EPRANIA 12:2 - PIPÏLIA

² Ketanga wölo mi Yeso, nyinte nyo le kitorinte akï nyinte nyo puntoy kighanatenyo. Kimïkukönö nyinte kimurtöwon akwompö ngörekyö nyo kimi tawunyi. Wölo kimas arasï nyo pö kuwongunöto kimurtöwon, akï mi ye okumpö tagh nyo pö ngacharu paytaghpa Tororöt.

EPRANIA 12:2 Referans Kwoze

MIKA 7:7

Wölo okönyan nyo le ani ECHOTYON onkït okönyan Tororöt pö sörunötenyan, terwanïn akï sörwanïn Tororötïnyan.

1 PETRO 3:18

Ompöwölo kimegha tïkwïl Kristo ngokï kïnyïl akonga akumuchö. Kuwongwï chi nyo karam ompö mwokïyis atökumï kumïtakwa wölo mi Tororöt. Kima nyinte kïma ompö por, wölo kisöpote ompö mïkulögh,

EPRANIA 1:3

Nyinte nyo le kwörkwöryö nyo pö ororyo Tororöt akï nyinte nyo le körkeyïn pö Tororöt tighöy tïkwïn löwïr ngölyontenyi nyo pö owesyö kiwö nyinte kïtöpunö ewu tagh nyo pö wowïn pö Tororöt otini kiwany kutïlilöy pich ompö ngokikwa.

EPESO 5:2

Akanya kuntöghoghchï chomnyogh otöptinekwa, le wölo kichamtecha Kristo* tökïkonecha söpontanyi kïlïkwï tïsöwon nyo ngutoy nyo anyïm, akïlïkwï amöros nyo karam ngörökyini Tororöt.

PILIPI 1:6

Onkïtön nyoman lö puntoy Tororöt nyini kitor pöghisyononi karam ompö orinkwa otinö kamïla Kristo Yeso.

EPRANIA 9:28

Kïlenye nyoni tïkwïl, kikonï kegh Kristo kïlïkwï körösyon kïnyïl akonga tökupuktö ngoki pich cho chang. Chumu nyinte nyu panto odeny amelö ngwïnöy tökunoghyechï ngokï, wölo tökïsoru pich cho köngöy nyinte.

YOANA 6:40

Ompöwölo mököy Paponyan lö tösïch pich löwïr söpon pö kokay cho sïwïyi Wero Tororöt akughan nyinte ataghan chane kututu asispa söröm.”

1 PETRO 3:22

nyo kikïwö yïm akïtöpö ewu tagh nyo pö Tororöt atökïpayta malayken lapay nko pöytoghï nko owesyö anka tïkwïl nyo mi yïm.

IGHISYEWUT 5:31

Kisyol Tororöt nyinte kïtöpö ewunyi okumpö tagh, kïlïkwï kintöghoghin nko Ghetin. Atökutö pipö Israel pöroyïn nyo kötegho ngokikwa akelöstoghchï chane.

LUKA 24:26

Kimömïchïnye so Kristo* kuwongwï lenyoni kïtomö kïlït ororyenyi?”

ISAYA 53:3

Kikïsasacha nyinte aketagh, kimïkukönö nyinte nyarïl nko ngwonïn. Melö kimito chi nyo kilentöy taros nyinte, melö kikiyitöcha nyinte lö kigh.

ISAYA 45:22

“Omïlonchenö wölo omitan, akwa pipö ngwïny kïmïkul atökesörwok! Ompöwölo ochan Tororöt amöminye anka.

YUDA 1:21

akany kïkamanakwa chomnyo Tororöt otini omitö oköngöy Echotyontenyo Yeso Kristo, kïkonokwa söpon pö kokay ompö kisyonötenyi.

EPRANIA 8:1

Anyï nyu kïgh nyo wow nyo kïmwowunecha lö, kïtïngetecha Tïsin nyo Wow* nyo lata nyoni nyo töpuno ewu tagh nyo pö ngacharu paytaghpa Tororöt Kimuktoghin nyo mi yïm.

2 TIMOTEO 4:8

Nyo köngötwanïn ye kekonön ropöwonto man, nyo konanïn Echotyon nyinte nyo le kirwokinto man ompö Asisini mïlo nyinte. Amelö nyu konanïn onkït, wölo töni tïkwïl pich lapay cho köngöy ompö chomnyogh asisini chumu nyinte.

