EPESO 4:1 - PIPÏLIA

¹ Osomokwa nyu ani nyo ochï ratate ompöwölo opöghisyechinan Echotyon lö, otïpinö kïrïp kegh nko kurötononi kikurchokwa Tororöt.

EPESO 4:1 Referans Kwoze

KOLOSAY 1:10

Omukekwa nyu omöngisyö kïrïp kegh nko machata Tororöt, amukakwa agh kïnomnyö tïkwïn cho ngörokyini Echotyon. Oporunekwa ompö söponwekwa ighisyewut cho karamach atasakwa tagh onkïtunö Tororöt tya.

PILIPI 1:27

Kïgh nyo pïchigh wechara, kï otïpinökwa kïrïp kegh nko möchut pö Lökoy cho Karamach cho pö Kristo, töto orutoghwan wöloni omitekwa anta kochan low olïman kïnye lö omitekwa oghyongöy lasiny ompö mïkulögh akonga nko ompö machat akonga amitekwa okilöy kegh oporyegho kighanat nyo pö Lökoy cho Karamach.

1 TESALONIKE 2:12

Kikikilokwa akesaghsaghakwa, totïpinö otöp nyo chömöy Tororöt nyo kikurokwa apara Pöyunötenyi nko öroryenyi.

2 PETRO 1:3

Kikonecha owesyo Tororöt kimuytoghin kïgh anka tïkwïl nyo kïmökecha tökumuka ketïpinö otöp nyo kiwöghöy nyinte ompö otini kinkïtöcha nyinte nyini kikurecha atökepara tïkwïl ororyenyi nko köromnyenyi.

2 TIMOTEO 1:9

Kisörwecha nyinte akïkurecha kelïkuna pikachi kegh. Kighwecha lenyoni amelö ompö wölo mi kïgh nyo kikighacha, wölo ompö machatenyi nko pöropchenyi nyo kikiyomiswecha pöropchononi könyisyok ompö ara Kristo Yeso,

1 KORINTO 4:16

Kïlenyona, osomokwa lö arïpa otöptönyan.

2 TESALONIKE 1:11

Nka nyoni kïmicha kesoghwokwa osis lapay. Kïsoghecha tororötïnyo lö, teghakwa otïpïnö otöp nyo mïchini kuröt, nyo kikurchokwa nyinte. Kïsoghecha lö, tewantegha nyinte owesyenyi machatenkwa nyo pö köromnyö akupuntö ighisyenkwa nyo pö kighanat.

EPESO 4:17

Orirwokwa nyu ompö kaynata Echotyon lö, motïpinö ngat le pich cho menkïtcha Tororöt, cho kiwöghökisyö kinonutkökwa kïlïkwï sölwontön,

TOWUNÖT 17:1

Otini kitïng Apram könyis 99, kuchumchï ECHOTYON akïlenchï, “Ochan Tororöt Kimuktoghin. Tekanïn aitöpö kïpuryö kigheghchin ompö ani.

RUMI 12:1

Kïlenyona, tupchenichu, ompöwölo wow nyoman kisyonöto Tororöt, osomokwa ompö mïkulöwunyu kïmïkul lö, otötenö porwöyikwo kïlïkwï tïsöwon nyo satate ompö Tororöt, tïsöwon nyo tïlil akï nyo ngörokini nyinte. Arenkwa nyoni nyo tenate nyo pö saghat.

KOLOSAY 2:6

Ato kyatakakwa Kristo Yeso kïlïkwï Echotyon, otïpinö nyu ompö linyogh nko nyinte.

1 PETRO 3:9

Matak ghöyityö ompö ghöyityö anka anta chïpö ompö chïpö anka, nyinö kötoghöy lenyoni, asagh Tororöt kusoyön chichona chïpokwa, ompöwölo kisoyönöt nyoni kiyomiswokwa Tororöt otini kikurokwa.

2 KORINTO 6:1

Kïle nyu otini kïchicha pich cho kïpöghisïyi nko Tororöt, kïsoghokwa nyoman lö makany kupot kwïle pöropcho Tororöt.

2 YOANA 1:5

Akï ye Yo, osominyi kïgh akonga: kechomnyenö. Amelenchï kegh kakirunyi kirurut nyo rel, wölo nyaye kikïtïngetö kïngeta towunöt.

