EPRANIA 12:23 - PIPÏLIA

²³ Katïtekwa wölo nyoryegho Tororöt nko monechi cho le poretay cho kikekir kaynötutkökwa ompö yïm. Kapkanakwa wölo mi Tororöt nyo le kirwokinto pich kïmïkul nko nyo pö mïkulis pö pich tïkwïl cho kikegh kïtïlilöchitu.

EPRANIA 12:23 Referans Kwoze

YAKOPO 1:18

Kiyiyecha nyinte ompö machatenyi ompö ngölyontenyi nyo pö man atökelïkuna cho pö tagh ompö tïkwïn lapay cho kigh nyinte.

EPRANIA 11:40

ompöwölo kimököy Tororöt chane kïköngisyö tökumor kïnye ropöw cho karamach cho kikiyomiswecha.

LUKA 10:20

Wölo mongörekyö, pat lö köterwech oy, wölo ongörökyenö ompöwölo kikekir kaynötutkökwa ompö yïm.”

NGONGUT 14:4

Pich chane cho kikïrö kegh sïmnyontöno cheporesnan, ompöwölo ki kïltïte chane. Mi chane kïrïpöy Wawa Kech wop anka tïkwïl nyo wetöy. Kikïsörunö chane kwenu ptangengmötine walaka, akï chane cho kïnyoghöy keropchini Tororöt nko Wawa Kech.

WUWÖT 4:22

Ailenchï Parao, ‘Lentöy ECHOTYON, Israel kï werïnyan nyo le poret,

TOWUNÖT 18:25

Megh kïgh nyo lata nyoni! Mepar pich cho karamach nko cho ghach. Kikongityot chi nyo karam nko mwokïyon! Ewo, megh lenyoni! Meghönye so man kirwokinto ngwïny kïmïkul?”

NGONGUT 20:15

Kikïwirchï nanamoni pö ma chi anka tïkwïl nyo kimelö kikïsöchï kaynenyi kukirate ompö kitapu söpon.

TUMWÖY 94:2

Ngeta nyu, nyi nyo irwokyini ngwïny, ighchinö menot lenyini kömïchini!

EPRANIA 9:27

Kïle otino meghöy chi kïnyïl akonga akwoto lapay kïlïkwï kirwoko Tororöt.

TUMWÖY 96:13

atomïla ECHOTYON atökïpayta ngwïny. Pöytoy pipö ngwïny ompö man nko kitenat.

NGONGUT 13:8

Soghöy pich cho mi ngwïny tyonyoni, kïpoto chona kikekirchï kaynötutkökwa kitapu söpon kïngeta towunöto ngwïny, nyoni kï kitapu Wawa Kech nyo kikïpar.

1 PETRO 2:23

Kikimwa nyinte, wölo kimöwöghökyïnye chane ompö kimwoghsyö. Otini kiwongu nyinte, kimelö kyotyeghö pïchoni kichopöy, wölo kitö kikönötenyi wölo mi Tororöt nyo rwokyini pich kong ompö man.

EPRANIA 11:4

Kigh kighanat Apel kutö Tororöt amöros nyo karam kïtïl nyo pö Kain. Kuyit Tororöt nyinte lö, pö man akwompö kighanatenyi, kïsöwintönchï Tororöt kïcham ropöwechi. Kima Apel wölo mi kïngölonöy akwompö kighanatenyi.

1 TIMOTEO 3:5

Ompöwölo ato memukönye chi ntökïpayta katanyi kegh, muköy lö ne kïpöytoy kanisa Tororöt?

PILIPI 4:3

Osominyi tïkwïl, kongenyu nyo ichï ghanate, lö ngaraka koruchoni, ompöwölo kinoghyö chane nko ani ompö amtaghata Lökoy cho Karamach nko Klemen nko pich lapay cho kikinoghyecha tïkwïl, pich cho kirote kaynötutkökwa kitapu söpon.

EPESO 1:22

Kikutö Tororöt tïkwïn tïkwïl kïtïpï ngwïnyi kelyo Kristo akutö nyinte kïwowitunö kanisa kïmïkul.

IGHISYEWUT 20:28

Akamana kegh arip, apagh kechiryo Tororöt cho kökonokwa Mïkulögh nyo Tïlil ayakwïya. Alïkwï mösöw cho pö kanisa Tororöt nyo kyala nyinte kisönko Werïnyi.

YOANA 5:27

Akakutö nyinte owesyö Werïnyi kurwokyï pich, ompöwölo Wero Chi nyinte.

