EPRANIA 3:9 - PIPÏLIA

⁹ Wölo, kitönineghenanïn papotïnekwa tyamat akïtatapanïn, kïrkegh kisïwa chane tïkwïn cho kyaghan könyis tömönut angwan.

EPRANIA 3:9 Referans Kwoze

IGHISYEWUT 7:36

Ki nyinte nyoni kimïtuna pich koro Misri, otini kökikwigh kiporut nko töngönchin ompö Misri nko ompö Nanam nyo Pïrir nko ompö sïrkwen ompö könyis tömönut angwan.

KINONO KIRURUT 4:9

Wölo orip kegh nyoman atömotöp ntowutyeghö tïkuchanye löwïr kyasïwekwa. Amopïstö ngalechï asïyech kokay, omwochï monekwo tïkwïl ngalechoni nko moneko monekwa,

YOSWÖ 24:7

Akï nyini kirirchanïn chane otönön tuwïn kwenungwa nko pipö Misri, atolapay aluman chane pögho nanam akïtïp akyasiwekwa ngal cho kyaghan ompö Misri. “ ‘Amangakwa surkwen osis cho chang.

KINONO KIRURUT 8:4

Melö kiyositu sïrokökwa cho kyolokekwa amelö kikutu kelyekwa ompö könyiswechoni le tömönut angwan.

KINONO KIRURUT 4:3

Kyasïwekwa akwane kïyanye kigh ECHOTYON ompö kutïng pö Peor. Kipar nyinte chi anka tïkwïl nyo kisagha Paal* atoni.

WUWÖT 19:4

‘Kasïwekwa kïgh nyo koghchan pipö Misri apunenokwa köpepoy le sich nyo ipöy warechi apkanakwa wölo omitan.

IGHISYEWUT 13:8

Wölo kïmir ponintonay le Elimas chane (kaynenyi nyoni ompö ngala Krik). Kimököy kulyoktoy pöytoghintonay lö tömeghan Kristo.*

LUKA 7:22

Kuyokyï Yeso chane lö, “Omïlonchenö wölo mi Yoana amwochï tïkwïn tïkwïl cho kasïwekwa alïmakwa, kerosïta chepkarotonoy, kapesta pich cho ngwolsot, kaketïlil cho amate psenkwet, kalïm cho mingote, kakututï pich cho kimeghö akyomchï mey Lökoy cho Karamach.

AMOS 2:10

Kyopunekwa koro Misri, antöghoghwokwa könyis tömönut angwan ompö surkwen tachenga koro Amori kïlïkwï nyingwo.

YOSWÖ 23:3

kyasïwekwa tïkwïn löwïr cho kighchï ECHOTYON Tororötïnkwa pipö punton akwompö akwa: ki ECHOTYON Tororötïnkwa nyo kiporyewokwa.

KINONO KIRURUT 29:2

Kïkur Musa pipö Israel löwïr akïlenchï, “Kyasïwekwa tïkwïn cho kighchï ECHOTYON Parao nko mötworichi nko pikachi löwïr ompö Misri.

KINONO KIRURUT 8:2

Anan arananye kïmïkul kimïtunenokwa ECHOTYON Tororötïnkwa ompö könyis tömönut angwan ompö surkwen, atökwighekwa opö kegh ngwïny. Akïtyamakwa, atökunkïtï wölo lata mïkulöwekwa lö ochömekwa orïpe kirurutkachi nya anta ewo.

KIYITUT 14:33

Lïku monekwa mösöw ompö surkwen könyis tömönut angwan akuwongu ompöwölo kimotïngetekwanye kighanat, ntökïtenö kïma nyo pö söröm ompö akwa.

WUWÖT 20:22

Kïlenchï ECHOTYON Musa, “Mwochinö pipö Israel lö, ‘Kasïwekwa akwane lö kongölonwokwa ompö yïm.

YOSWÖ 5:6

Ompöwölo kipesta pipö Israel könyis tömönut angwan ompö surkwen, ntökuwonyö löwïr cho kile pipö lïk cho kipkana Misri, ompöwölo kimelö kiter ngala ECHOTYON. Kiyomisyï ECHOTYON chane lö mösïwïyicha kokay koronay kiwolwolchï ECHOTYON papotïnekwa lö okonekwa, kor nyo kinyïghï chö akïwow kumata.

KINONO KIRURUT 11:7

Wölo kisïwekwa tïkuchoni löwïr echön kigh ECHOTYON.

TUMWÖY 95:9

Kityamanïn chane ompö atoni akïtatapanïn, kïrkegh kökikïsïwa chane ighisyewutköchan.