EPRANIA 8:5 - PIPÏLIA

⁵ Lata ighisyononi pö tïsï körkeyïn akïlata rurwö nyo pö tïpö yïm. Karkegh nko wölo kilata Musa ato kimököy kïteköy ema, kïlenchï Tororöt, “Irosïta lasiny aigh kïgh anka tïkwïl kïrïp kegh nko körkeyïnay kisöchinyi kutïng parak.”

EPRANIA 8:5 Referans Kwoze

WUWÖT 25:40

Iros lö keghanyi le ato kyoporunyi ompö kutïng.

KOLOSAY 2:17

Tontögh pat ngala cho lata choni nyo pö ngal cho tökïpkonöy, wölo ompö choni löwïr Kristo onkït nyo le man.

EPRANIA 10:1

Ompöwölo ki rurwö kwïle kirurut cho pö tïkwïn cho karamach cho melö körkeyïn lasiny nyo pö ngale chunö le chane. Memukönye nyu amörostinechoni kïroptoy osis löwïr ompö könyi anka tïkwïl ntökwigh pich cho soghöy kïtïlilöchitu.

WUWÖT 26:30

Itek Eme le ato kyoporunyi ompö kutïng.

1 OTÖPTINO OSIS 28:19

Kïlö pöytoghin Daudi, “Mi chï löwïr tötut cho kikir kïrïp kegh nko ngala ECHOTYON cho kikonanïn amwa.”

WUWÖT 27:8

Igha ato kïpelo amöros santukï nyo pö ket, lenyini kikiporunyi ompö kutïng.

1 OTÖPTINO OSIS 28:12

Kutö tïkwïl tötut cho kitïng nyinte ompö kinonutkachi, cho pö Kö pö Tororöt okumpö sany nko korïn cho kimi nko korïn cho pö Kö pö Tororöt nko tïkwïn cho kakitïlilchï ECHOTYON.

EPRANIA 9:9

Körkeyïn pö osiswechï le chicho emanoni. Poru lö memuköcha ropöwo amörostino kyak cho kïroptoy ntökwigh mïkulöwu chichoni soghöy kuten.

KIYITUT 8:4

Kikigha ket pö kitömöw koltin kïngeta ngwïny ntökwit parak, kïrïp kegh lenyini kiporchï ECHOTYON Musa.

EPRANIA 12:25

Arose kegh nyu tömatagh nyinte nyoni ngölonöy. Ompöwölo ato kimöchïwïtyöcha pich cho kitagh kïlïm ngala chichoni kingwïn ngwïnyinï akuyomisï ngala yïm, ekechïwïtyonecha lö ne nyu ato kïghöpönöcha nyinte nyoni rirwecha ompö yïm?

EPRANIA 11:7

Kigh kighanata Noa kïlïm rirunata Tororöt ompö ngal cho kitökïpkonöy cho kitomöcha kesïwa. Kïter Noa kuti Tororöt akïtek meli nyo kikuro Sapina tökïsörï kegh nko katanyi. Akwompö ngalechoni kerwokyï ngwïny akïlïkwï nyo kinyorï Noa tïlilyö kungwïna kighanatenyi.

IGHISYEWUT 7:44

“Kitïng papotïnecho ema söwintön ompö sïrkwen. Kikigh emanoni kïrïp kegh nko wölini kimwochï Tororöt Musa kwigh kïlïkwï, kïrïp kegh nko körkeyïn nyo kökikïsïwa Musa.

WUWÖT 25:9

Techa köyï le otini oporunyi wölo töptoy kot nko tïkwïn cho kitöni ori.

MATAYO 2:12

Kurur Tororöt chane ompö kirwotïtogh lö, “Momïlisyö ngat wölo mi Erode.” Kïlenyona kïmïlisyö chane korengwa kuwer are anka.

EPRANIA 13:10

Kikïtögho tïsï cho kipöghisyegho emeni pipö Yaudi kwam amöros nyo kimi watwa.

NGONGUT 15:5

Otini kimuchö, asïwan lö kiyata Kö pö Tororöt nyo mi yïm akimi ema kiporunöto Tororöt orinyi.

YOSWÖ 22:28

Kenanacha lö, ato kïmwoghwecha anta monecha asistanka le nyï, kemwoghecha lö, ‘Arosa, anyï ato kïpelo amöros pö ECHOTYON nyo kigh papotïnecha. Melö ki pö amörostin cho kïpelöy anta ropöw, wölo takïlïkwï söwintön ompö kwenuncha nko akwa.’