EPRANIA 13:16 - PIPÏLIA

¹⁶ Mowutyeghö oghchï pich nyo karam angarak kegh akwane, ompöwölo amörostin cho lata choni cho chömöy Tororöt.

EPRANIA 13:16 Referans Kwoze

2 TESALONIKE 3:13

Wölo moghochö cho le akwa, tupchenicho agha ighisyewut cho karamach.

RUMI 12:13

Angarak pipö Tororöt ompö möchutkökwa, atach to ompö kestonikwo.

KALATIA 6:10

Kïlenyona nyu, mïchinecha keghchine chi anka tïkwïl nyo karam otete töketïngetenö pöroyïn tökïmïr tya werköcho cho ghönote.

EPRANIA 6:10

Pö man Tororöt nyo möwutyeghonye ighisyenkwa nyo pö chomnyogh nyo kyaghakwa ompö kaynenyi, ompö kingarakat nyo kyoghchikwa pipö Kristo akïtomitenökwa oghchine chane.

1 TIMOTEO 6:18

Mwochinö chane kwigh nyo karam akïlïkwï monkor ompö pöghisyewut cho karamach. Mwochinö tïkwïl kukörkoröy morïn kïcham kutötö tïkukwa akupar nko piko walaka.

PILIPI 4:18

Konyorwan tïkwïn löwïr cho kyokonanïkwa, ki chang tïkuchoni kïtïl cho kyomökan, otïngetan kïgh anka tïkwïl nyo omökan otï le ye, kakwipkanïn Epapradito ropöwekwa cho karkegh nko körösyon nyo ngutoy nyo karam akïkarkegh nko amöros nyo chömöy akïngörökyini Tororöt.

EPESO 4:28

Nya kïpïstö chorin chorsyö akïpöghisyö atökïsïch kïgh nyo poröy nko nyo chopöy.

1 TESALONIKE 5:15

Asïwa kegh tömeker chi ompö akwa kukerchï chitö anka ghöyityö ompö ghöyityö, wölo akanya kïlïkwï machatengwo nyo oghchini kegh nyo karam kïtenö osis aghchï pich lapay nyo karam.

IGHISYEWUT 10:38

Onkïtökwa ngala Yeso nyo pö Nasaret, wölini kitöntö Tororöt nyinte Mïkulögh nyo Tïlil nko owesyö. Kiwestö wop lapay, akwighchï pich nyo karam, akusop pich lapay cho kökikïrïnta Onyötö, ompöwölo kimi Tororöt nko nyinte.

LUKA 18:22

Kïkany kïlïm Yeso lenyoni, kïlenchï, “Mi kïgh akong nyo mïchini ighanyi. Wïyö altena tïkwïn löwïr cho itïngetö aitö ropïyeni mey, telïkuna sïkön ompö yïm. Atolapay ingwïn irïpanïn.”

TUMWÖY 37:3

Ghana ECHOTYON aigh nyo karam atemanga kor ompö kalya.

3 YOANA 1:11

Kongenyu, memustö kegh kïgh nyo gha, wölo irïp nyo karam. Anka tïkwïl nyo ighöy nyo karam, kïpo nyinte Tororöt, akwanka tïkwïl nyo ighöy nyo gha kïtomönye kunkïtï Tororöt.

KALATIA 6:6

Nya kupar chi nyo kinetöy ngölyonto Tororöt tïkwïn löwïr cho karamach cho tïng nko konetintenyi.

PILEMON 1:6

Osoghan lö, tökoninyi nyoryencha nko nyi le kighönï kimukat tenyorunö kinkïtöt nyo wow nyo pö kisoyönöt anka tïkwïl nyo kakïlïkwï nyinyo otini kikelinyecha nko Kristo.

PILIPI 4:14

Wölo kyaghakwa nyo karam otini kyangarakanïkwa ompö nyörilwoköchan.

IGHISYEWUT 9:36

Kimito korka akong Yopa nyo kikuro Tapita, nyo kighanate. (Kikuro kaynenyi ompö ngala Krik Dorkas, nyo ato kïwaghach kï chemïl.) Kighchini pich nyo karam akungöroköy mey.

TUMWÖY 51:19

atengörökyinönyi nyu ropöwo man nko amörostin cho kïpelöy, atökekonï eghin ompö ato kïpelo amöros. Ompö kintöghoghinto tum pö Daudi, otini kingwïn Doek nyo pö Edom wölo mi Saulö akïlenchï, “Kengwïn Daudi Aimelek.”