EPRANIA 12:10 - PIPÏLIA

¹⁰ Kitönecha papotïnecho sitöt cho kiyiyecha osis cho ngörï kïle wölo kisïweghta chane lö roko. Wölo sitöt Tororöt nyo konecha kïtïng kinyiwut, tökemuka kepara tïlilyenyi.

EPRANIA 12:10 Referans Kwoze

2 PETRO 1:4

Akwompö aranoni, konecha nyinte kiyomisut cho karamach akï cho pö olyot nyo wow atamuka ompö kiyomisutchoni osïkö otöp nyo pö Tororöt achïwïtyeghö wïrat nyo mi ngwïny nyo ngwïno pïrchin nyo gha.

TITO 2:14

Kikonï kegh nyinte tökïsörunenecha ghöyityö anka tïkwïl akutïlilecha, cho le pikachi kegh, cho tïng machat kwigh pöghisyewut cho karamach.

LAWIN 19:2

“Mwochinö pipö Israel lö otïlilitunö, ompöwölo ochan tïlil ECHOTYON Tororötïnkwa.

KOLOSAY 1:22

Wölo keghakwa Tororöt kongotichi otï le ye ompö megheto Werïnyi, atökumï kwighakwa alïkuna pich cho tïlilöch, cho puryö lelut anta kigheghchin anka tïkwïl ompö tawunyi.

EPESO 4:24

alaka otöp nyo rel, nyo kikigh kïrïp kegh nko körkeyïn pö Tororöt nyo poruno kegh söpon nyo tenate nko tïlilyö.

TUMWÖY 17:15

Wölo orosinyi ompö man, akwotini kangetan opïghyoninyi.

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.

1 PETRO 2:5

Opkonchinö nyinte le köghïn cho sötote, akonï kegh alïkwï koghi cho teko nyinte kö pö saghat, atopöghisyeghenö wöloni le tïsï cho tïlilöch cho tötoy köröstino mïkulögh cho chömöy Tororöt ompö ara Yeso Kristo.*

TUMWÖY 119:75

Onkïtön lö, pö man kirwokutköku, we ECHOTYON nka nyoni ketönaninyi sitöt ompöwölo ichinyi ghanate.

LOK 3:33

Ompöwölo melö ngörökyini ECHOTYON otini nyörilecha kong anta ighecha kesönönchenö.

EPRANIA 12:14

Okilö kegh, otïpinö ompö kalya nko pich löwïr otïpinö otöp nyo pö tïlilyö nyo ato mötïngnye chi kïmösïwïyinye Echotyon.

RUS 1:3

Wölo kïma Elimelek ponto Naomi, kudong nyinte nko werkachi odeny,