EPRANIA 10:22 - PIPÏLIA

²² Akanya nyu kerika wölo mi Tororöt ompö mïkulögh nyo pö man nyo tïng kighanat nyo mötïngnye tomtomönöt. Kaketïlilwecha mïkulisköcho kïngetunö sïkunöt nyo gha akemwata porwöyicha pögh cho tïlilöch.

EPRANIA 10:22 Referans Kwoze

ESEKEL 36:25

Atolapay opïspisyokwa pögh cho tïlilöch totïlilitunökwa ompö sïmnyontönengwa nyo mamïnïng nyo pö körkeyïntinekwa löwïr.

YOANA 3:5

Kuyokyï Yeso chichay lö, “Omwowunyi nyoman lö möminye chi nyo muköy kïlïtöy Pöyunöto Tororöt kïpoto ato kïyï nyinte ompö pögh nko Mïkulögh.

1 PETRO 3:21

Kicheng ngalechoni körkeyïn pö kipatisanat nyo sörwokwa otï le ye ompö owesyo Kristo. Molenchï kegh kipatisanat kï kemwatïta sïmnyonto por, wölo ayomis nyo kïmwochini Tororöt ompö choghïn. Sörwokwa kipatisanata ompö kitutunöto Yeso Kristo,

EPESO 5:26

Kigh lenyoni atökïmwat akutïlilchï Tororöt kanisa otini kikikuwany kuwunö pögh nko ngölyontenyi,

1 KORINTO 6:11

Kimi pich walaka ompö kwenunkwa cho kighöy le pïchoni. Wölo kikemwatakwa ye aketïlilokwa akelinyokwa nko Tororöt ompö kaynata Echotyon Yeso Kristo* nko ompö ara Mïkulöwu Tororötïnyo.

EPRANIA 7:19

Ompöwölo kimemïcha Kirurut pö Musa ntökwigh kïgh anka tïkwïl kuten. Wölo kakekonï ye nyu kikönöt nyo pïchigh tya nyo kimukonecha kelekïtitunö nko Tororöt.

2 KORINTO 7:1

Kïlenyona nyu, werköcho, otï kakekonecha kiyomisutchï löwïr, ketïlilö nyu kegh akewirta kïgh anka tïkwïl nyo muköy kusïmnyonöy por nko mïkulögh atökelïkuna pich cho tïlilöch lasiny ompö techata Tororöt.

EPRANIA 4:16

Kerikyinö nyu ngacharu Tororöt nyo pö ororyö ompö nyakanat, atökenyorunö pöropchö. Kïsïkonecha nyinte kisyonöt nko pöropchö nyo ngörokecha ompö asispa machat.

EPRANIA 12:24

Kapkanakwa wölo mi Yeso nyo kingwïn kwigh muma* nyo rel akï kïmïlta kisönkachi cho ngölonöy tïkwïn cho karamach kïtïl chanya pö Apel.

TITO 3:5

kïsörwecha nyinte. Melö ompö pöghisyewut cho karamach cho kikighacha, wölo kïsörwecha ompö kisyonötenyi nyinte kegh, ompö kiwunöto yiyö nyo rel nko söpon nyo konecha nyinte ompö ara Mïkulögh nyo Tïlil.

TUMWÖY 73:28

Wölo nyo le ani, mïchinanïn olekïtitwan nko Tororöt. Oghïponan ECHOTYON Tororöt. Omwotïtonan ngal löwïr cho kigh nyinte. Tum pö Asap.

1 PETRO 1:2

Kikïkïlakwa kïrïp kegh nko machata Papo Tororöt aketïlilokwa ompö Mïkulöwunyi atoterchinö Yeso Kristo atökuwunokwa kisönkachi. Osoghan lö nya kïtasa tya pöropchö nko kalya ompö akwa.

EPESO 3:12

Otini kikilinyecha kegh nko Kristo kemantech kegh nyinte, akesïköcha nyakanat kelïtö wölo mi Tororöt, ompöwölo kighönecha nyinte.

YAKOPO 4:8

Arika wölo mi Tororöt atökïrikakwa nyinte. Owunö ewunekwo akwa mwokïyischï! Amwata mïkuliskökwo, akwa lïsichï!

EPRANIA 9:19

Kinya Musa kïmwochï pich löwïr kiyomisutchoni le wölo kikikïrta ompö kirurut atolapay kïcheng kisön pö mogh nko pögh nko puto kech cho pïröch akïpöghisyeghö kamisyan nyo pö ket nyo kïkuro isop* akwisö kitapu Kirurut* nko pikö kïmïkul,

MATAYO 3:11

Opötisönekwa ompö pögh tökuporï lö kokötekwa ngokikwo, wölo pïnï chi nyo lötunyan nyo pötisönekwa ompö Mïkulögh nyo Tïlil nko ma. Wow nyinte kïtïlanïn amömïchinanïnye ompö ntopchï nyinte kweghkachi.