PILIPI 3:20

Wölo acha kïmi möngencha yïm, akemitecha keköngöy ompö machat nyo wow Ghetintenyo kungwïna yïm, nyoni kï Echotyon Yeso Kristo,

MARKO 14:36

Kïsagh lö, “Ato muko, Paponyu, ichengena kölowonï! Mukisot tïkwïn lapay ompö nyi. Wölo melö ompö machatenyan, wölo ompö machatengu.”

ISAYA 8:17

Kawïnya kegh ECHOTYON pikachi, wölo oghönan akïtö okönan nyinte.

NGONGUT 2:8

“Kirchinö malaykayanta kanisa Smurna lö, ‘Anyï ngölyon nyo ngwïno nyinte nyo pö tagh akï pö löt, Alpa nko Omeka nyo kima akïsöpöy ngat.

EPRANIA 13:13

Kepe nyu sanypa kanasyan wölo mi nyinte atökepara arasï nyo kisïch nyinte.

EPRANIA 5:9

Otini kikigh nyinte kuten, kegh nyinte kïlïkwï towunöto sörunöt nyo pö kokay ompö pich lapay cho terchini nyinte.

YOANA 13:3

Kinkït Yeso lö kikikutö Paponyi tïkwïn löwïr morichi akinkït lö kingwïna nyinte wölo mi Tororöt akïwetöy ngat wölini mi Tororöt.

LUKA 17:5

Kïlenchï asistanka kiyoktoghï Echotyon, “Töswecha kighanat.”

MARKO 9:24

Kuta papoto monïngay panini lö, “Oghönan, ngarakante aghan!”

EPRANIA 12:3

Anana lasiny Yeso nyo kimïkukönö kimölöto mwokïyis, atömömeghyok mutïnö.

EPESO 2:16

Atö kuwany megha Kristo punyontönengwa ompö kimurtöwon, akumï kunyoryö puntonichoni kwodeny kïlïkwï por akonga akuyokwï chane kïmïlisyö wölo mi Tororöt.

IGHISYEWUT 5:41

Kïngeta kiyoktoghï Kokwö nko ngörekyö nyo wow, ompöwölo kisïwa lö, mïchini kuwongunö chane kaynata Yeso.

YOANA 12:32

Otini kakïsyolenanïn ngwïny owö parak, oghömïtyan kegh pich lapay.”

TUMWÖY 138:8

Ighwaninyi kïgh anka tïkwïl ompö machatengu, pö chomnyengu kokay, we ECHOTYON. Mewutyeghö ighisyewutko moriku. Ompö kintöghoghinto tumï. Tum pö Daudi.

1 PETRO 1:11

Kimukyï chane kunkïtï lö, itu oyï akwosis cho nenach choni kiporchini chane Mïkulöwu Kristo nyo kimi oringwa, otini kimi kïngoröy paraku kiwongunöt nyo kïnyoru Kristo nko ororyö nyo rïpuchoni.

EPRANIA 10:14

Ompöwölo kakwigh nyinte pich cho kitïng ngokï kïtïlilöchitu kokay ompö amörostanyi nyoni le akonga.

YOANA 12:24

Omwowokwa nyoman lö, ato möchïnchïnye kösïghyonto nkanun nyïngwïtyan akïma, kïtökï nyinte onkït, wölo ato ma, kuyinu pakan cho chang.

YOANA 8:56

Kingarak paponkwa Apraam kïsïwa asistanyan, kïsïwa nyinte akïngarak.”

YOANA 1:29

Kisïwa Yoana Yeso asista nyo kirïpöy kungwïnöy wölini kimi nyinte, kïmwochï pich lö, “Anyï Wawa Kecha Tororöt nyo ipöy ngokï ngwïny!

LUKA 23:11

Kïnget Erode nko askarinechi Kïnyernyera Erode nko askarinechi Yeso akutö arasï. Atolapay kulokyï nyinte sïro pö paytagh akuyoda kïwö wölo mi Pilato.

MATAYO 20:28

le ato melö kingwïn Wero Chi tökepöghisyechï, wölo kingwïn kïpöghisyö akusalta söpontanyi tökutyaka pich cho chang ngokikwa.”

MATAYO 16:21

Kutor Yeso kïngeta atoni kuporchï kinetankachi lö, “Mïchinanïn owan atang Yerusalem atökuchopanïn kong poyï nko tïsï cho echön nko koneti kirurut ompö wölini, akïtïghanïn, wölo otutunan asispa sömök.”

