EPESO 4:22 - PIPÏLIA

²² Achala nyu otöptöngwo nyo kipö tagh. Nyoni kï otöp nyo kitïng pïrchin akilïsokwa.

EPESO 4:22 Referans Kwoze

RUMI 6:6

Kinkïtöcha lö, kikewudochï otöptöncha nyay pö köny kimurtöwon nko nyinte atömanyïl kewur otöptöncha nyo pïrchini ngokï atömakelïkunacha ngat sekeyi ngokï.

EPRANIA 12:1

Kïtïngetecha acha söwï cho chang nyoman cho kiwitwitecha. Kenateghena nyu nïkisyö anka tïkwïl nyo tungecha nko ngokï cho sïkwïrecha, akeryagh ompö nyakanat kanyanyighos nyo mi tawunyo.

YAKOPO 1:21

Kïlenyona nyu, omötenö otöp anka tïkwïl nyo le sïmnyon nko otöptin löwïr cho ghach. Atacha ompö rïngata kegh ngölyontonay kikinetakwa akï nyo muköy kïsöru mïkuliskökwa.

EPRANIA 3:13

Wölo achila kegh akwane osis lapay, otini kïnye tökemwowunenecha Kikirut lö asisï atömörumï chi ompö akwa nyo kolöy ompö lïsata ngokï.

TITO 3:3

Ompöwölo kikïchicha köny sölwöy, pich cho le tïghï, cho kimasta. Kikïchicha sekeyiko möchutköcho cho pö pïrchin. Kikïtïpicha ompö ghöyityö nko nyonyintön, kireyecha pikö walaka, akereyacha chane tïkwïl.

EPESO 4:25

Opïstenö nyu putintön! Nya kïmwochï chi anka tïkwïl pöröryenyi ngala man, ompöwölo kichicha löwïr ngichayayi por pö Kristo.

1 PETRO 4:3

Nya kïmïchï osiswö cho kikuwer cho kyaghakwa tïkwïn cho chömöy kwighöy pich cho menkïtcha Tororöt. Kyomöngisyekwa ompö takalnan nko cheporesnan nko pölö nko pïrchin nyo gha nko chepomunön nko ryakata kumïn nko tamasa nko saghata körkeyïntin nyo lilu.

EPESO 4:17

Orirwokwa nyu ompö kaynata Echotyon lö, motïpinö ngat le pich cho menkïtcha Tororöt, cho kiwöghökisyö kinonutkökwa kïlïkwï sölwontön,

2 PETRO 2:13

akwigh chane kïnyarïl kïrïp kegh nko ghöyityö nyo kigh chane. Ngörekyeto pichoni kï kwigh kulïwu asis kïgh anka tïkwïl nyo pïrchini porwöyikwa. Konokwa chane arasï nko kaynat nyo gha otini mi kwomisïyi nko akwa akïmi kïngörechegho ortïnekwa choni pö lïs!

1 PETRO 1:18

Ompöwölo onkïtökwa lö, kityakenekwa Tororöt otöp nyo kimerokonye nyo kyosïkekwa papotïnekwo. Amolenchï kegh kikitykenekwa tïkwïn cho wïryot cho lata ropïyen anta koltin,

KOLOSAY 2:11

Atanya kyolinyekwa nko Kristo alïkukwa pich cho kikemut amelö mutata por nyo kïpöghisyegho rotwö, wölo nyo mutöy nyinte otini kamutïta otöptonkwa nyo pö ngokï, anyorï kityakat.

NGÖTÏNYÖ 11:18

Nyoru mwokïyon ropïyeni lïs, wölo nyoru chi nyo kötkötöy man ropöwon nyo mötïnye.

AYUPU 22:23

Ato iyokyinyi kegh Kimuktoghin aimïnïngitanyi kegh ato inateghenyi ngokï kïlowitunö kongu

EPESO 2:3

Kikïlatecha tïkwïl choni, kikïrïpecha möchutko porwöyicho akegh kïgh anka tïkwïl nyo kimököy porwöyicho nko kinonutköcho. Kikïchicha monïngo nörekyo Tororöt le pikö walaka.

OPADIA 1:3

Kalïsinyi menötengu, otï kesïwenyi lö kikïtekyï kanasyantengu nyo wow ghat parak, aimöngenyi kutïng nyo kogh. Inonchinenyi kegh lö, ‘Nyorwanïn ngo ntökureytanïn ngwïny nya?’ ”

2 PETRO 2:7

Kisörï nyinte Lot, chi nyo karam nyo kisus nyoman otöptinö cho ghach cho pö pïchoni kile penyï akï mwokïyis.

YEREMIA 49:16

Kalïsinyi ngaleku chay iotyeghonyi koros walaka nko menötengu, nyi wey nyo imöngöy köpönoti koghïn cho mi kutïng parak! Kïrkegh kemang renkeröy le sich, ongwïnan otyoruneninyi wöloni imi. Kamwaghan ante ECHOTYON lenyoni.

KALATIA 1:13

Kyalïmakwa wölo kyalatan otini kitomitan orïpöy kighanata pipö Yaudi wölo kyachoptan kong tya kanisa Tororöt, amach anyar.

1 SAMWEL 1:14

Kïlenchï Eli nyinte, “Itömösenyi nko oyï? Pïstenö dipay!”*

RUMI 7:11

Ompöwölo kisïch ngokï pöroyïntanyi ompö kirurutyononi, kïlïsanïn nyu akïtïwanïn.

YAKOPO 1:26

Ato lentöy chi okïröy ngala Tororöt akïmemuchönye kïpöytoy ngalyapunyi, kïkalïs kegh akï möminye kïgh nyo nyiwu wölini lentöy orïpöy ngala Tororöt.

YEREMIA 17:9

“Lïsin mïkulöwu ptangengmöt kïtïl kïgh anka tïkwïl, möminye wölo kisoptoy. Ekï ngo nyo muköy kunkïtu?

2 KORINTO 11:3

Wölo owöghan lö, le wölo kilïsta moroya Awa ompö ngöghomnyo putintönenyi, kumuköy kunyar kinonutkökwa ntopïstekwa kighanatengwo nyo pö man ompö Kristo.

EPESO 4:31

Opïstenö nyu ngwonïn nko mïrmïryö nko nörekyö, apïstö syala nko chïpö! Opïstenö kinonut anka tïkwïl nyo gha.