TUMWÖY 98:9

Otumenö tawu ECHOTYON ompöwölo kengwïn kurwokyï ngwïny. Rwokyini nyinte ngwïny ompö man akïpayta pich ompö kitenat.

KOLOSAY 1:24

Ongörökyinan ye nyu nyörilwoköchan cho keghanïn owongwï ompö akwa, ompöwölo ompö nyörilwoköchan, kamukan anyïghit chölös nyo kirarteghate ompö nyörilwok pö Kristo ompö portanyi, nyoni le kanisa.

KOLOSAY 1:12

Oyokyinö Papo sörö nyo kasïwa lö mïchinecha kenyorunö kareran pö tïkwïn cho kingotyï nyinte kïlankachi ompö paytaghtanyi nyo pö löpoyïn.

2 KORINTO 5:8

Kïchicha nyökon akepïrchinecha lö tökïwuwö möngonete akepa ketïpï nko Echotyon.

1 KORINTO 15:54

Ato lach porï nïnöy otöp nyo mönïnöy, ato lach kïgh nyo meghöy otöp nyo mömeghönye, kwitïta nyu ngölyontonay kikikir lö, “Kakiwur meghat, ketïta rïntagh!”

1 KORINTO 13:12

Kïgh nyo kïsïwïyecha ye kï kïton nyo mörumunye lasiny ompö kiyö, wölo kisïwïyecha kegh asoni lö. Onkïtön cho ngörï ye pat, wölo onkïtunan asoni lasiny, le wölo nkïtïtanïn Tororöt.

YEREMIA 31:9

Mïlisyot piköchan kïlokyonu, omïtunan osoghsoghonu chane, kuweranï lalwatïn cho mi pögh. Pegho or nyo tapulul nyo puryö kïgh nyo kwötöy chane, ompöwölo ochan papoto Israel, akï poretyenyan Epraim.

OMTOGHIN 12:7

akïmïla nyïngwïtyanta nyïngwïny nyini kingwïna, kïmïla mïkulögh wölini mi Tororöt nyo kikonï.

TUMWÖY 111:1

Asala ECHOTYON! Oyokyinan sörö ECHOTYON ompö mïkulöwunyu kïmïkul, ompö ghömïcho pich cho tenote nko tuyeto pikachi.

TUMWÖY 89:27

Oghan nyinte kïlïkwï werïnyan nyo le poret, wowitu nyinte kïtïl pöytoghi ngwïny kïmïkul.

TUMWÖY 89:7

nyo konyïtote ompö kokwo cho tïlilöch, wow akewöghöy kïtïl löwïr cho kiwit nyinte.

TUMWÖY 69:28

Ingongoghta kaynötutkökwa ompö kitapu pich cho söpsot amekany kekir chane nko pipö man.

KINONO KIRURUT 21:17

Wölo mïchini kutö poretyenyi tïkwïn cho kitöni kïnyïl odeny, kïrkegh kö weri nyo pö kokonay kïsösöy, ompöwölo ki poretyenyi tagh nyinte. Nyo mïchini kïnyorï monïng nyo le poret mantanyi.

WUWÖT 13:2

“Otïlilwanïn poretay löwïr cho pö pipö Israel nko cho pö kyak.”

WUWÖT 32:32

Wölo ye nyu, löstoghchinö ngokikwa anta mölenyona, ingongoghtanïn ompö kitapungu nyay kikirchinyi piköku.”

1 KORINTO 15:49

Kïle wölini kïkörecha kegh nko chichoni kikigha nyïngwïtyan kekörecha kegh tïkwïl nko chichoni kingwïna yïm.

EPRANIA 2:12

Mwoghöy nyinte lö, “Omwochinan tupchenichu kaynengu, we Tororöt, osölinyi ompö kwenuto nyoryengwa.”

NGONGUT 6:9

Atolapay kïngötïy Wawa Kech macheyto mut. Osöchan ngwïnyi wölay kïpelo amörostin mïkulis pö pich cho kikïpar ompöwölo kyamta chane ngölyonto Tororöt nko ompö söwintönengwa.

NGONGUT 6:11

Ketö anka tïkwïl ompö chane sïra nyo kogh nyo rel akemwochï kumuny kïte, ntökïtenö kwitïta kiyitöto mötwor cho kipöghisïyi nko chane nko tupchenikwa cho tökepöröy le wölo kikïparta chane.