SAKARIA 12:10

“Onyïghitan mïkulöwu kisyonchin nko saghat pipö ara pöytoghin Daudi nko pipö kanasyanta Yerusalem. Ato topön chane nyinte nyo kipara chok, kïsönönchï le chi nyo sönönchini montanyi nyo le akonga atoma, anta le nyo kamegha poretyenyi.

ISAYA 31:1

Heywey! Wechï kepotyö pich cho petöy koro Misri lö tökengarakech. Mito chane kutwoytoy kegh pipö Misri cho chang cho pö lïk nko karikwa cho pö poryot, cho lata: angoletin nko nkaritin nko askarin. Wölo metwoytocha kegh ECHOTYON, Tororöt pö Israel nyo Tïlil anta tep nyinte kungarak chane.

NGONGUT 1:17

Otini kyasïwan nyinte, opïtyan kelyechi le chi nyo kima. Kukanaghanïn ewunyi nyo pö tagh akïlö, “Mewöghisïyi! Ochan nyo pö tagh achï nyo pö löt.

NGONGUT 1:11

nyo kilentöy, “Kirchinö kitapï ngal cho isïwïyenyi aipchï kanisenichay le mut nko odeny, kanisa: Epeso nko Smurna nko Perkamo nko Tuatira nko Sardis nko Piladelpia nko Laodikea.”

EPRANIA 7:19

Ompöwölo kimemïcha Kirurut pö Musa ntökwigh kïgh anka tïkwïl kuten. Wölo kakekonï ye nyu kikönöt nyo pïchigh tya nyo kimukonecha kelekïtitunö nko Tororöt.

EPRANIA 1:13

Kimömwochïnye Tororöt malaykayantenyi ompö nyo le akonga lö, “Töpenö ewunyan nyo pö tagh ntökïtenö otönön punköku ngwïnyito kelyeku.”

IGHISYEWUT 2:36

“Mïchini kunkïtï nyo nyoman pipö Israel löwïr lö, kigh Tororöt Yeso nete kyowudochikwa kimurtöwon, kïlïkwï Echotyon akï Kristo!”

MARKO 9:12

Kuyokyï Yeso chane lö, “Nyoghöy nyoman Eliya kungwïnöy kïsötöy tïkwïn lapay. Mïchini onkïtunökwa tïkwïl lö mwoghöy ne Kikirut ompö paraku Wero Chi. Lentöy wonguno tïkwïn cho chang aketöghöy nyinte?

TUMWÖY 110:1

Mwochini Tororöt echotyontenyan pöytoghin lö, “Töpenö ewunyan nyo pö tagh tökïtenö otönön punköku moriku.”

NGONGUT 1:8

Mwoghöy Echotyon Tororöt Kimuktoghin, nyo mi akï nyo kimi akï nyo tökungwïnöy lö, “Ochan nyo pö tagh nko nyo pö löt.”

EPRANIA 11:36

Kikïnyernyera walaka ompö chane aketwarï, kerata angwo pö karin aketorchï chela.

EPRANIA 10:33

Kikimwaghakwa ompö tawu pich akeghapghapekwa kïnyïl cho chang wölo amukakwa tonyoryö nko pikö walaka cho kikinyaril kong le akwa.

MARKO 16:19

Otini kiwany kïngölonöy Echotyon Yeso nko chane, kep nyinte kutang yïm akïtöpö okumpö tagh nyo pö Tororöt.

IGHISYEWUT 3:15

Aparakwa kitorinto söpon, wölo kigh Tororöt nyinte kututï akechicha söwi.

1 KORINTO 1:18

Sölwontön ngala megha Kristo ompö kimurtöwon ompö pich cho potyot, wölo ompö acha cho kïmi kesörwech, kï owesyo Tororöt.

1 KORINTO 1:23

wölo kyomtonecha Kristo nyo kikïwudochï kimurtöwon, ngölyon nyo le kimwagh ompö pipö Yaudi, akï sölwontön ompö pipö punton,

YAKOPO 2:1

Malïkwï cho okïltoy pich tupchenyu, ato kyaghanakwa Echotyontenyo Yeso Kristo,* Echotyonto ororyö.

KIYITUT 21:9

Kilenyona kwigh Musa moroyo tay akukach ket nyo sakate, chi anka tïkwïl nyo kasïr moroya akïtopön moroyo tay kïsöpöy.

MARKO 15:28

Ompö atoni kï kipïntö ngala cho mwoghöy Kikirut lö, “Kikïtasta nyinte pich cho ghach.”]