3 Keleta tagh! Kighecha choni ato cham Tororöt.
Melö omökan okuskusöy oweröy korenkwa ompö rutoghtönyan. Ononan lö otöponan nko akwa osis cho te, ato cham Echotyon.
Wölo otini kiwetöy kïlenchï chane, “Ato machata Tororöt, orutoghwokwa ngat.” Kïngeta Epeso kïweghö meli.
Wölo ato cham Echotyon orutowokwa ato lekït, atonkïtwan nyu ante, owesyö nyo tïng pïchoni kwolöy kegh, amelö ngal pat cho mwoghöy chane.
Kömïchinokwa amwagha lö, “Ato machata Echotyon, kïkonecha söpon asïyech kemuka kegha kïyï kïyinö.”
Atolapay angwïnan wöloni omitekwa ompö ngörekyö nyo wow, ato cham Tororöt, amuny nko akwa.
Ompöwölo, ato töp pich cho kitach löpoyïn pö Tororöt, akïchamcham ropöwonto yïm, akïsïch ghamtagh nko Mïkulögh nyo Tïlil,
