EPESO 5:3 - PIPÏLIA

³ Ato kalïkukwa pipö Tororöt, kï makany nyu kelïmchokwa cheporesnan, anta sïmnyontön anta sïköynön, anta pïrchin,

EPESO 5:3 Referans Kwoze

KOLOSAY 3:5

Kïlenyona, otïghö otöptino ngwïnyinï cho ghach cho mi orinkwa cho lata: cheporesnan nko sïmnyontön kinonut cho ghach nko pïrchin nyo gha nyo karkegh nko saghata körkeyïntin.

EPESO 5:5

Onkïtï nyoman lö, möminye chi nyo le cheporesyan anta nyo le sïmnyon anta nyo pïrchini tïpö pich (ompöwölo pïrchin kï saghata körkeyïntin), nyo nyoru kïgh ompö Pöyunöto Kristo nko nyo pö Tororöt.

1 TESALONIKE 4:3

Möchokwa Tororöt olïkuna pich cho tïlilöch, nyoni kï: kelowitö kegh cheporesnan.

1 KORINTO 6:18

Okïrenö kegh cheporesnan. Ighisyegho ngokï walaka löwïr sanypa por, wölo igho chi nyo le cheporesyan ngokï portanyi ori.

1 TESALONIKE 4:7

Melö kikurchecha Tororöt otöp nyo pö cheporesnan, wölo kikurchecha tïlilyö.

1 KORINTO 6:13

Mwoghöy chitö anka lö, “Pö omisyö mu akï pö mu omisyö.” Owöy, wölo nyoröy Tororöt choni kwodeny. Melö pö por pö chi cheporesnan wölo pö pöghisyo Echotyon, akï Echotyon nyo pö por.

EPESO 5:12

Ompöwölo pö arasï tïkuchoni igho chane tuwïn nyo mölentönye chi ompö tangalana.

MATAYO 15:19

Ompöwölo pkono mïkulöwu chi kinonut cho ghach cho lata pörchö nko cheporesnan nko chorsyö nko söwintöno putintön nko semsem.

NGONGUT 2:21

Kyotönön nyinte pöroyïn nyo löstegho ngokichi, wölo katagh nyinte kïpïstö otöptanyi nyo pö cheporesnan.

1 KORINTO 10:8

Mïchini kekïrenöcha kegh cheporesnan tömökïkarkegh nko walaka ompö chane cho kimeghö asis akonga cho le 23,000.

NGONGUT 22:15

Wölo kïkorchini sany pich cho pochï otöp nyo lata nyo pö kukïdin nko ponï nko rïmï nko cho soghöy körkeyïntin nko cho chömo kegh putintön.

NGONGUT 21:8

Wölo cho nyökoröch nko cho melö tökughönöy Kristo* nko cho kisïmnyontön ngokï nko cho le pörï nko cho le cheporestin nko cho le ponï nko cho soghöy körkeyïntin nko putï löwïr. Wölo kimïchï kïpa pich cho lata choni kï nanam nyo nögho ma nko koghïn cho nöghsot akï nyoni kï meghat nyo pö odeny.”

NGONGUT 2:14

Wölo mi ngala tïkwïte cho otïngetan ompö nyi mi pich kwenunkwa cho rïpöy kinetut pö Palaam nyo kinet Palak kïkïnkïn pipö Israel kwigh ngokï kwam omisyewut cho kikïropchï körkeyïntin, akunet chane kwigh cheporesnan.

1 KORINTO 5:1

Mi man, lö mi kwenunkwa ngala cheporesanan, akï cheporesnan nyo gha nyo tomönye ompö kelïmchï pich cho menkït Tororöt. Kakemwowanïn lö mi chi akong ompö akwa nyo katakalan nko korketo kwanta!

ESEKEL 33:31

Akïpkonöy wölo imitenyi le ato pkonöy pung, akïtïpï tawungu le piköchan akïter ngal cho imwoghenyi, wölo melö ighöy ompöwölo poru ompö kutïwekwa lö chomöy, wölo sis wölo mi mïkulöwekwa.

WUWÖT 20:17

“Mepïrchï koto pöröryengu anta korkenyi anta mötworintenyi anta edanyi anta kyakichi anta kïgh anka tïkwïl nyo tïng nyinte.”

NGONGUT 9:21

Akimöpïstöcha pörchengwa nko ponintönengwa nko cheporesnanengwa anta chorsyengwa.