1 PETRO 5:10

Wölo ato tenö kowongukwa nyo tangogh, ighokwa atena akuchïchimakwa akïkonekwa owesyö Tororöt nyo pö kalya kïmïkul, akï nyo kikurokwa apara nko nyinte ororyenyi nyo pö kokay otini kyolinyekwa nko Kristo.

1 PETRO 2:11

Oterwante tupchenichu cho ochï to, achï pïnot ompö ngwïnyinï. Mopïsï kuchutok pïrchintino por cho poryot nko mïkulögh.

EPRANIA 13:21

Nya kïkonok Tororöt pö kalya kïgh anka tïkwïl nyo omökekwa atamuka agha machatenyi, nya kwigh nyinte kïgh anka tïkwïl nyo tenate ompö ara Yeso Kristo. Nya kïpöyit Kristo ororyö kokay nko kokay! Amen.*

PILIPI 3:14

Omitan ye nyu orïpöy otöngöy wölo mi kerötenyan, atonyorï ropöwontononi nyo nyoni kuröto Tororöt nyo pö söpon pö parak ompö Kristo Yeso.

EPESO 5:2

Akanya kuntöghoghchï chomnyogh otöptinekwa, le wölo kichamtecha Kristo* tökïkonecha söpontanyi kïlïkwï tïsöwon nyo ngutoy nyo anyïm, akïlïkwï amöros nyo karam ngörökyini Tororöt.

EPESO 4:4

Mi por akonga nko Mïkulögh akonga, le wölini kikurchokwa Tororöt kikönöt akonga.

EPESO 3:1

Nka nyï ochan ani Paulö, ratana Kristo* Yeso ompö parakunkwa, pipö punton.

KALATIA 4:12

Osomokwa nyoman werköcho lö, otïpinö le wölo alatan, ompöwölo otöponan tïkwïl le akwa. Tomönye olelchanïkwa nyonikïny.

TOWUNÖT 5:24

Kïlïmchinö Enok nko Tororöt, atolapay kïmökïrumïnye ompöwölo kicheng Tororöt nyinte.

EPRANIA 3:1

Tupchenicho cho ochï pipö Kristo cho kikurok Tororöt! Anan Yeso, nyo kiyokwï Tororöt akï Tïsin nyo Wow* nyo pö kighanat nyo kïmwotïtoy.

2 KORINTO 10:1

Osomokwa nyu ante Paulö, ompö kisyonöto Kristo* nko chomnyenyi nyo nonöy pich lö chi nyo talase ato omitan nko akwa, wölo chi nyo körom ato ochan low nko akwa.

YEREMIA 38:20

Olenchan nyinte, “Ewo, metöninyinye chi morikwa. Konyïtönyi ngölyonto ECHOTYON lenyini komwowunyi. Ato ighanyi lenyoni, kutenöy ngaleku amöminye kïgh nyo ominyi.

TITO 2:10

anta chora tïkukwa. Wölo mïchini kuparta kegh lö pich cho tölose akughönote, atökïsïch kinetut pö Tororöt Ghetintenyo salat ompö or anka tïkwïl.

KOLOSAY 4:12

Ketakwesakwa tïkwïl Epapra nyay ngwïno korenkwa akï mötworinto Yeso Kristo. Soghwokwa nyinte nyoman kïnomnyö atamukakwa oghyongö le pich cho kikïkil lasiny ompö ngal cho mököy Tororöt.

2 KORINTO 5:20

Kïchicha nyu kighyongtoghi Kristo ompö ngwïnyinï cho pöghisyegho Tororöt kïsoghsoghokwa kuwerwecha. Kïmitecha kesoghokwa nyoman ompö Kristo lö olinyenö nko Tororöt.

IGHISYEWUT 9:31

Kïlenyona nyu, kïnyorï kimïny nko kalya kanisa kïmïkul nyo kimi Yudea nko Kalilaya nko Samaria. Kïtösisyö pich kïchangit cho kighan ompö kingarakata Mïkulögh nyo Tïlil, akïpesïta ompö kiwaghata Echotyon.

RUMI 11:29

Ompöwölo möwöghökönye Tororöt konutkachi ompö chi nyo kakïl akusoyön.

EPESO 2:10

Kïchicha ighanpa Tororöt kighecha nyinte ompö Kristo Yeso, atökegha ighisyewut cho karamach cho kisötwecha nyinte kegha könyisyok.