EPESO 3:4 - PIPÏLIA

⁴ nyo ato osomönökwa ngalechete, omukekwa onkïtune wölo kipköchtanïn wïngutyononi pö Kristo kïlïkwï.

EPESO 3:4 Referans Kwoze

KOLOSAY 4:3

Osoghwecha tïkwïl atökïyotwecha Tororöt ortïn cho kyomtegho ngölyontenyi nyo ngölono wïnyata Kristo* akï amtaghatanoni nyete kemïtyanïn ye chela.

1 KORINTO 4:1

Nya kuyitecha chi lö kichicha mötwori Kristo akechï komöni wïngut pö Tororöt.

2 KORINTO 11:6

Töptoy mochanye ngölonin, wölo otïngetan kinkïtöt. Kakiporucha akwa ngölyontononi lasiny ompö wop anka tïkwïl kïnomyö.

1 TIMOTEO 3:16

Kimukecha kemwagha lö wow nyoman wïngata nyo pö kighanatenyo nyo kighönöy Tororöt lö, Kurumï nyinte ompö por pö ptangengmöt, keporï Mïkulögh lö pö man, kisïwa malayken nyinte. Kyamta ngalechi kïghomï pipö koros, kughan nyinte pipö ngwïny, akesït kïwö yïm parak ompö ororyö.

KOLOSAY 2:2

Kaghan lenyoni atökïsïch chane nyakanat ompö mïkuliskökwa akïlïkwï kïgh akonga ompö chomnyogh atökïsïch chane mökosyö nyo pö kinkïtöt nyo ipu pköchin pö man. Muköy chane ompö aranoni kunkïtu wïnyata Tororöt, nyoni kï Kristo* nyinte.

EPESO 6:19

asoghwante tïkwïl kïkonanïn Tororöt ngölyon, töto omökan ongölonöy, amukan amwatïta Lökoy cho Karamach cho wïngote ompö nyakanat.

EPESO 5:32

Mi ngölyonto man nyo wïnyate yeteyi wölo pköchinanïn lö ngölono nyete Kristo nko kanisenyi.

EPESO 1:9

Akwighecha kenkïtunö ngal cho kimenkïtnye pich ato le tagh wölo kïcham nyinte kïngongwecha ompö machatenyi kïrïp kegh nko wölo kinontoy nyinte lö oghöy kuwerï Kristo.

LUKA 8:10

kuyokyï Yeso lö, “Kakekonokwa kinkïtöto wïngut pö Pöyunöto Tororöt, wölo kïmwochinegho pikö walaka ompö körkeyïntin nyo ato lentöy kirostoy kïmösïwïyicha akïlö kïter kïmelö pköchini kigh.

1 TIMOTEO 3:9

Mïchini kïkaman chane ngölyontonï pö kighanat kikengongchï chane ompö choghïn nyo karam.

1 KORINTO 13:2

Akï kïrkegh kotïngetan owesyö nyo pö amtagh nko pköchin nyo pö wïngut löwïr nko ngöghomnyö anka tïkwïl, atïng kighanat nyo omukan anategha kutïngkot amotïngetanye chomnyogh ochan kwïle.

MATAYO 13:11

Kuyokyï Yeso lö, “Kikekonokwa kinkïtöt nyo pö wïngut pö Pöyunöto Yïm, wölo tomönye keporchï pich walaka.

RUMI 11:25

Omöchokwa onkïtune, tupchenichu, manï wïngate, tömalïs kegh lö kïchï ngöghomöch. Oghïghyo mïkulis pö pipö Israel kïpo pat ntökïtenö kïpkonchï Tororöt pipö punton walaka.

RUMI 16:25

Nya kesala ye nyu Tororöt. Muköy nyinte kuchïchim kighanatenkwa ompö Lökoy cho Karamach ngölono Yeso Kristo. Lökoy cho omtonan kïrïp kegh nko ngongut nyo pö man nyo kiwïngate ompö könyis cho chang cho kikuwer,

EPESO 3:3

Kighanïn Tororöt onkïtï tötutyenyi nyo wïngate. Kakiran ngalechete ompö töngoghyö,

EPESO 3:9

atoporchï pich löwïr kunkïtï wölo lata tötutyö nyo pö wïngat nyo kiwïny Tororöt nyo kigh tïkwïn löwïr kingeta könyisyok,

KOLOSAY 1:26

akï nyo kiwïnga nyinte pïnwöy löwïr kïngeta otini le könyisyok, wölo köngongchï ye nyu pikachi.