ESEKEL 16:9

“ ‘Achengan pögh amwatinyi, awuntö kisönköku atolapay ayileninyi mwagh.

YEREMIA 24:7

Otöninan chane mïkulögh nyo muköy kunkïtu lö ochan ECHOTYON. Lïku nyu chane piköchan, alïkwan Tororötïngwa ompöwölo yoku kegh chane kïpka wölo omitan ompö mïkuliskökwa kïmïkul.

LAWIN 8:6

Atolapay kïkur nyinte Aron nko werkachi kïpka tagh akïmwata pögh.

YAKOPO 1:6

Wölo mïchini chichoni kïsom Tororöt ompö kighanat amötomtomön. Ompöwölo chi anka tïkwïl nyo tomtomönöy kï karkegh nko mirtino pögho nanam cho kutöy yomöt akïyumtö kïpa wölnö nko wölnö.

NGÖTÏNYÖ 23:26

Werïngu, terwante omwowun kïgh, rïpa kelyechan lasiny.

TUMWÖY 119:7

Osölinyi ompö mïkulögh nyo tenate otini omitan onetöy kegh kirwokutköku cho pö man.

TUMWÖY 51:10

Konante mïkulögh nyo karam, we Tororöt, aitö orinyan mïkulögh nyo sis.

KIYITUT 8:7

Ighenyi le nyï atetïlilö chane: Isonyi chane pögho kitïlilöt aimwochï kïrwak porwoyikwa kïmïkul akuwun sïrokökwa akutïlil kegh.

LAWIN 14:7

Atolapay kwisö kïnyïl mut nko odeny chichay kitïsöy ompö sömew akïmwa lö melö tökïsïmnyon chichï. Atolapay kïpïstö tarite nyay satate kupiltö.

EPRANIA 11:28

Kigh kighanata nyinte kwam Pasaka* akïmwochï pich kuchukö kisön kukot, tömengwïn Malaykayanta Meghat kïtïgh poretayi pipö Israel.

EPRANIA 10:19

Kïlenyona nyu tupchenichu, kakekonecha kimukat nyo kïlïto Wölo Tïlil Tya* ompö kisön pö Yeso.

SAKARIA 13:1

Lentöy ECHOTYON Kimuktoghin, “Kïyotyini asisoni kompö pögh pipö ara pöytoghin Daudi nko pipö Yerusalem nyo mwötöy ngokï nko sïmnyontengwa.

ISAYA 29:13

Kïlö Echotyon, “Lentöy pïchï kïsoghanïn, wölo melö tïng kinyiwut ngalekwa, ompöwölo lowöch mïkuliskökwa. Tigho kegh chane dini nyo rïpöy kinetut pö pich nko otöptinekwa cho kenet kegh akelimlim.

1 OTÖPTINO OSIS 28:9

Kïlenchï Daudi Solomon, “Werïnyu, inkïtï Tororöt pö papongu aipöghisyechï nyinte ompö mïkulögh akonga nko kinonut akonga. Nkït nyinte kinonsyewutköcha nko möchutköcha, ato iwechinyi nyinte kïtokinyi. Wölo ato itaghanyi nyinte, kïtöghinyi kokay.

WUWÖT 29:4

“Imïtunyi Aron nko werkachi kïpka kuka Ema nyo mi ECHOTYON* aimwata chane pögh.

EPRANIA 9:10

Pörtoy ngalechoni löwïr kirurut pö omisyewut cho lata gheghsyö nko otöptino tïlilyö. Pö ngalechoni löwïr sany akitökïtïng kinyïwut ntökïtenö kwitï ato ighöy Tororöt tötutkö walaka cho relach.

1 TIMOTEO 4:2

Kinetut cho lata choni chay ipsötoy pich cho le lïsï, cho kimeytoy choghïntinekwa kïlentöy chi kikïpela karïn nyo nöghöy lakat.

YEREMIA 30:21

Ngwïno pöytoghintengwa kwenungwa akungwïno kintöghoghintengwa kwenungwa. Muköy pöytoghintengwa nyoni kïrikanïn otini kokurön lö nyonö ompöwölo ngo chi nyo lentöy orikanïn ompö owesyenyi kegh?” Mwoghöy ECHOTYON.

YEREMIA 3:10

Amelö ompö kitökïmïleghchanïn Yuda, cheptompö Israel nyo le lïsin ompö mïkulöwunyi kïmïkul wölo ompö lïs.” Mwoghöy ECHOTYON.

ISAYA 52:15

Wölo töngönchini ye nyu pipö punton cho chang sisyot pöytoghï lasay ompö töngönchin. Sïwïyi chane akïpköchï kïgh nyo melö kinkït chane tagh.”