2 PETRO 2:3

Ompö pïrchintöngwa nyo pö tïkwïn sïkenokwa chane kïgh otini mi kwomwokwa kikorön pö putintön. Wölo kikïtöpö kïpsach nyo kogh Mutinteto ngalekwa akïchïkönöy Kiwurintengwa.

EPRANIA 12:16

Orip kegh tömörumunö chi kwenunkwa nyo ighöy cheporesnan anta chi nyo mewöghönye Tororöt nyo karkegh nko Esau nyo kyalta mïlatenyi nyo pö poretnan omisyö nyo pö asakonga kwïle.

2 KORINTO 12:21

Owöghan lö töptoy ato atwan rutoghtö nyo rïptoy, kwighanïn Tororötïnyu osïkan arasï tawunkwa. Orirchan nyu pich cho chang cho kökikwigh ngokï atole tagh, wölo kitomöcha kïkötö sïmnyontöno tïkwïn cho kigh chane amelö kikïrö kegh chane alomi nko ngoki cheporesnan cho kigh.

TITO 2:3

Neta tïkwïl kor cho kayetu kïtïpï kïrïp kegh nko wölo töptoy korï cho tïpisot otöp nyo tïlil. Mömïchinicha chane kuswomöy pich anta cho sekeyi kumïn. Mïchini chane kunet kïgh anka tïkwïl nyo karam,

2 TIMOTEO 3:2

Lïku pich osiswechoni cho yongöy kegh opïn nko cho pïrchini ropïyen nko pich cho kwolöy kegh nko cho wulö kegh nko cho mwosïyi nko cho mötekönye yiyikwa nko cho meyokucha sörö nko cho mökonyïtöcha Tororöt,

IGHISYEWUT 15:20

Wölo kekirchinö chane kemwochinö lö mam omisyö nyo kakipï keropchï körkeyïntin. Okïr kegh cheporesnan, amam pempö kïgh nyo kakïghïghiny, amolï kisön.

WUWÖT 18:21

Kïla pich cho ngöghomöch ompö pïchï lapay, cho konyïtöy Tororöt akï cho kighönöy melö chengöy asoya, tönö chane kïlïkwï yetïntino pich 1,000 nko 100 nko 50 nko taman.

2 PETRO 2:14

Möminye kïgh anka nyo mököy chane kurosöy kïpoto kor cho le cheporestin tïng maral nyo pö ngokï nyo mewonyotnye. Kïnkïnöy chane pich cho nyörkölöl ompö kighanat ntökïlïtöy ngöghöpu ngokï. Kikïnagh mïkuliskökwa kïpïrchï mökosyö. Chïpöte pïchoni.

2 PETRO 2:10

ntökïmïr pich cho rïpöy pïrchintin pö por cho ghach cho le sïmnyon akï sas wowïn pö Tororöt. Pkatis konetichoni akunisonchot ametönicha konyït ighan cho ororöch cho mi parak, nyinö köteghöy lenyoni kumwa.

1 PETRO 5:2

ayakwïya lasiny kechiryo Tororöt cho mi morikwa, ompö chamatenkwa kegh amelö ompöwölo mi chi nyo köyumchokwa agha lenyoni. Amagh pöghisyononi, lö tökesïkenö ropïyen wölo ompö mïkulöwunkwa kïmïkul.

TITO 1:11

Mïchini ketagha chane kïngalan, ompöwölo köpechï kïwaghach pipö keston kïmïkul ompö tïkwïn cho melö kömïchini kunetöy atökïsïch ropïyeni arasï.

TITO 1:7

Ompöwölo kiketö kintöghoghinto kanisa kughyongchï pöghisyo Tororöt, kïmïchini nyinte kïlïkwï chi nyo puryö lelut. Melö mïchini kïlïkwï chi nyo anta kwolöy kegh chi nyo mïrmïr möt, anta tömösin, anta köromit, amelö chi nyo pïrchini ropïyen.

1 TIMOTEO 3:3

chi nyo melö ptamasyan anta poryeghin wölo nyo talase akï chi pö kalya, chi nyo melö chömo kegh ropïyen.

1 TIMOTEO 2:10

wölo ompö otöptin cho karamach. Mïchini kïtöpï lenyoni kor cho konyïtöy Tororöt.

PILIPI 1:27

Kïgh nyo pïchigh wechara, kï otïpinökwa kïrïp kegh nko möchut pö Lökoy cho Karamach cho pö Kristo, töto orutoghwan wöloni omitekwa anta kochan low olïman kïnye lö omitekwa oghyongöy lasiny ompö mïkulögh akonga nko ompö machat akonga amitekwa okilöy kegh oporyegho kighanat nyo pö Lökoy cho Karamach.

