EPESO 3:2 - PIPÏLIA

² Oghönan lö onkïtökwa nyoman lö, kikonanïn Tororöt ighisyonï agh ompö pöropchenyi ompö tösunötenkwa.

EPESO 3:2 Referans Kwoze

1 TIMOTEO 1:11

kïle wölo mwoghöy Lökoy cho Karamach cho pö Tororöt nyo töror akusoyönote. Akï lökoyechoni cho kikonanïn nyinte amwatïta.

2 TIMOTEO 1:11

Kikïlanïn Tororöt alïkwan kiyoktoghin alïkwï konetin nyo omtoy Lökoy cho Karamach,

RUMI 1:5

Kikonanïn Tororöt pöropchö ompö Werïnyi alïkwï kiyoktoghin atamukan ontöghoghchï pipö Punton löwïr kughan akïterchï nyinte ompö.

EPESO 4:7

Kiketö chi anka tïkwïl ompö acha pöropchö kïrïp kegh nko ropöwon nyo kitö Kristo* nyinte.

1 KORINTO 4:1

Nya kuyitecha chi lö kichicha mötwori Kristo akechï komöni wïngut pö Tororöt.

EPESO 1:10

Puntoy nyu Tororöt tötutyononi otini ketïta osiswö cho ighöy nyinte tïkwïn löwïr cho kikigh cho mi yïm nko ngwïny kïnam kegh lödak akïlïkwï Kristo pöytoghintengwa.

KALATIA 1:13

Kyalïmakwa wölo kyalatan otini kitomitan orïpöy kighanata pipö Yaudi wölo kyachoptan kong tya kanisa Tororöt, amach anyar.

IGHISYEWUT 22:21

Kïlenchanïn Echotyon, ‘Wïyö, ompöwölo oyontoninyi wete koro punton wölo low.’ ”

IGHISYEWUT 13:46

Kïngalan Paulö nko Parnapa ompö nyakanan lö, “Kömïchï kemwowokwa ngölyonto Tororöt nyo pö tagh. Wölo otini kataghakwa ye nyu, kï korwokyikwa kegh akwane achamakwa lö, merokonokwanye söpon pö kokay, kakïpïstokwa yenyu akepa koro punton.

IGHISYEWUT 13:2

Kïlenchï Mïkulögh nyo Tïlil chane otini kipöghisyechini Echotyon kïkïruröy akïsoghöy Tororöt, “Okonanïn Parnapa nko Saulö kïpka, kwighwanïn ighsyö nyo kyosötyan chane.”

IGHISYEWUT 9:15

Kïlenchï. Echotyon, “Wïyönyi, ompöwölo kakïlan nyinte atopöghisyeghan, atökuporchï kaynenyan pipö punton nko pöytoghï nko pipö Israel.

1 TIMOTEO 2:7

Nka nyoni kigh Yeso kïkïlanïn alïkwan kiyoktoghin* nko omptoghin nyo pö pipö punton atomchï chane lökoyo kighanat nko man. Omwoghan ngala man, momïranye put.

1 TIMOTEO 1:4

Mwochinö chane kuchal ngalechay pö tyankoy nko kinanat nyo pö kukötin cho chang cho kikuwer cho ipu kimölöto kegh amengörokönye pich ngalechoni kenagh tötut pö Tororöt cho kinkïtu ompö ara kighanat.

KOLOSAY 1:6

Kitas tagh Lökoyechoni Karamach kuyinï akwa akulet tagh kïghömï ngwïny kïmïkul, le wölo kilïkwï ompö kwenunkwa kïngeta asisanya kyalïmakwa akïpköchokwa lö nen pöropcho Tororöt,

KOLOSAY 1:4

Ompöwölo kikelïmacha kighanatenkwa nyo otïngetekwa ompö Kristo Yeso nko chomnyenkwa nyo ochömekwa kighönï lapay.

EPESO 4:21

Kyalïmakwa ngalechi nyoman, kïkany otini kyalïkukwa rïpankachi, kenetokwa ngala man cho mi oripö Yeso.

EPESO 3:8

Kikïkonanïn kïrkegh ochan mïnïng nyoman kïtïl pipö Tororöt löwïr, wölo Tororöt nyo kikonanïn pöropchö omchï pipö punton Lökoy cho Karamach cho pö sïkönöto Kristo nyo möminye söröm,

RUMI 12:3

Akwompöwölo kicham Tororöt kïkonanïn pöropchenyi, omwowokwa lapay lö, mop kegh yïm tya kïtïl wölo kalatekwa. Wölo akanya kurwokyï kegh chi anka tïkwïl kïrïp kegh nko kighanat nyo ketö Tororöt nyinte.

RUMI 11:13

Ongölonwokwa ye nyu pipö punton lö, okwolonan kegh ighisyenyu otini kïnye ochan kiyoktoghinto* Kristo* ompö pipö punton.

EPESO 3:7

Kikighanïn alïkwï mötworinto Lökoyechete Karamach ompö ropöwon nyo kikonanïn nyinte ompö pöropchenyi kïpöghisyeghö orinyan ompö kimukatenyi.

EPESO 3:9

atoporchï pich löwïr kunkïtï wölo lata tötutyö nyo pö wïngat nyo kiwïny Tororöt nyo kigh tïkwïn löwïr kingeta könyisyok,