DANIEL 9:5 - PIPÏLIA

⁵ “Kikeghacha ngokï akelel akeghacha nyo gha akepeny kirurutköku löwïr akemastecha kareran.

DANIEL 9:5 Referans Kwoze

MALAKI 3:7

Kïngeta osiswo papotïnekwa melö kitö arïpakwa kirurutköchan. Kïlenyona oyokunö kegh wölo omitan atö oyokwan kegh wölo omikwa. Wölo otepekwa lö, ‘Kiyokucha kegh wölo iminyi lö ne?’

DANIEL 9:11

Kikïpeny pipö Israel löwïr kirurutköku akïtagh kïlïm ngaleku, kamecha ye nyu chïpötonay kikikir kirurut pö Musa mötworintengu, ompöwölo kikewuchanyi ngokï.

DANIEL 9:15

“We Echotyon Tororötïnyo, kiporunyi owesyengu otini kimïtunenyi piköku koro Misri atökenonöy owesyengu nko ye. Kakighecha ngokï nko ghöyityö.

TUMWÖY 106:6

Kakighacha ngokï le papotïnecha, kakïlïkucha mwokïyis akeghachitï.

EPRANIA 3:12

Orip kegh tupchenichu, tömötöp ntökïrumunö chi kwenunkwa nyo tïng mïkulögh nyo gha nyo puryö kighanat nyo ighöy nyinte ntökïpïstö Tororöt nyo söpöy.

OSEA 1:2

Kinya ECHOTYON kïngölonchï pipö Israel otini kïlenchï Osea, “Wïyö ipö korka nyo le chepores, akïyiwun monïng cho karkegh nko kame, ompöwölo kegh koronï cheporesnan nyo gha otini kipïstö ECHOTYON.

ESEKEL 6:9

Nonanïn nyu chane ompö koro punton wölini kïpa le ratan lö kyomungön chane ompöwölo kiwerwersyö mïkuliskökwa, akïpïstanïn aghan konyikwa kiköryö cho kiyöro kong körkeyïntin, kïnyorï nyu chane arasï ompö tïkwïn cho kigh cho pö arasï.

LOK 1:20

“Topöne köny chopatenyan, we ECHOTYON mi söpontönyan nyarïl nyo wow nyoman! Kewonyanïn por lökïr akwompö ngokichan mito pörchö ortïna kanasyan mi megha kömöy nko kichïr kestoni tïkwïl.

YEREMIA 14:7

“Lokyinanïn nyu piköchan kïlentöy, ‘Ngarakecha, we ECHOTYON ompö konyït pö kaynengu, kïrkegh rwokyinecha ngokicho. Kikepenyacha ngaleku kïnyïl cho chang, kikeghacha ngokï ompö tawungu.

TUMWÖY 18:21

Karïpan ara ECHOTYON amelö kopïstan Tororötïnyan.

YEREMIA 3:25

Kïlenyona mïchinecha kewirchinö kegh ngwïny ompö arasnï kanamecha. Nya kulumecha kiratatenyo ompöwölo, kïngeta kechicha mïnkech, kikighchicha nko papotïnecha ngokï ECHOTYON Tororötïncha, atökeghchinecha nko ompö nyete le ye. Melö ompö kitöketeracha kuti ECHOTYON Tororötïncha.”

ISAYA 59:13

Kakïpenyacha kirurutköku cho kakiwucha nyi aketaghinyi aketagh kerïpinyi. Kakïpïröcha pikö walaka aketaghacha nyi. Pö putintön kinonutköcha akï pö lïs ngalecha.

ISAYA 53:6

Kïkörecha kegh löwïr nko kechir cho kepotyö köwö chi anka tïkwïl ompö acha orenyi. Wölo ketö ECHOTYON parakunyi ghöyityo chi anka tïkwïl ompö acha.

TUMWÖY 119:102

Momosteghonanye möchutköku, ompöwölo ichinyi konetintenyan.

ESRA 9:6

alenchï, “We Tororötïnyu, ochan lalïyanate osyol tokochunyu kurosinyi, ompöwölo kitösisyö kïchangit ngokicha nyoman, teno ghöyityencha ngwïny nko yïm.

TUMWÖY 119:176

Kyatampararan le kech nyo kemperöl, yara mötworintengu, mowutyeghanye kirurutköku. Tum pö pusat.

YEREMIA 44:3

Kilïkwï choni akwompö ngokï cho kigh chane ntökwighanïn anarek. Kipelchï amörostin akïpöghisyechï tororötin walaka cho melö kinkït chane amelö onkïtökwa amelö kinkït ompö papotïnekwa.

LOK 1:18

“Wölo pö man ECHOTYON, ompöwölo kyapenyan ngalechi. Wölo aterane akwa löwïr cho omi woptin löwïr, arose ngwonïn nyï omitan. Kikïrang monechan, tipi nko werkö, kapa le pïnot koros cho lowöch.

LOK 3:42

“Kakighacha ngokï akepeny ngaleku, we ECHOTYON, wölo tomönye löstewechanyi.

DANIEL 9:9

Itïngetenyi kisyonchin nko lastaghpa ngokï, kïrkegh kikïtaghichanyi, we Tororöt.

2 PÖYTOGHÏ 18:12

Kikïnam kanasyanta Samaria ompöwölo kitagh pipö Israel kïrïp muma* ECHOTYON Tororötïngwa, ata cho kimwochï Musa, mötworinto ECHOTYON chane, melö kilïm anta terchï.

2 PÖYTOGHÏ 21:15

Ompöwölo keghwanïn ngokï chane akwighanïn anarekan kïngata atanye kipkana papotïnekwa koro Misri nko nyete le ye.”

ISAYA 64:4

Möminye chi nyo le ompö akonga nyo kikïsïwa anta lïm Tororöt nyo kikongityot nko nyi, nyo ighchini tïkwïn cho pö töngönchin pich cho köninyi.

YEREMIA 14:20

Kikechamacha we ECHOTYON lö, kikeghacha ngokï. Löstoghwecha ngokicho nko ngoki papotïnecha, ompöwölo kikeghacha ngokï ompö tawungu.

YEREMIA 30:14

Kiwutyeghinyi chamanköku melö tökïyonginyi. Komunginyi le chi nyo mungöy punyontenyi. Komunginyi nyo puryö kisyonchin ompöwölo wow lelutyengu tya akïchang ngokiku nyoman.

ESEKEL 5:6

Wölo kipeny pipö Yerusalem kiyomisut kïtïl pipö punton akïpeny kiyomisutköchan kïtïl koros cho kiwit nyinte, otinö kitagh kirurutköchan akïtagh kïrip kiyomisutköchan.