EPESO 2:10 - PIPÏLIA

¹⁰ Kïchicha ighanpa Tororöt kighecha nyinte ompö Kristo Yeso, atökegha ighisyewut cho karamach cho kisötwecha nyinte kegha könyisyok.

EPESO 2:10 Referans Kwoze

PILIPI 2:13

ompöwölo mi Tororöt kïpöghisïyi ompö orinkwa kïnomnyö akïkonokwa owesyö nyo omöko, apunteghö machatenyi nyo karam.

KOLOSAY 1:10

Omukekwa nyu omöngisyö kïrïp kegh nko machata Tororöt, amukakwa agh kïnomnyö tïkwïn cho ngörokyini Echotyon. Oporunekwa ompö söponwekwa ighisyewut cho karamach atasakwa tagh onkïtunö Tororöt tya.

EPRANIA 13:21

Nya kïkonok Tororöt pö kalya kïgh anka tïkwïl nyo omökekwa atamuka agha machatenyi, nya kwigh nyinte kïgh anka tïkwïl nyo tenate ompö ara Yeso Kristo. Nya kïpöyit Kristo ororyö kokay nko kokay! Amen.*

2 KORINTO 5:17

Kïlenyona nyu ato tuyö kegh chi anka tïkwïl nko Kristo kïkalïkwï nyinte ighan nyo rel, kikuwer ngala köny, ketï otöp nyo rel.

2 KORINTO 9:8

Akumuköy Tororöt kïkonokwa tïkwïn cho chang kïtïl cho komökekwa atamuka otïngetenö kïnomnyö kïgh anka tïkwïl, atatasa tagh angaraka ighisyö anka tïkwïl nyo karam.

EPESO 4:24

alaka otöp nyo rel, nyo kikigh kïrïp kegh nko körkeyïn pö Tororöt nyo poruno kegh söpon nyo tenate nko tïlilyö.

PILIPI 1:6

Onkïtön nyoman lö puntoy Tororöt nyini kitor pöghisyononi karam ompö orinkwa otinö kamïla Kristo Yeso.

2 TIMOTEO 3:17

atökumï lasiny chi nyo pöghisyechini Tororöt, kwigh pöghisyö anka tïkwïl nyo karam.

EPESO 4:1

Osomokwa nyu ani nyo ochï ratate ompöwölo opöghisyechinan Echotyon lö, otïpinö kïrïp kegh nko kurötononi kikurchokwa Tororöt.

2 TIMOTEO 2:21

Ato kïrö kegh chi anka tïkwïl ighisyewut cho ghach, kepöghisyegho nyinte le kari ichon ompöwölo kikengotyï yona atökïpöghisyechï Echotyontenyi, akïmi kïpsach kepöghisyeghö ompö pöghisyö anka tïkwïl nyo karam.

TUMWÖY 100:3

Onkïtï lö, ECHOTYON kï Tororöt, kighecha nyinte akïchicha chechi kïchicha pikachi akechï kechiryechi.

TITO 2:14

Kikonï kegh nyinte tökïsörunenecha ghöyityö anka tïkwïl akutïlilecha, cho le pikachi kegh, cho tïng machat kwigh pöghisyewut cho karamach.

ISAYA 43:21

Piköchan chane cho kyaghan akïlchan kegh, tökïtumwanïn chane sölut!”

EPESO 1:4

Kïle Kristo wölo kikïltecha Tororöt ompö Kristo kelïkuna chechi otini kitomönye ketor kegh ngwïny, atöketïlilöchitunö akelïkwï pich cho puryö lelut ompö tawunyi, akwompö chomnyenyi.

1 TIMOTEO 6:18

Mwochinö chane kwigh nyo karam akïlïkwï monkor ompö pöghisyewut cho karamach. Mwochinö tïkwïl kukörkoröy morïn kïcham kutötö tïkukwa akupar nko piko walaka.

TITO 3:14

Mïchini kunet kegh piköcho löwïr kwigh pöghisyewut cho karamach, tökïpöghisyeghö kungaraka pich cho tïng möchut ompö lawel. Merokonye kïtïpï chane otöp nyo puryö kinyiwut.

EPRANIA 10:24

Kekilö nyu kegh akany kïsïnga chi ngaleko chitö anka ompö kingarakata kegh akeparta chomnyogh akegh nyo karam.

