EPESO 1:16 - PIPÏLIA

¹⁶ kïmelö kyopïstan oyokyï Tororöt sörö ompö akwa ananakwa ompö sowutköchan,

EPESO 1:16 Referans Kwoze

KOLOSAY 1:9

Nka nyoni kïmitecha kenonokwa kïnomnyö ompö sowut, kïngeta kelïmacha Lökoyekwa. Kikïsaghacha Tororöt kïkonokwa kinkïtöt nyo pö machatenyi nko ngöghomnyö anka tïkwïl nko pköchin nyo konu Mïkulöwunyi.

KOLOSAY 1:3

Kiyokyinecha sörö kïnomnyö Tororöt, Papoto Echotyontenyo Yeso Kristo, otini kïsoghchinecha akwa.

2 TESALONIKE 1:3

Mïchinecha, tupchenicho keyokyine Tororöt sörö kïtenö osis ompö akwa rokonecha kegha lenyoni, ompöwölo mi kighanatenkwa kïyetu nyoman akïmi chomnyenkwa kïtöso ompö pikö walaka.

1 TESALONIKE 1:2

Kiyokyinecha sörö Tororöt kïtenö osis akwompö akwa lapay akenonecha akwa kïtenö osis ompö sowutköcha.

1 SAMWEL 12:23

Nya kïlowit ompö ani. Momukanye kokay ntoghchï ngokï ECHOTYON opïstan osoghwokwa. Wölo onetokwa or nyo karam nyo mïchini arïpakwa.

1 TESALONIKE 5:17

asagh Tororöt kïtenö osis,

ISAYA 62:6

Kotönön ripï nïyetweku, we Yerusalem, cho mömïchinicha kïsisyö pöghet anta nangat. Mïchini kunonchï chane ECHOTYON kiyomisutkachi atömöwutyeghö nyinte.

1 SAMWEL 7:8

Kïlenchï pipö Israel Samwel, “Mepïstö isagh ECHOTYON Tororötïncha, atökïsörwecha ompö mori pipö Pilisti.”

TOWUNÖT 40:14

Wölo inanante ato inyorï otöp nyo karam, asominyi lö kaykay inonchï Parao tömanyïl kutyokunenanïn köyï pö rata.