EPRANIA 10:24 - PIPÏLIA

²⁴ Kekilö nyu kegh akany kïsïnga chi ngaleko chitö anka ompö kingarakata kegh akeparta chomnyogh akegh nyo karam.

EPRANIA 10:24 Referans Kwoze

1 TESALONIKE 5:11

Kïlenyona nyu asaghsagha kegh angarak kegh akwane lenyoni omitekwa oghöy ye.

1 YOANA 3:18

Monechu, merokonye keporunöcha chomnyenyo ompö ngal nko ngalanat pat. Mïchini kïlïkwï nyincha chomnyogh nyo pö man nyo kïsïwïyegho ighisyewut.

EPRANIA 13:1

Nya kulet tagh chomnyogh kwenunkwa lenyini kïmökyino kighönï.

KALATIA 5:13

Wölo cho le akwa, werköcho, kikïkurokwa otyokisyenö ompö pïrchintino ngwïny, wölo makany kwighakwa kityakatengwo opöghisyechinö möchut pö por, nyinö kötölïku nyoni, opöghisyechï kegh ompö chomnyogh.

KOLOSAY 3:16

Akanya kïtöpö orinkwa ngölyonto Kristo kïmïchï. Aneta kegh, arur kegh ompö ngöghomnyö anka tïkwïl. Otumö sölut nko tumwöyi mïkulögh cho kïtumchini Tororöt, ayokyï nyinte sörö.

TITO 3:8

Pö man ngölyontonï. Amöchan chïchïmanyi lasiny ngalechï tökumï pich cho kikughan Tororöt, kwigh kegh ompö pöroyïn anka tïkwïl nyo tökwigha pöghisyewut cho karamach cho tïng kinyiwut ompö pich löwïr.

1 TIMOTEO 6:18

Mwochinö chane kwigh nyo karam akïlïkwï monkor ompö pöghisyewut cho karamach. Mwochinö tïkwïl kukörkoröy morïn kïcham kutötö tïkukwa akupar nko piko walaka.

EPRANIA 13:3

Anana pich cho rötote, ayit kegh tïkwïl lö ochikwa rötote nko chane, anan pich cho kichopöy kong oyit kegh kïle ato oghömekwa kichopatanoni nko chane.

KALATIA 6:1

Werköcho ato onyorchikwa chi lelut, kï parakunkwa chona ntöghowokwa Mïkulögh orirchine nyinte tökïsat otöptanyi kuten, wölo agh lenyoni ompö tölosyö. Orip kegh akwane tïkwïl tömökïtyamak.

1 KORINTO 10:33

Akara kegh nko ani, ompöwölo komukyan agh pich löwïr kïngörekyö ompö kïgh anka tïkwïl nyo oghan, amelö ompö tösunötenyan kegh, wölo tösunöto pikö walaka atökesörï chane.

KALATIA 5:6

Ompöwölo ato kaketuyecha nko Kristo Yeso kïmelö kïgh ato kakïpa tum anta ewo. Kïgh pat nyo pïchigh kï kighanat nyo pöghisïyi ompö chomnyogh.

2 KORINTO 8:8

Melö ochikyinokwa, wölo omökan oporu wölo kikiltö kegh pikö walaka kungörokisyö, atamukan nyu onkïtï lö ekïpö man kïtya chomnyenkwa.

IGHISYEWUT 11:29

Kutötö kighönichay kingarakat kïle wölo kiteno owesyengwa ompö machat akonga kïpa Yudea wölo kimi kighöni walaka.

2 TESALONIKE 3:9

Kikighacha lenyoni melö ompöwölo kimökïtïngetechanye man nyo kikïsïko akwa kingarakat, wölo kikighacha lenyoni tökïlïkwï körkeyïn nyo orïpekwa.

KALATIA 5:22

Wölo okin nyo yinu Mïkulögh kï: chomnyogh, ngörekyö, kalya, mïkukönöt, tölosyö, köromnyö, kighanat,

2 KORINTO 9:2

Onkïtön lö otïngetekwa machat, akyokwolan kegh tawu pipö Makedonia ompö akwa ompö ngölyontononi. Kyomwochan chane lö, “Kïmi tupchenicho cho pö Akaya kïpsach kungörokisyö könyinay kewer.” Kenget nyu pich cho chang tya ompö chane kikilötenkwa.

RUMI 12:15

Ongörekyenö nko pich cho ngöreksot, ariryö nko pich cho riryot.

TITO 2:4

atökumï kunet kor cho mïnkech kïcham santïnekwa nko monekwa.

1 KORINTO 9:22

Kalïkwan chi nyo nyarkalal ato omitan nko pich cho nyörkölöl, atamuk otyï chane. Kaghan kegh alïkwï kïgh anka tïkwïl ompö pich löwïr, atamuk osörï walaka ompö or anka tïkwïl.

1 TESALONIKE 1:3

Kinonecha ompö tawu Tororöt akï Paponyo ighisyenkwa nyo pö kighanat nko pöghisyo chomnyogh nko chïchïmata kikönötenkwa ompö Echotyontenyo Yeso Kristo.

RUMI 11:4

Kiyokyï Tororöt nyinte lö ne? Kïlenchï, “Kotukyan kegh pich cho le 7,000 cho tomöcha kïsagh Paal,* tororöt pö putintön.”

TUMWÖY 41:1

Soyönote chi nyo syonchini mey, söru ECHOTYON chane osiswo kömpölelyö.

NGÖTÏNYÖ 29:7

Nkït chi pö man tïku man cho pö mey, mösïkunye mwokïyon kinkïtöt nyo lata nyoni.

EPRANIA 3:13

Wölo achila kegh akwane osis lapay, otini kïnye tökemwowunenecha Kikirut lö asisï atömörumï chi ompö akwa nyo kolöy ompö lïsata ngokï.