TITO 3:8

Pö man ngölyontonï. Amöchan chïchïmanyi lasiny ngalechï tökumï pich cho kikughan Tororöt, kwigh kegh ompö pöroyïn anka tïkwïl nyo tökwigha pöghisyewut cho karamach cho tïng kinyiwut ompö pich löwïr.

KOLOSAY 3:10

alak otöp nyo rel. Letoy tagh Tororöt kupïchöy otöpnoni kïrelit kïnomnyö ntökïkarkegh nko nyinte, nyini le ighintenyi kegh atamukakwa nyu onkïtunö Tororöt lasiny.

TITO 2:7

akwompö kïgh anka tïkwïl lïkune körkeyïn nyo karam ompö chane. Iparta otöp nyo puryö lïsat ompö kinetatengu.

1 KORINTO 3:9

Ompöwölo kïpöghisyechinecha Tororöt tïkwïl. Ochikwa para Tororöt achï konyi.

1 PETRO 2:12

Mïchinokwa apartena otöp nyo karam nyoman ompö kwenu pich cho tomönye kughan, nyo kïrkegh kö mököy kïmïrchokwa put lö oghekwa tïkwïn cho ghach, kumuköy kïsïwa ighisyewutkökwa cho karamach akïsal Tororöt Asisto kingwïnatenyi.

TITO 3:1

Nonchinö pich kïtech soch, kïlïkwï pich cho konyïtöy pöytoghï akïtïpï kïpsach kwigh pöghisyö anka tïkwïl nyo karam.

1 YOANA 2:6

anka tïkwïl nyo mwoghöy lö kyolinyö nko Tororöt, kïmïchini kïtöpö le wölo kitöptoy Yeso Kristo.

TUMWÖY 138:8

Ighwaninyi kïgh anka tïkwïl ompö machatengu, pö chomnyengu kokay, we ECHOTYON. Mewutyeghö ighisyewutko moriku. Ompö kintöghoghinto tumï. Tum pö Daudi.

ISAYA 29:23

Ompöwölo otini kasïwekwa monïng cho okonokwa, onkïtukwa nyu lö ochan Tororöt pö Israel nyo Tïlil. Okonyïtanïkwa, atïlil kaynatenyan.

MATAYO 5:16

Akanya nyu kulïwunö löpoyïntöngwo tawu pich atökïsïwa chane ighisyewutkökwa cho karamach atökïsal Papongwo nyo mi yïm.

YOANA 3:21

Wölo ngwïnöy chi anka tïkwïl nyo ighöy ngala man wölo mi löpoyïn atökuparta löpoyïnoni lö kigh chichoni ighisyewutkachi kïrïp kegh nko machata Tororöt.”

TUMWÖY 51:10

Konante mïkulögh nyo karam, we Tororöt, aitö orinyan mïkulögh nyo sis.

2 TESALONIKE 2:17

lö, tetö nyinte mïkulöwekwa saghsaghat, akuchïchimakwa kinomnyö agha, angalan kïgh anka tïkwïl nyo karam.

RUMI 8:29

Ompöwölo pich cho kinya Tororöt kïkïl kïngeta otini le könyisyok kï kilöwön lö lïku chane cho körökegh woptöngwa atökïkarkegh nko Werïnyi, atömanyïl kïlïkwï nyinte poret nyo kwenu monïngo Tororöt cho chang.

IGHISYEWUT 9:31

Kïlenyona nyu, kïnyorï kimïny nko kalya kanisa kïmïkul nyo kimi Yudea nko Kalilaya nko Samaria. Kïtösisyö pich kïchangit cho kighan ompö kingarakata Mïkulögh nyo Tïlil, akïpesïta ompö kiwaghata Echotyon.

YEREMIA 31:33

Muma nyo rel nyo owetan omöy nko pipö Israel kï lata nyï: Otöninan kirurutköchan oringwa, akörchan mïkuliskökwa. Olïkunan Tororötïngwa, kïlïkwï chane piköchan. Mwoghöy ECHOTYON.

ISAYA 60:21

Ighöy piköku nyu tïkwïn cho tenote, mïlöy nyu chane kore kokay. Kyaghan chane akatkatan aghan kïrumtö ororyenyan ompö pich löwïr.

2 KORINTO 5:5

Tororöt nyinte nyo kipï waghakatanoni akï nyinte nyo konecha Mïkulöwunyi kïlïku kikïniniogh pö tïkwïn cho tökïpkonöy cho kakïrorwecha nyinte.

