EPESO 6:10 - PIPÏLIA

¹⁰ Ngölyonteto löt, omökwokwa lö ghyongtenö ompö Echotyon nko owesyeto kimukatenyi nyo wow.

EPESO 6:10 Referans Kwoze

PILIPI 4:13

Omukan oghöy tïkwïn löwïr ompö Kristo nyo konanïn owesyö.

ISAYA 40:31

Wölo nyoru pich cho könönöy ECHOTYON owesyö. Piltegho chane köpepoy le sichtin, ryöghöy chane amelö oghochot. Petöy chane amelö oghochot.

YOSWÖ 1:9

Inan lö ani, ECHOTYON Tororötïngu nyo kyomwowunyi lö, ichichïm ainyakanitï, mewöghisyö anta meghïn mu, ompöwölo omitan nko nyi ompö wop anka tïkwïl nyo iwesteghonyi.”

1 KORINTO 16:13

Oripsyenö, achïchïm lasiny ompö kighanat, alïkwï nyökon cho tïng owesyö.

1 PETRO 5:10

Wölo ato tenö kowongukwa nyo tangogh, ighokwa atena akuchïchimakwa akïkonekwa owesyö Tororöt nyo pö kalya kïmïkul, akï nyo kikurokwa apara nko nyinte ororyenyi nyo pö kokay otini kyolinyekwa nko Kristo.

KOLOSAY 1:11

Nya kuchïchimakwa Tororöt ompö owesyo ororyenyi kïmïkul atamuka omïkukönö, akamagh kïgh anka tïkwïl ompö ngörekyö.

EPESO 1:19

nko wölo wow kïlïkwï owesyenyi nyo pöghisïyi ompö acha cho kighönöy. Karkegh owesyononi mi orincha nko owesyö nyo wow

EPESO 3:16

kïkonok le wölo lata sïkönöteto ororyenyi, kïkonokwa owesyö nyo kilok ompö ara Mïkulöwunyi talïkuna pich cho chïchïmote ompö oringwo,

2 TIMOTEO 4:17

Wölo kimi Echotyon nko ani akukilanïn, ntamukan amta Lökoy cho Karamach kïmïchï, atökïlïm pipö punton löwïr. Akisörunenanïn Echotyon kirwoko meghat lenye ato kïngwïsuna chi kuti ngötïny.

ISAYA 40:28

Tomönye so nkïtunönyi? Akïtomönye lïmanyi so? ECHOTYON kï Tororöt pö kokay. Kigh nyinte ngwïny kïmïkul, melö meghöy mu anta aghach, möminye chi nyo nkïtu kinonutkachi.

2 TIMOTEO 2:1

Kïlenyona nyu werïnyu, inyakanitï ompö pöropchö nyo kïsïkecha otini kökïlinyecha nko Kristo Yeso.

2 OTÖPTINO OSIS 15:7

Wölo onyökönitu cho le akwa makany kwoghochö ewunekwa, ompöwölo onyorunekwa ropöwon ompö ighisyenkwa.”

AKAY 2:4

Wölo kïrkegh kïlenyoni, osïkö nyakanat we Serupapel nko nyi Yoswö nko akwa pipö koronï löwïr atamuka ateka ngat Kö pö Tororöt. Omitan ante ECHOTYON Kimuktoghin nko akwa

TUMWÖY 138:3

Kimölyöngwaninyi atakinye kyarirunyi, kichïchïmanyi ompö owesyengu.

PILIPI 4:8

Nyo pö löt tupchenichu omwoghan lö, anyïghita kinonutkökwo tïkwïn lapay cho pö man nko cho pö konyït nko cho puryö lïs nko cho tïlilöch nko cho pö töroryö nko pïchighyö.

SAKARIA 8:13

Akwa we pipö Yuda nko Israel, mowöghisyö! Nyo pö nyoman, ompö osis cho kikuwer kiyitokwa pipö punton le pich cho kikïchïp! Wölo ye osörwokwa, alïkukwa pich cho soyönote akï cho nyorchini piko walaka kisoyonöt. Kïlenyona, osïko nyakanat!”

1 OTÖPTINO OSIS 28:10

Nkïtunö lö kikïkïlinyi ECHOTYON ateteka Konyi nyo tïlil. Igha ye nyu aigh ompö nyakanat.”

1 SAMWEL 23:16

Kïwö Yonatan wero Saulö wölo mi Daudi ompö Ores, akuchïchim nyinte kutwayta kegh Tororöt.

SAKARIA 8:9

Lentöy ECHOTYON Kimuktoghin, “Osïkö nyakanat akwa cho kalïm ngalechï mwoghöy werkoy kïngata ketor teksyo Kö pö Tororöt Kimuktoghin.

KINONO KIRURUT 31:23

Atolapay kïmwochï ECHOTYON Yoswö wero Nun lö, “Ikil kegh ainyakanitï, ompöwölo nyi nyo imïtöy pipö Israel kïlïtöy koronanya kyoyomisyan chane amitan nko nyi.”

1 OTÖPTINO OSIS 28:20

Kïmwochï Daudi werïnyi Solomon lö, “Iawesitï ainyakanitï. Torö ighisyö amewöghisyö. Mi nko nyi ECHOTYON Tororöt nyo opöghisyechinan. Möpïsteninyinye, töpo nko nyi ntökïtenö wanganyi ighisyo Kö pö Tororöt.

2 KORINTO 13:11

Wow ye nyu sörö, werköcho. Alïkwï pich cho melö tïng lelut. Mopïstö kirurutköchan, alïkwï pich cho tïng machat akonga, ampur ompö kalya. Töpo nyu Tororöt pö chomnyogh nko kalya nko akwa.

1 PETRO 3:8

Anyï nyu ngölyonteto söröm, mïchinokwa alïkuna pich cho tïng kinonut akonga, acham kegh akwane le cho otupchö. Oporchï kegh köromnyo alïkwï cho mïnïngitöy kegh.

PILIPI 3:1

Nyo pö lötï nyu werköcho, ongörekyenö ompöwölo kotuyekwa nko Echotyon. Melö oghöchan amwagh ngat ngalechanye kyakiran ato le tagh, ompöwölo konokwa tösunöt ngalechoni.

1 PETRO 4:11

Ato kikïkurïn lïkuna ngölonin, ingalan kïrïp kegh nko ngölyonto Tororöt, kïkany nyo pöghisyechini pikö walaka, kïmïchini kwigh lenyoni ompö owesyö nyo töni Tororöt nyinte. Ato aghakwa lenyoni, kïnyoru Tororöt salat ompö ara Yeso Kristo nyo nyenyi ororyö nko owesyö kokay nko kokay. Amen.

1 YOANA 2:14

Kakirwakwa monïng cho mïnkech ompöwölo konkïtukwa Papo. Kakirwakwa papotïn, ompöwölo onkïtökwa nyinte nyini kimi kïngeta otini le towunöt. Kakirwakwa chumwak, ompöwölo otïngetekwa owesyö akï mi ngölyonto Tororöt orinkwa, akyarïntekwa Mwokïyontonay.