EPESO 2:12 - PIPÏLIA

¹² Onkïtï lö kyochikwa lowöch nko Kristo osiswechoni, kyomitekwa sanypa pipö Israel. Kyochikwa pïnot akimoghönekwanye kïgh ompö kiyomisut pö Tororöt. Kimotïngetekwanye kikönöt akimononekwanye lö mi Tororöt ngwïnyinï.

EPESO 2:12 Referans Kwoze

KALATIA 4:8

Kimonkïtökwanye Tororöt atanya le tagh, opöghisyechikwa nyu tororötin cho kimelö tororötino man.

KOLOSAY 1:21

Kyochikwa lowöch nko Tororöt ato le tagh, akyochikwa pungkachi ompö tïkwïn cho ghach cho kyoghekwa nko cho kyononekwa.

1 PETRO 1:3

Keyokyinö Tororöt sörö, Papoto Echotyontenyo Yeso Kristo! Ompö kisyonötenyi nyo wow, nyo kimuka kïyiyecha yiyöt nyo rel otini kigh nyinte Yeso Kristo kututunö ngwen. Nka nyoni kïgh nyo konecha kikönöt nyo chïchïmate

1 TESALONIKE 4:13

Kïmökecha tupchenicho, onkïtunö ngala man cho pö pich cho kimeghö, mömïchininye owuronchenökwa ompö chane, le pich cho mötïngcha kikönöt.

EPESO 4:18

akï mi kinonutkökwa tuwïn, lowöch chane ompö söpon nyo konu Tororöt ompöwölo sölwöy chane akï tighï.

ESEKEL 37:26

Oman nyu muma* nko chane, lïku nyo pö kokay nko chane. Osoyönan, atas chane kïchangit, atolapay opintityan Konyan kwenungwa kïtöpö kokay.

1 TESALONIKE 4:5

amelö ompö pïrchinogh pö por nyo gha le wölo lata puntoni walaka cho menkïtcha Tororöt.

YOANA 15:5

“Ochan sapipïyonte, ochikwa mori. Yinöy akwa cho chang chi nyo mi orinyan, amitan orinyi, ompöwölo momuchekwanye oghöy kïgh nyonikïny ato momitanye nko akwa.

EPRANIA 6:18

Mi nyu tïkuchoni le odeny: kiyomisöt nko muma, memuköcha tïkuchoni ntökïwöghökisyö, amemukönye Tororöt kïmwoghöy putintön, nyo ighecha chï kiketach kiyomisötononi kekile kegh lasiny otini kïmitecha kerïpöy kikönöt nyo kiketö tawuncha.

RUMI 9:8

Poru nyoni lö, mölïkucha monïngo Tororöt monïngo cho kikïyï ompö ara por, kïpoto cho kikïyï kïrïp kegh nko kiyomisöto Tororöt cho kiyitöy lö, monïngo Tororöt.

2 OTÖPTINO OSIS 15:3

Kitïpïyö pipö Israel osis cho chang kïpuryö Tororöt pö man akimöminye tïsin nyo kinetöy, akimöminye kirurut.

1 PETRO 3:15

Wölo okonyït Kristo* le Echotyon ompö mïkuliskökwo. Otïpï kïpsach kïtenö osis omwochï lasiny chi anka tïkwïl nyo tepokwa ngölyon kïrïp kegh nko kikönöt nyo mi orinkwa.

IGHISYEWUT 28:20

Nka nyoni katepan onyorwokwa atangalan nko akwa, ompöwölo kakïratenanïn sïrïmnyontonï ompö nyinte nyini le kikönöto pipö Israel.”

IGHISYEWUT 3:25

Ochikwa monïngo werkoy apoyekwa muma* nyo kyam Tororöt nko papotïnekwa. Le ato kimwochï Apraam lö, ‘Osoyönan pipö ngwïny kïmïkul kuwerï yiyengu.’

YEREMIA 17:13

Nyi, we ECHOTYON, nyo ichï kikönöto Israel. Nömöy arasï chi anka tïkwïl nyo töghinyi. Potyot pich cho pïstoninyi le kaynötut cho kikikirchï terïtyon. Ompöwölo kïpïstinyi chane, we ECHOTYON, nyi nyo ichï kompö pögho söpon.

TOWUNÖT 15:18

Kam ECHOTYON muma* nko Apram asisoni lö, “Otöninan moneku koronete kïmïkul, kïngata lalwa Misri ntökwit lalwanay wow kïkuro Yuparet.

1 YOANA 3:3

Akï chi anka tïkwïl nyo tïng kikönötononi ompö Kristo, kutïlilöy kegh le wölo tïlil nyinte.

1 PETRO 1:21

Kaghanakwa Tororöt ompö Kristo nyo kigh nyinte kututunö ngwen akutö ororyö. Kïlenyona mi kighanatenkwa nko kikönötenkwa wölo mi Tororöt.

EPRANIA 11:34

akumis mot cho ngwonöch akïchïwïtyeghö ngot. Ki nyörkölöle nyoman, wölo kimï kïrïnta lïkos cho pö pungkökwa.

