororöt nyo satate.”

IGHISYEWUT 15:9

Akimatarechanye kesisituna nko chane. Kilöstoghchï chane ngokikwa ompöwölo kighan.

1 KORINTO 15:45

Ompöwölo lentöy Kikirut, “Kilïkwï Adam nyo pö tagh chi nyo söpote,” wölo kïlïkwï Adamto söröm Mïkulögh nyo töni pich söpon.

EPRANIA 3:12

Orip kegh tupchenichu, tömötöp ntökïrumunö chi kwenunkwa nyo tïng mïkulögh nyo gha nyo puryö kighanat nyo ighöy nyinte ntökïpïstö Tororöt nyo söpöy.

EPRANIA 7:16

Kimeghnye chi nyinte kïlïkwï tïsin kïrïp kegh nko otöptino pich, wölo ompö owesyo söpon nyo möminye söröm.

EPRANIA 9:26

Ntökilenyoni kitökichopöy kong Kristo kïngeta otini le towunöto ngwïny. Wölo ye otï karich osiswechï pö löt sörö, kuchumï nyinte kïnyïl akonga kïkonï kegh kïlïkwï amöros nyo löstoy ngoki pich.

EPRANIA 10:10

Akwompöwölo kigh Yeso Kristo machata Tororöt kutötö kegh kïlïkwï amöros nyo pö ngoki pich kïnyïl akonga akïmïchï ketïlilecha ompö ngokicho.

EPRANIA 10:12

Wölo kikonï Kristo amöros akonga nyo pö ngokï amöros nyo mïchini kokay atolapay kïwö kïtöpunö okumpö tagh nyo pö Tororöt.

EPRANIA 13:12

Nka nyoni kïyoni kigh Yeso tïkwïl kikinyaril nyinte ompö sanypa kanasyan atökumï kuwunö pich ngokikwa ompö kisönkachi kegh.