TUMWÖY 119:145

Okursïyan ompö mïkulöwunyu kïmïkul we ECHOTYON, imölyongwante, oripan kikirutköku!

NGONGUT 1:5

nko cho pkono Yeso Kristo, söwin nyo ghanate nyo pö tagh kututunö ngwen akï nyinte nyo pöytoy pöytoghi ngwïny kïmïkul. Chömecha nyinte akutyakecha ompö meghenyi kengetunenö rötut pö ngokicho

EPESO 6:5

Akwa sekey, ateka echotkökwo ompö kiwaghat nko potanat, apöghisyö ompö kitenata mïkulögh le ato kötopöghisyechinekwa Kristo.*

IGHISYEWUT 8:21

Möminye karerantangu anta ghömïchö nyo itïngetenyi ompö ighisyencha, ompöwölo metenatenye mïkulöwungu ompö tawu Tororöt.

YOANA 8:9

Otini kilïm chane ngalechoni, kïnget löwïr kwakonga akonga, kutorö cho kile poyi. Kïngötï Yeso onkït nko kokononi kitökïmi kughyongo atoni.

TUMWÖY 119:80

Nya kuten mïkulöwunyan ompö kikirutköku atömosïkön arasï!

TUMWÖY 119:69

Kömïrchanïn put pich cho meghönöcha Tororöt, wölo oripan kinetutköku ompö mïkulöwunyu kïmïkul.

TUMWÖY 119:58

Osoghinyi ompö mïkulöwunyan kïmïkul lö, syonchante kïrïp kegh nko kiyomisötengu!

TUMWÖY 119:34

Konante pköchin atoripön kirurutköku, okomönan ompö mïkulöwunyu kïmïkul.

TUMWÖY 119:10

Oyörinyi ompö mïkulöwunyu kïmïkul, mekany opotan kirurutköku.

TUMWÖY 119:2

Soyönote pich cho ripöy kirurutkachi, akïkonyïtöy nyinte ompö mïkulöwekwa kïmïkul.

TUMWÖY 111:1

Asala ECHOTYON! Oyokyinan sörö ECHOTYON ompö mïkulöwunyu kïmïkul, ompö ghömïcho pich cho tenote nko tuyeto pikachi.

TUMWÖY 94:15

Tuyot ngat kirwokötö nko man, atökïrïp pipö man.

TUMWÖY 84:11

Ompöwölo ECHOTYON Tororöt kï asis akï longa, soyönecha nyinte ompö tölosyö nko konyït. Mötöghonye ECHOTYON kïgh nyo karam, pich löwïr cho ighöy man.

TUMWÖY 32:11

Ongörekyenö ompö ECHOTYON, oturonchö cho ochï pipö man. Otumö ompö ngörekyö, akwa löwïr cho ochï tenote ompö mïkulögh.

TUMWÖY 9:1

Oyokunyi sörö tya, we ECHOTYON, ompö mïkulöwunyan kïmïkul. Omwochinan pich töngönchin cho kighanyi.

1 OTÖPTINO OSIS 29:17

Onkïtön lö ityömenyi mïkulis, aichömenyi pich cho tïng konyït. Kokonwan chete ompö konyït nko ompö chamatenyan kegh, akasïwan piköku chï kötuyechï yi lö kepunyi ropöw ompö ngörekyö.

1 PÖYTOGHÏ 15:3

Kwigh Apiya tïkwïl ngokichanye kigh kwanta, amelö kitenate mïkulöwunyi ompö tawu ECHOTYON Tororötïnyi le paponyi Daudi.

LAWIN 16:4

Wunöy kegh Aron kïtomö kïwö Wölo Tïlil Tya akulak sïro cho tïlilöch cho pö tïsï sïra nyo kogh nyo tïlil nko sïrwali nko angwa mu nko kopiyö nyo pö katani.

LUKA 1:1

Takwes apoy Teopilo: Inkïtönyi lö chang pich cho kikumukyï kukir ngalechay kighisyeghö kwenunyo.

IGHISYEWUT 22:16

Akï yeo, ne nyo iköngenyi? Ngeta kepatisanïn atökemwötun ngokiku otini ikurenyi kaynata Echotyon.’

EPRANIA 6:11

Wölo kïtïngetecha machat akonga lö tenoghyö chi anka tïkwïl ompö akwa ntökwit sörömuto söpontanyi, ntökwitïta ngalechoni omitekwa okönöy.

EPRANIA 10:1

Ompöwölo ki rurwö kwïle kirurut cho pö tïkwïn cho karamach cho melö körkeyïn lasiny nyo pö ngale chunö le chane. Memukönye nyu amörostinechoni kïroptoy osis löwïr ompö könyi anka tïkwïl ntökwigh pich cho soghöy kïtïlilöchitu.