ISAYA 44:21

Lentöy ECHOTYON, “Nana we Yakopo ngalechï, nana we Israel lö ichinyi mötworintenyan. Kyaghinyi atepöghisyewanïn, amelö owutyegheninyi, we Israel.

1 TIMOTEO 5:25

Kïlenyoni tïkwïl, rumu pöghisyewut cho karamach, latok, amöwïngisyocha kokay ighisyewut cho karamach cho mörumunye latok ye.

1 TIMOTEO 2:10

wölo ompö otöptin cho karamach. Mïchini kïtöpï lenyoni kor cho konyïtöy Tororöt.

KINONO KIRURUT 5:33

Apekwa nyu arip ngalechoni löwïr kimwowokwa ECHOTYON Tororötïnkwa atosöpchenö atökïchangit osiswekwo ompö koronini opetekwa ochengöy.

1 TIMOTEO 5:10

akï nyo kikïlïmchini pöghisyewut cho karamach akï nyo kinam monechi nyo karam akïtach to ompö konyi akuwun kelyo pipö Tororöt akungarak cho kitïng kömpölelyö akukil kegh ompö pöghisyö nyo karam.

1 YOANA 1:7

Wölo ato kïpestecha ompö löpoyïn le wölini mi nyinte löpoyïn, kesïkecha achane ghömïchö kwenunyo akïmwötwecha ngokï löwïr kisönko Yeso, Werïnyi.

IGHISYEWUT 9:36

Kimito korka akong Yopa nyo kikuro Tapita, nyo kighanate. (Kikuro kaynenyi ompö ngala Krik Dorkas, nyo ato kïwaghach kï chemïl.) Kighchini pich nyo karam akungöroköy mey.

ISAYA 61:3

akïnyorï ngörekyö nko turönöt pich cho riryegho Sayon.* Otöninan tum pö salat nyo kötönyoru kiwongunöt. Kïkuro chane keti kitenat cho kakatkat ECHOTYON atökïnyorchï nyinte ororyö.

ISAYA 19:25

Soyönöy ECHOTYON Kimuktoghin chane akïlenchï, “Osoyönokwa pikachu, pipö Misri nko akwa pipö Asirya cho kyaghakwa nko akwa pipö Israel cho ochï kïlankachan.”

TUMWÖY 119:3

Pich cho meghöcha ghöyityö nyonikïny, wölo cho rïpöy ortïna ECHOTYON.

TUMWÖY 81:13

Ntököterwanïn piköchan wey, akïrïp pipö Israel ortïnechan!

KALATIA 6:15

Mökïghnye ato köwö chi tum anta ewo. Kïgh nyo pïchigh kï kelïkwï ighan nyo rel.

RUMI 8:1

Kïlenyona nyu ye, mökurwokyininye Tororöt pich cho linyote nko Kristo* Yeso.

KINONO KIRURUT 32:6

Oghchinekwa ECHOTYON so kïgh nyo gha lenyoni, akwa sölwöyichï söngengöch? Paponkwa nyinte nyo kighakwa, akïkonokwa söpon.

EPESO 2:2

cho kyaghakwa atakinya kyorïpekwa otöp pö ngwïnyinï nyo gha, aterchini pöytoghinto oy nyo mi wölnö le mïröt, mïkulögh nyo le sïmnyon, nyo pöyu pich cho töghöy Tororöt.

ISAYA 43:7

Piköchan chane kegh, cho kyaghan tökwipkanïn ororyö.”

EPESO 1:1

Ani Paulö nyo le kiyoktoghinto* Kristo* Yeso ompö machata Tororöt nyete, kakirwokwa pipö Tororöt cho omitö Epeso ochï cho ghönote ompö Kristo Yeso.

EPESO 2:6

akwïghecha ketutunö nko nyinte akïkonecha kelïnyenö nko Kristo Yeso, atöketïpinö nko nyinte wölnö le yïm,

EPESO 2:13

Wölo ye, akwa cho kyochï lowöch nyoman ompö Kristo Yeso, kikenokunekwa arikuna ompö meghenyi.

EPESO 2:15

Kiwang nyinte ompö meghenyi kirurut pö pipö Yaudi nko kinetutkökwa atömanyïl kwighuna puntonichoni kwodeny chi akonga cho tïng otöp nyo rel cho kakelinyö nko nyinte, akwompö aranoni kwipï kalya.