EPRANIA 7:27 - PIPÏLIA

²⁷ Sis nyinte nko tïsï walaka cho echön, mötïngnye machat nyo tötoy amörostin osis löwïr cho pö ngokichi kegh atolapay kutötö cho pö ngoki pikö walaka. Kigh lenyoni kïnyïl akonga nyo mïchini könyis löwïr otini kikonï kegh nyinte.

EPRANIA 7:27 Referans Kwoze

EPRANIA 9:28

Kïlenye nyoni tïkwïl, kikonï kegh Kristo kïlïkwï körösyon kïnyïl akonga tökupuktö ngoki pich cho chang. Chumu nyinte nyu panto odeny amelö ngwïnöy tökunoghyechï ngokï, wölo tökïsoru pich cho köngöy nyinte.

EPRANIA 9:12

Otini kilït Kristo emanoni kïwö Wölo Tïlil Tya, akilït kïnyïl akonga kïpoto, kïmelö kip kisön pö ngaror nko cho pö mogh atökïropta amöros, wölo kip kisönkachi kegh cho kyala sörunötenyo nyo pö kokay.

EPRANIA 9:14

Wowitu nyu tya tïlilyö nyo kïsïkonecha kisön pö Kristo! Nyinte nyini kikonï kegh kïlïkwï amöros nyo lïpop ompö tawu Tororöt ompö ara Mïkulögh nyo Tïlil nyo pö kokay. Wunöy kisönkachi sïkunöteto mïkulisköcha kïngetunö ighisyewut cho puryö kinyiwut atökemuka kepöghisyechinö Tororöt nyo söpöy.

EPESO 5:2

Akanya kuntöghoghchï chomnyogh otöptinekwa, le wölo kichamtecha Kristo* tökïkonecha söpontanyi kïlïkwï tïsöwon nyo ngutoy nyo anyïm, akïlïkwï amöros nyo karam ngörökyini Tororöt.

EPRANIA 5:3

Akwompöwölo nyarkalal nyinte, kemökyini kutötöy köröstin cho pö ngoki pich nko cho le chechi kegh.

TITO 2:14

Kikonï kegh nyinte tökïsörunenecha ghöyityö anka tïkwïl akutïlilecha, cho le pikachi kegh, cho tïng machat kwigh pöghisyewut cho karamach.

RUMI 6:10

Kima nyinte megha ngokï kïnyïl akonga akumuchö, wölo möngisïyi nyinte ye ompö linyogh nko Tororöt.

EPRANIA 9:25

Kilïtöy Tïsinto pipö Yaudi nyo Wow Wölo Tïlil Tya kïnyïl akonga kïtïng kisön pö kyak, wölo kimölïtnye Kristo lö tökutötö kegh kïnyïl cho chang.

LAWIN 16:11

“Tötoy Aron egh kïlïkwï ropöwonto ngokichi nko cho pö katanyi atökïlinyö nko ECHOTYON.

EPRANIA 9:7

wölo Tïsin nyo Wow* onkït nyo lïtöy eme nyo pö odeny akwighöy lenyoni kïnyïl akonga ompö köny. Akwotini wetöy kïlïtöy emanoni, kwipöy kisön cho wetöy kutötoy ompö ngokichi kegh nko ngoki pich cho kigh.

EPRANIA 5:1

Kikikïlöy tïsin anka tïkwïl nyo wow kekïlo kwenu pich atökungarak chane kïpöghisyechï Tororöt kutötö ropöw nko amöröstin ompö ngokï.

LAWIN 16:15

“Atolapay kïpar artanay pö ropöwonto ngoki pich, atolapay kwip kisönkö kïlïtöy Wölo Tïlil Tya akwisö kisönkö paraku köröwonto Santuku Muma nko wölo le tagh le wölo kida kisönchay pö egh.

LAWIN 16:6

Tötoy Aron egh kïlïkwï ropöwonto ngokichi nko cho pö katanyi atökïlinyö nko ECHOTYON.

EPESO 2:22

Kïmi ketekokwa tïkwïl alïkuna akonga nko nyinte aketekokwa nko pikö walaka alïkuna möngo Tororöt kuwerï Mïkulöwunyi.

ESEKEL 43:19

Tïsï opïn cho le pipö Lawi cho pö ara Sadok cho pkonöy kïpöghisyewanïn. Ani Echotyon TORORÖT nyo kamwagh. Itöninenyi chane ngaryan kïlïkwï amöros pö ngokï.

EPRANIA 8:4

Ntökipö nyinte ngwïnyinete, melö kitölïku nyinte tïsin nyonikïny, ompöwölo mi tïsï wölete cho roptoy tïkwïn kïrïp kegh nko kirurut pö pipö Yaudi.

EPRANIA 9:26

Ntökilenyoni kitökichopöy kong Kristo kïngeta otini le towunöto ngwïny. Wölo ye otï karich osiswechï pö löt sörö, kuchumï nyinte kïnyïl akonga kïkonï kegh kïlïkwï amöros nyo löstoy ngoki pich.