1 TIMOTEO 1:1

Kakirwan ante Paulö kiyoktoghinto* Kristo* Yeso kïle wölini kimakta Tororöt Ghetintenyo nko Kristo Yeso nyo le kikönötenyo.

2 TESALONIKE 2:16

Kïsoghecha Echotyontenyo Yeso Kristo nko Paponyo Tororöt nyo kichamech akïkonecha saghsaghat nyo pö kokay nko kikönöt nyo karam ompö pöropchenyi,

KOLOSAY 1:27

Mököy Tororöt kïngongchini pikachi lö wow akï oror kïtya kinyiwutyö nyo nyorchini pipö punton wïnyatenyi nyo lentöy, mi Kristo orinkwa, akupöru nyoni lö oporekwa asïyech ororyo Tororöt.

KOLOSAY 1:5

Ghyongo kighanatenkwa nko chomnyenkwa kikönöt nyo kikekomönwokwa ompö yïm. Kyalïmakwa ngala kikönötononi panto tagh atanya kikyomwokwa Lökoy cho Karamach cho pö man.

YOANA 10:16

Mito kechirye chichan walaka cho mömicha kweghonete! Mïchinanïn orongwï chane atökïlïm chane tïkwïl kutinyan akïlïkwï okwot akonga nko mösöwon akonga.

YOANA 4:22

Osoghekwa kïgh nyo monkïtökwanye, wölo kïsoghecha kïgh nyo kinkït, ompöwölo ngwïno sörunötö pipö Yaudi.

LUKA 1:72

atökupuntö kisyonötenyi nyo kiyomisï papotïnecha akunan mumenyi nyo tïlil.

OSEA 3:4

Ompöwölo tïpisot pipö Israel osis cho chang kïpuryö pöytoghï anta kintöghoghï, kïpuryö amörostin anta pchörin anta körkeyïntin anta epod* chepkweghyon.

ESEKEL 13:9

Omungan nyu werkoy chï mwoghöy putintön akïngoröy ngala putintön. Melö tomitenökwa atotuyot piköchan kururöy kegh amökïminye kaynötutkökwa nko cho pö pipö Israel, amomïlisyonekwanye koronï. Ato onkïtukwa lö ochan Echotyon TORORÖT.

YEREMIA 14:8

Nyi nyo ichï kikönöto Israel! Nyi okït nyo isörwecha ompö osiswo nyarïl. Ompö ne nya we ECHOTYON telïkuna ton ompö korencha? Kekaranyi kegh nko rutoghin nyo pöghönöy oghö akonga kwïle.

ISAYA 45:20

Mwoghöy ECHOTYON lö, “Akwa puntoni ngwïny cho le ngötunön, aghamïtuna kegh apkan atökerwokwok! Wechï sölwöy pich cho ipsötoy körkeyïntin cho kikigha ket, akïsagh tororötin cho memukönye kïsörï pich!

ISAYA 44:6

Mwoghöy ECHOTYON Kimuktoghin, nyo pöytoy akïghetöy Israel lö, “Ochan nyo pö tagh, achan nyo pö löt, Tororöt nyo le nyinte onkït, möminye anka kïpoto ani.

ESRA 4:3

Wölo kïlenchï Serupapel nko Yoswö nko poyi ortïn chane, “Melö kïtïngecha kïgh akwa ompö teksyo Kö pö Tororötïncha,* kïtekyinecha achane ECHOTYON Tororötïncha lenyini kamwa Sayras pöytoghinto Pasya.”

KIYITUT 18:19

Okoninyi nko werköku nko tipiku, ropöw löwïr cho karamach cho konanïn pipö Israel kokay. Nyï kï muma* nyo pö kokay nyo le nyinyan nko nyi nko moneku.”

ISAYA 61:5

Pkonöy pich cho le to kuyokwïywokwa kyakikwo, kïpka pich cho monkïtökwanye kïngorwokwa parenikwo akïripkekwa sapipunekwo.

ISAYA 14:1

Tökusyonchini ECHOTYON pikachi Israel akïkïl chane ngat kïlïkwï pikachi kegh. Töni chane korengwa ngat. Pkonöy pikö walaka kïpïnchini koro Israel akïmang nko chane.

ESEKEL 47:22

Ichöghenyi kïlïkwï mïlatenkwa nyo le nyinkwa nko to nko monekwa cho kikïyichï korenkwa kïnyorï tïkwïl mïlat kïkarkegh nko akwa. Lenye chane monïngo pipö Israel.

IGHISYEWUT 2:39

Ompöwölo nyinkwa kiyomisötononi nko monekwo nko löwïr cho mi wölo low nko tïkwïl cho kuröy Echotyon Tororötïnyo kipkonchï nyinte.

EPESO 2:19

Kïlenyona mochikwanye ngat pipö punton pïnot nko to, kalïkukwa ye pipö möngot akonga nko pipö Tororöt, pich cho omitö Kö pö Tororöt.*

EPRANIA 8:6

Wölo kakitö ye nyu Yeso kïlïkwï tïsin nyo pö tïlat, kïlenyona kulinyö pich nko Tororöt ompö muma nyo karam tya nyo kikïteka towunöto teksyo kiyomisöto man.

WUWÖT 12:45

Möminye ton anta mötworin nyo omöy omisyononi.