EPRANIA 12:11 - PIPÏLIA

¹¹ Ketö chi sitöt, kïmelö kïgh nyo kïngörökyini, puryö ipu ngwonïn ato mi löt kuyinchï pïchoni kikinet pïröto kegh akwa cho pö ropöwonto kalya nyo pö söpon nyo satate.

EPRANIA 12:11 Referans Kwoze

2 KORINTO 4:17

Kïnyorunecha kömpölelut ye atö ipkecha ororyö nyo tïlöy kinonutköcha löwïr, ororyö nyo mötïngnye söröm.

1 PETRO 1:6

Ongörekyenö ompö ngölyontononi, kïrkegh kötomitenökwa otï le ye lok ompö osis cho ngörï akwompö työmut cho chang cho sisinchö cho onyorukwa.

EPRANIA 12:10

Kitönecha papotïnecho sitöt cho kiyiyecha osis cho ngörï kïle wölo kisïweghta chane lö roko. Wölo sitöt Tororöt nyo konecha kïtïng kinyiwut, tökemuka kepara tïlilyenyi.

TUMWÖY 118:18

Kimunganïn ECHOTYON nyoman, wölo möpïstanïnye amegh.

ISAYA 32:17

Kïnyorunö korononi kalya nko payasat kokay, ompöwölo ighöy chi anka tïkwïl kïgh nyo pö man.

NGÖTÏNYÖ 19:18

Pïrö werïngu otini tökïmi kikönötö, Wölo memung ompö mirmiryö.

TUMWÖY 119:165

Tïngeto kalya pich cho chömöy kirurutköku, möminye kïgh nyo ighöy chane kwotyö.

NGÖTÏNYÖ 15:10

Nyoru sitöt nyo ngwan chi nyo mostegho or nyo karam, nyoru meghat chi nyo sösöy pïröt.

EPRANIA 5:14

Wölo karkegh omisyö nyo aghïgh nko pich cho echön cho kikunet kegh ntökumï kunkïtï sisïn nyo pö köromnyö nko ghöyityö.

RUMI 14:17

Ompöwölo Pöyunöto Tororöt kï melö ngala omisyö nko gheghsyö, wölo kegh man nko kalya nko ngörekyö, nyo konu Mïkulögh nyo Tïlil.

TUMWÖY 89:32

omungan nyu chane ompö lelutyengwa, onyörilan chane kong ompö ghöyityengwa.

2 PETRO 2:14

Möminye kïgh anka nyo mököy chane kurosöy kïpoto kor cho le cheporestin tïng maral nyo pö ngokï nyo mewonyotnye. Kïnkïnöy chane pich cho nyörkölöl ompö kighanat ntökïlïtöy ngöghöpu ngokï. Kikïnagh mïkuliskökwa kïpïrchï mökosyö. Chïpöte pïchoni.

ISAYA 19:22

Töni ECHOTYON nyarïl pipö Misri, wölo sopöy chane ato le lötï. Wöghökyini kegh nyinte, akïterchï chane sowutkökwa, akusop.

2 TIMOTEO 4:8

Nyo köngötwanïn ye kekonön ropöwonto man, nyo konanïn Echotyon nyinte nyo le kirwokinto man ompö Asisini mïlo nyinte. Amelö nyu konanïn onkït, wölo töni tïkwïl pich lapay cho köngöy ompö chomnyogh asisini chumu nyinte.

TOWUNÖT 21:11

Kïghöchï Apraam ngölyontononi nyoman, ompöwölo ki werïnyi Ismael tïkwïl.