EPRANIA 12:13 - PIPÏLIA

¹³ Aleta tagh arïpa or nyo ghïteghote, tömöngwal kel nyo chirate, wölo tökesop.

EPRANIA 12:13 Referans Kwoze

KALATIA 6:1

Werköcho ato onyorchikwa chi lelut, kï parakunkwa chona ntöghowokwa Mïkulögh orirchine nyinte tökïsat otöptanyi kuten, wölo agh lenyoni ompö tölosyö. Orip kegh akwane tïkwïl tömökïtyamak.

ISAYA 35:3

Tönö owesyö morïn cho kikwoghochö aitö owesyö kutïngöy cho potonchot ompö nyörkölelyö.

ISAYA 35:6

Komtoy cho ngwolsot akudanga. Teghyot pich ompö ngörekyö cho le kïmanytin, ompöwölo yintegho pögh kor wölo le surkwen,

YAKOPO 5:16

Kïlenyona nyu, ongonchinö kegh ngokikwo akwane, asoghchï kegh atökesopok. Tïngeto saghata chi pö man owesyö nyo ighöy tïkwïn cho chang.

LUKA 3:5

Kinyïghitöy mpöghogh anka tïkwïl nyo mötïny. Akeporöy kutïng nyo wow nko nyo mïnïng kïghïtö, kighïtoy ortïn cho kikudisyö akeghöy ortïn cho mïkököch.

ISAYA 42:16

“Ontöghoghchinan pikachu cho köryote, kuwer ortïn cho kimenkïtcha chane. Owöghökan tuwïn ompö chane kïlïku löpoyïn, aghan kor wölo weröy chane kïtïlyönglyöngit. Kiyomisutköchan choni, alïtitan nyo mötïny.

YEREMIA 18:15

Kwompö ne nyu tökïwutyeghanïn piköchan akïpelchï amöros tororötino putintön. Kikupotyö amökunkïtcha or nyo rïpöy. Mökïrïpöcha ortïnechay pö könyisyok. Kesam ortïn cho mörumucha, mökuwerönye ortïnechay pelote.

ISAYA 58:12

Teköy ngat pikökwa wölo kirulyö könyisok. Teköy chane ngat kutoro koghichini kikïtowunö teksye nyo kipö könyisyok. Nkïtwekwa pich atoni lö pich cho tekotoy ngat nïyet cho kökikïrulyö akï pich cho wöghököy korïn cho kikewur kuten.”

KALATIA 2:14

Otini kyasïwan nyu lö melö kitenate chane kïrïp kegh nko manpa Lökoy cho Karamach, omwochan Petro ompö tawu pïchoni löwïr lö, “Ato irïpenyi nyo le nyi nyo ichï chi pö Yaudi otöptineko pikö walaka amelö otöptino pipö Yaudi, imukenyi nyu lö, ne mukyine chikyine pipö punton kïrïpöy otöptino pipö Yaudi?”

1 PETRO 2:24

Nyinte Kristo nyo kikasana portanyi ngokicha ompö kimurtöwon atökemuka kekarakegh nko pich cho kimeghö ompö ara ngokï akesöpchö ompö ara man. Kikisopokwa ompö perutöyichi.