EPESO 1:19 - PIPÏLIA

¹⁹ nko wölo wow kïlïkwï owesyenyi nyo pöghisïyi ompö acha cho kighönöy. Karkegh owesyononi mi orincha nko owesyö nyo wow

EPESO 1:19 Referans Kwoze

PILIPI 2:13

ompöwölo mi Tororöt kïpöghisïyi ompö orinkwa kïnomnyö akïkonokwa owesyö nyo omöko, apunteghö machatenyi nyo karam.

EPESO 3:20

Nya kïsala nyinte nyo muköy kwighöy tïkwïn cho pö töngönchin kïtïl cho kïsomecha anta cho kinonecha ompö kimukata owesyö nyo pöghisïyi ompö orincha.

KOLOSAY 2:12

Ompöwölo kikïtïpokwa nko Kristo otini kikipatisanakwa! Akwompö kipatisanatanoni, kyotutukwa nko Kristo ompöwölo kyaghanakwa owesyo Tororöt nyo kigh nyinte kututunö ngwen.

2 KORINTO 4:7

Kïlatecha nyu cho kïtïng mökosyononi pö mïkulögh kari tören, atökïrumtö lasiny lö, ngwïno owesyononi wow wölo mi Tororöt amelö ngwïnonecha achane kegh.

KOLOSAY 1:29

Kïlenyona omitan okilöy kegh opöghisïyi atökwighisyö ngalechoni. Opöghisyeghonan owesyö nyo wow nyo konanïn Kristo akwowesyononi nyo pöghisïyi ompö orinyan.

EPESO 6:10

Ngölyonteto löt, omökwokwa lö ghyongtenö ompö Echotyon nko owesyeto kimukatenyi nyo wow.

EPESO 3:7

Kikighanïn alïkwï mötworinto Lökoyechete Karamach ompö ropöwon nyo kikonanïn nyinte ompö pöropchenyi kïpöghisyeghö orinyan ompö kimukatenyi.

EPESO 2:10

Kïchicha ighanpa Tororöt kighecha nyinte ompö Kristo Yeso, atökegha ighisyewut cho karamach cho kisötwecha nyinte kegha könyisyok.

RUMI 1:16

Mololïyönchinanye Lökoy cho Karamach, ompöwölo nyoni kï owesyo Tororöt nyo söru pich löwïr cho ghönöy, pipö Yaudi nyo tagh nko pipö punton tïkwïl.

YAKOPO 1:18

Kiyiyecha nyinte ompö machatenyi ompö ngölyontenyi nyo pö man atökelïkuna cho pö tagh ompö tïkwïn lapay cho kigh nyinte.

2 TESALONIKE 1:11

Nka nyoni kïmicha kesoghwokwa osis lapay. Kïsoghecha tororötïnyo lö, teghakwa otïpïnö otöp nyo mïchini kuröt, nyo kikurchokwa nyinte. Kïsoghecha lö, tewantegha nyinte owesyenyi machatenkwa nyo pö köromnyö akupuntö ighisyenkwa nyo pö kighanat.

ISAYA 53:1

Ngo nyo keghan ngalechï kakïmwowecha? Akï ngo nyo muköy kunkïtu lö, ECHOTYON nyo kegh ngalechete?

1 TESALONIKE 1:5

Ompöwölo atanye kikïpkanacha kyomwokwa Lökoy cho Karamach, amelö kikyomucha ngal opïn pat, wölo kikyomucha tïkwïl ompö owesyo Mïkulögh nyo Tïlil, akenkïtöcha lö onkïtökwa manto lökoyechoni. Onkïtökwa otöptöncha atanye kikïmitecha nko akwa lö ki ompö tösunötenkwa.

2 KORINTO 5:17

Kïlenyona nyu ato tuyö kegh chi anka tïkwïl nko Kristo kïkalïkwï nyinte ighan nyo rel, kikuwer ngala köny, ketï otöp nyo rel.

IGHISYEWUT 26:18

Nyi nyo iyotyini chane konyikwa ategha chane kïmïlisyeghö tuwïn kïpka wölo mi löpoyïn, akïngetunö owesyo Onyöt kïpka wölo mi Tororöt, akelöstoghchï chane ngokikwa ompö kighanatengwa nyo tïng ompö ani, atökelöwönchï wölo tïpisot nko pich cho le kïlanpa Tororöt.’

YOANA 3:6

Nyo kiyï chi kï chi kïkany nyo kiyï Mïkulögh kï mïkulögh.

PILIPI 3:21

nyo wöghököy porwoyicha chï nyörkölöl akwigh kïkarkegh nko portanyi nyo pö ororyö, ompö owesyö nyo muköy kï pöyuno tïkwïn lapay.

1 PETRO 4:11

Ato kikïkurïn lïkuna ngölonin, ingalan kïrïp kegh nko ngölyonto Tororöt, kïkany nyo pöghisyechini pikö walaka, kïmïchini kwigh lenyoni ompö owesyö nyo töni Tororöt nyinte. Ato aghakwa lenyoni, kïnyoru Tororöt salat ompö ara Yeso Kristo nyo nyenyi ororyö nko owesyö kokay nko kokay. Amen.