RUMI 16:2

Atak nyinte ompö kaynata Echotyon le wölo kömïchini pipö Tororöt kwigh. Otö nyinte kingarokut anka tïkwïl nyo mökenokwa, ompöwölo kikungarak nyinte pich cho chang nko ompö nyete le ani.

RUMI 6:13

Mopïsï nyu ngichayayikwa ompö akonga kïlïkwï nyo kïpöghisyeghö kwigh ngokï anta ghöyityö anka tïkwïl, Nyinö kötoghöy lenyoni, otö kegh mori Tororöt le pich cho sötote akï cho kikututunö ngwen atö Tororöt ngichayayikwo kïpöghisyeghö kwigh tïpö man.

RUMI 1:29

Kinyïghï oringwa ghöyityö anka tïkwïl cho lata, nyonyintön nko kiswomöt nko pïrchin nyo gha nko nyïtat nko tïghö nko lïsa nko sastagh.

IGHISYEWUT 20:33

Kimopïrchanye ropïyeni pikö walaka anta koltin, anta sïro.

LUKA 16:14

Otini kilïm Parisaytin* ngalechoni löwïr, kïsas Yeso ompöwölo kichömöy ropïyen.

MIKA 2:2

Pïrchini pareni pich akïcheng lenyini, pïrchini korïn akïchengchï kegh, ghopghopöy pich nko monekwa akïsara tïku.

YEREMIA 22:17

Wölo nyete le nyi, sururchini konyiku nko mïkulöwungu tïpö mïrwos. Imïltonenyi kisön pö chi nyo puryö lelut. Ichengonyi kat tïpö pich aikarenyi pkuku.

YEREMIA 8:10

Kïlenyona, otöninan korukwa pich walaka, otöninan tïkwïl piko walaka parenikwa. Ompöwölo köromchini tïpö lïs pikö cho echön nko cho mïnkech, pöghisyegho putintön chini le ompö tïsï nko werkoy.

YEREMIA 6:13

Pïrchini chane löwïr, nyo mïnïng nko nyo wow, kïnyorï tïkwïn ompö or nyo merokonye. Kalïkwï chane löwïr lïsï, werkoy nko tïsï.

NGÖTÏNYÖ 28:16

Pöytoghin nyo mötïngnye pköchin kïpöytegho kat, wölo pöytoy nyo kogh nyinte nyo ghöchini tïpö mïrwos.

TUMWÖY 119:36

Kono pïrchin pö kirwokutköku, melö sïkönöt nyo puryö kinyiwut.

TUMWÖY 10:3

Kwolo kegh mwokïyon pïrchinoghto mïkulöwunyi, chïpöy chi pö mu ECHOTYON akïtöghöy nyinte.

1 SAMWEL 8:3

Kimarïpcha werkachi körkeyïntanyi, wölo kipïrchï ropïyen akïcheng asoya amökurwokcha ompö man.

YOSWÖ 7:21

Otini kyasïwan ompö tïkuchini kapörucha, sïra nyo pïchigh nyo pö Papilonia nko silpa cho tïlöy kilen odeny nko koghpa koltin nyo teno nïkisïntanyi nisï kilö. Opïrchan apön awïngan otïpchï ngwïny emenyan ori kïmi silpa toye.”

KIYITUT 25:1

Otini kimi pipö Israel kïmöngöy Syitim, kutor pich kwigh cheporesnan nko tipö pipö Moap.

WUWÖT 23:13

“Orip löwïr choni komwowunyi. Masagh tororötin walaka anta okur kaynötutkökwa.

1 TIMOTEO 6:10

Ompöwölo ighïna ghöyityö anka tïkwïl kï chamata ropïyen. Akwompö chamatanoni pö ropïyen mi piko walaka cho, kikïpïstö kighanatengwa akwipchï kegh nyörilwok nko kisusut cho chang.

LUKA 12:15

Atolapay kïlenchï pïchay löwïr, “Wechara! Oripö kegh pïrchinogh pö tïkwïn. Ompöwölo molenchï kegh lö köromitu tya söpon pö chi ato tïng tïkwïn cho chang.”

LAWIN 15:18

Ato rï chi nko korka kuwunöy kegh kwodeny akïlïku chane sïmnyon ntökwimön.