EPRANIA 6:12 - PIPÏLIA

¹² Malïkwï körsong, wölo okil kegh, arïp pich cho kighan akïmïkukön atomi söröm kïnyorï tïkwïn cho kiyomisyï Tororöt chane.

EPRANIA 6:12 Referans Kwoze

EPRANIA 13:7

Anan kintöghoghikwa cho kipö tagh cho kyomwokwa ngölyonto Tororöt. Anane wölo kitöptoy chane, atarïpa kighanatengwa.

EPRANIA 10:36

Mïchini omïkukönökwa atamuka agha machata Tororöt, tonyorunö kini kikiyomisï.

1 YOANA 2:25

Akï kïgh nyo kiyomiswecha Kristo nyinte kï söpon pö kokay.

RUMI 12:11

Malïkwï soson otinö opöghisïyi. Opöghisyechinö Echotyon ompö mïkulögh nyo pö kitötogh.

EPRANIA 5:11

Chang ngala cho kimukecha kemwoghe ompö chichoni, wölo aghïgh kenetokwa, ompöwölo möpköchinokwanye ngala lawel.

2 PETRO 1:10

Kïlenyona nyu tupchenichu, onoghyenö okilö kegh lasiny atachïchima kuröto Tororöt nko löwönötenyi ompö akwa kwaghïghit, ompöwölo ato aghakwa lenyoni, kïmopïtyinekwanye ngokï nyonikïny.

YAKOPO 1:3

Ompöwölo onkïtökwa lö ato alotakwa ompö kighanatenkwa, sörömunyi onyorunekwa mïkukönöt.

EPRANIA 12:1

Kïtïngetecha acha söwï cho chang nyoman cho kiwitwitecha. Kenateghena nyu nïkisyö anka tïkwïl nyo tungecha nko ngokï cho sïkwïrecha, akeryagh ompö nyakanat kanyanyighos nyo mi tawunyo.

EPRANIA 1:14

Mömïkulisnye so chane cho kikïyonï kïpöghisyechï pich cho nyoru sörunöt asïyech?

RUMI 4:12

Akï papoto pich cho kikemut tïkwïl, amelö pat ompöwölo kikemut chane, wölo ghönöy Tororöt le kukötönyo Apraam kïtomö kemut.

RUMI 2:7

Töni Tororöt söpon pö kokay pich cho ighchini pikö walaka nyo karam akïsomöy Tororöt kutö chane ororyö nko konyït nko söpon nyo melö wïröy.

YEREMIA 6:16

Lentöy ECHOTYON, “Oghyongenö ato keryama ortïna, atopöntö, atepa keporwok ara könyisyok nyo karam. Arïpakwa nyu aranoni topöghisyenö ompö kalya. Wölo kölö chane, ‘Ewo, mökïrïpechanye aranoni.’

NGÖTÏNYÖ 18:9

Chi nyo sosönchini ighisyenyi, kïtupchö nko chi nyo le kinyorin.

NGONGUT 13:10

Chi nyo kakemutyï kenam akewuw, kenömöy akewuwöy lenyoni nyo mötïny. Akwanka tïkwïl nyo kakemutyï kepara chok, kepöro chok nyo mötïny. Kïlenyona, mïchini pipö Tororöt kïmïkukön ompö kighanat.

EPRANIA 11:33

Kirïnta chane pöytoghi koros akwompö kighanat. Kigh chane ngala man ato mi löt kïnyorï tïkwïn cho kiyomisyï Tororöt. Kikar kutïwa ngötuny,

EPRANIA 6:15

Kïmïkukön Apraam ato mi söröm kïnyorï kïyoni kiyomisyï Tororöt.

2 TESALONIKE 1:4

Nka nyoni kïgh nyo keghecha kekwolenö kegh akwa ompö kaniseni Tororöt. Kïkwolecha kegh ompö or nyo omitekwa orïpöy ompö kighanatenkwa nyo melö wöghöko, kïrkegh nyörilwok nko kiwongunöt cho konyorukwa.

LUKA 8:15

Kïnyïl kösïghechay kichïnchï nyïngwïtyan nyo akwagh kï pich cho lïmöy ngölyonto Tororöt akïkomönchï mïkulögh nyo ghanat, akï nyo karam, akïmïkukön ntökïyï akwa.

MATAYO 22:32

Kimwa lö, ‘Ochan Tororöt pö Apraam achan Tororöt pö Isak achan Tororöt pö Yakopo!’ Poru nyoni lö nyinte kï Tororöt pö cho sötote, melö nyo pö cho kimeghö.”

NGÖTÏNYÖ 15:19

Pito kato ara chi nyo le sosö, wölo pelate ara chi pö man.

NGÖTÏNYÖ 13:4

Pïrchini kïgh chi nyo le sosö wölo mönyorunye kïgh, wölo pïghyongöy chi nyo kilöy kegh.

NGÖTÏNYÖ 12:24

Sïköy chi owesyo paytagh nyo kilöy kegh, wölo lïku chepkowö sekeyon.

1 TESALONIKE 1:3

Kinonecha ompö tawu Tororöt akï Paponyo ighisyenkwa nyo pö kighanat nko pöghisyo chomnyogh nko chïchïmata kikönötenkwa ompö Echotyontenyo Yeso Kristo.

LUKA 16:22

“Kitöpö meywontonay ntö kïma. Kïpka kumït malayken nyinte kïwö kïtöpö nko Apraam. Kite kïma sïkönonay tïkwïl, aketïp.

MATAYO 25:26

Kilenchï echotyontenyi, ‘Ichinyi mötworin nyo gha aichï sosö. Ato kinkïtönyi lö kyokösan pagh ompöwölo kimolechanye kösïgh, aghamïta wölo melö kyolechan kösïgh,

TUM PÖ TUMWÖY 1:8

Ato menkïtönyinye, we nyi nyo ichï pïchigh kïtïl kor löwïr, irïp kelyo kechir aterose wareku ompö emeni mösöw.

NGÖTÏNYÖ 2:20

Kïlenyona erïpenyi ara pich cho karamach airïp ortïna pich cho pö man.

NGÖTÏNYÖ 28:10

Chi nyo kïnkïnöy chi pö man kïrïp or nyo gha, kupïtyini pïrïmpenyi kegh, wölo nyoru mïlat nyo karam pich cho mötïngcha kigheghchin.

NGÖTÏNYÖ 26:14

Otini lawel keyokyï kegh tekechonta kukat, kïlït sosö pöröyunyi panini.