EPRANIA 10:25 - PIPÏLIA

²⁵ Amökepïstö otöptönyo nyo pö nyoryogh kïle wölo kipïstö pikö walaka. Nyo kötölïku nyona, kekil kegh lasiny, ompöwölo karich kwitï asispa Echotyon.

EPRANIA 10:25 Referans Kwoze

IGHISYEWUT 2:42

Atolapay kïpechï kukil kegh kïter kinetut pö kiyoktoghï nko nyoryogh nko mïnchïranata makatyan nko sowut.

MATAYO 18:20

Ompöwölo ato tuyö pich odeny anta sömök ompö otö akonga ompö kaynatenyan omitan kwenungwa.”

1 TESALONIKE 5:11

Kïlenyona nyu asaghsagha kegh angarak kegh akwane lenyoni omitekwa oghöy ye.

EPRANIA 3:13

Wölo achila kegh akwane osis lapay, otini kïnye tökemwowunenecha Kikirut lö asisï atömörumï chi ompö akwa nyo kolöy ompö lïsata ngokï.

EPRANIA 10:24

Kekilö nyu kegh akany kïsïnga chi ngaleko chitö anka ompö kingarakata kegh akeparta chomnyogh akegh nyo karam.

1 KORINTO 5:4

Otini koghömekwa löwïr omitan tïkwïl nko akwa ompö mïkulögh, opkonyntö nyu chichoni ompö owesyo Echotyontenyo Yeso, nyo mi nko acha,

1 TESALONIKE 4:18

Asaghsaghena nyu kegh akwane ngalechï.

IGHISYEWUT 2:1

Nyini kitïta asispa Pentekoste,* kimito kighönï löwïr otö akonga.

IGHISYEWUT 20:7

Ato mi nangatuto asispa Sapato,* ketuyecha akemïnchïr makatyanta mesa Echotyon. Kwamta Paulö nyo kogh ntökwit oghö kwen ompöwölo kirutoy ato le asïyech.

1 KORINTO 14:3

Wölo chi nyo tïng ropöwonto amtaghata ngölyonto Tororöt, kïngölonöy nko pich tökïtek, akïsaghsagh, akukil chane.

RUMI 12:8

Ato ko ropöwonto kikilöto pich, kukil pich lenyoni. Kïkany chi nyo pöghöy pich, kwigh lenyoni ompö mu nyo karam, akwanka tïkwïl nyo ghyongchini pich, kughyongchï lasiny akwanka tïkwïl nyo syonchini pich kwigh lenyoni ompö ngörekyö.

PILIPI 4:5

Kanya kunkïtï pich lapay tölosyenkwa, kilekïtït ato mïlo Echotyon.

2 PETRO 3:9

Melö nyïrtighöy kegh Echotyon ntömökwigh kïgh nyo kikakuyomisï lö oghöy, le wölo nontoy pikö walaka. Wölo mi nyinte kïmïkukönöy nko akwa, ompöwölo mömökönye kenyar chi anka tïkwïl, wölo mököy kïwöghökisyö pich akïkötö ngokikwa.

YAKOPO 5:8

Mïchinokwa tïkwïl omïkukönö, akil mïkuliskökwo ompöwölo kikïlekïtit ato mïlo Echotyon.

1 KORINTO 14:23

Kwoto tuyö nyu kanisa kïmïkul akïngalana chi anka tïkwïl kutïw cho sisöch akwitï pikö walaka kanisanoni cho tomöcha kughan anta pich walaka kïnye kïtïkon, mömwoghöcha chane lö ipotokwa oy?

YUDA 1:19

Pich choni cho ipu pesyogh ompö kwenunkwa, pich cho ntöghoghchini kinonutkökwa cho pö ngwïninï akïmötïngcha chane Mïkulögh nyo Tïlil.

2 PETRO 3:14

Kïlenyona nyu, kongotichu, otini omitekwa oköngöy Asisoni, okilö kegh lasiny alïkwï pich cho tïlilöch akï cho puryö lelut ompö tawu Tororöt, asïch kalya nko nyinte.

1 PETRO 4:7

Kikïlekïtit sörömu tïkwïn lapay. Mïchinokwa nyu otïpinö ompö tölosyö nko ripöto kegh atïpï kïpsach atamuka asagha.

2 PETRO 3:11

Kïkany ato kiwuröy tïkuchoni löwïr lenyoni, mïchinokwa nyu olïkune pich cho nenach nya? Mïchini otïpinökwa otöp nyo tïlil nyo teköy Tororöt,

1 KORINTO 11:20

Otini koghömekwa tïkwïl, kïmelö omisyo Echotyon nyoni omekwa.

1 KORINTO 3:13

Kïsïwïyi nyu wölo pïchighta ighisyo chi anka tïkwïl ato itï asispa Kristo. Ompöwölo ngwïnöy Asisoni nko ma akï mayoni nyo ngongu wölo pïchighta ighisyenyi.

IGHISYEWUT 16:16

Kikany asistanka ato kikïpetecha wölo kïsogho su, kïtuyeghecha työ nyo le sekeyon nyo kitïng oyin nyo gha nyo kighöy nyinte kïngorsyö. Kighöy cheponi yetïntinechi kïnyorï ropïyen cho chang, ompö ngorutkachi.

MATAYO 10:15

Omwowokwa nyoman lö, syonchini Tororöt asispa kirwok tya pipö Sodoma nko cho pö Komora, kïsir piko kanasyantanoni!

YOANA 12:48

Chi anka tïkwïl nyo töghanïn akïtagh ngalechan, kïtïng chi nyo rwokyini nyinte. Rwokyini nyinte asispa Söröm ngölyontononi komwowan.

EPRANIA 10:37

Ompöwölo mwoghöy Kikirut lö, “Tomönye kite, kwitï nyinte nyo ngwïnöy ameropunye.

EPRANIA 13:22

Osomokwa ye nyu, tupchenichu lö atere lasiny ngalechï ipu kikilöto kegh, ompöwölo makiranye palalyan nyo kogh tya.