DANIEL 9:4 - PIPÏLIA

⁴ Asaghan ECHOTYON Tororötïnyu akötoy ngokï, olan, “Ichinyi, we Echotyon Tororöt awes, aichï Tororöt nyo pö konyït, nyo ikonyïtöy muma,* aiporchini chomnyengu nyo melö wonyot pich cho chöminyi akïrïpöy kirurutköku.

DANIEL 9:4 Referans Kwoze

RUMI 8:28

Kinkïtöcha lö, ompö tïkwïn lapay ighöy Tororöt kïgh anka tïkwïl karamit ompö pich cho chömöy nyinte, pich cho kikur nyinte kïrïp kegh nko machatenyi.

WUWÖT 20:6

Wölo osyonchinan pich cho makïrar cho chömanïn, akïripöy kirurutköchan.

KINONO KIRURUT 5:10

Wölo osyonchinan pich cho makïrar cho chömanïn, akïripöy kirurutköchan.

2 OTÖPTINO OSIS 7:14

Ato rïng kegh piköchan cho kïkurtegho kaynenyan akïsagh akïyaranïn akïpïstö otöptinekwa cho ghach, olïman nyu ompö yïm alöstoghchan ngokikwa asopön korengwa.

NEEMIA 9:32

“Kïlenyona we Tororötïnyo nyo ichï wow, ichinyi awes, we Tororöt nyo kiwöghöy! Iripenyi mumengu nko chomnyengu nyo pö kokay. Melenchï kegh mïnkech kömpölelutchï kipkonchecha nko pöytoghicha nko kintöghoghicha nko tïsicha nko werkoyicha nko papotïnecha nko piköcha löwïr, kïngeta osiswo pöytoghi Asirya nko ye.

KINONO KIRURUT 7:9

Kïlenyona onkïtï lö, ECHOTYON Tororötïnkwa kï Tororöt nyo ghanate. Komönöy nyinte mumenyi nko chomnyenyi nyo melö wöghöko ompö pich cho chömöy nyinte akïrïpöy kirurutkachi, ntökwitïta pïnwöy cho makïrar.

1 PÖYTOGHÏ 8:23

akïsagh lö, “We ECHOTYON Tororöt pö Israel, melö mito tororöt anka nyo karkegh nko nyi ompö yïm parak anta ompö wöl ngwïnyi ngwïny! Iripenyi muma* nyo kyamanyi nko piköku aiporchï chane chomnyogh otini karïp chane kirurutköku ompö mïkulöwekwa kïmïkul.

TUMWÖY 32:5

Kyongongunyi ngokichan amelö kyawïngan ghöyityenyan. Kyasïwan lö, mïchini ongongunyi lelutköchan, ichamanyi löstoghwanïn ngokichan.

KINONO KIRURUT 7:21

Maway chane, ompöwölo mi ECHOTYON Tororötïnkwa nko akwa. Nyinte kï Tororöt nyo awes nyo pö otyogh.

YAKOPO 2:5

Atere ya, tupchenichu! Kimakïlnye so Tororöt mey ompö ngwïnyinï kïlïkwï sïkön ompö kighanat atökïmïl chane pöyunöt nyo kikuyomisï nyinte pich cho chömöy nyinte?

YAKOPO 1:12

Soyönote chi nyo kömöghöy työmut, ompöwölo otini kemuyta tyomutchoni, kïnyoru nyinte söpon nyo kiyomisyï Tororöt pich cho chömöy nyinte.

LUKA 1:72

atökupuntö kisyonötenyi nyo kiyomisï papotïnecha akunan mumenyi nyo tïlil.

YEREMIA 3:13

Wölo chamanyi lö kyalel, akipörchinyi patagh ECHOTYON Tororötïngu, aicham lö, ompö ket anka tïkwïl nyo nyörilöch sökö, kitötenyi kegh icham tororötin walaka, aicham tïkwïl lö kimeterwanïnyinye. Mwoghöy ECHOTYON.

NEEMIA 1:5

lö, “ECHOTYON Tororöt pö yïm, Tororöt nyo wow nyo wöghöy chi anka tïkwïl! Ikomönenyi mumengu, aitïng kisyonöt ompö chane cho chöminyi, airipöy kirurutköku.

ESRA 10:1

Otini kitö kïmi Esra kisoghöy akïriröy akïkïtïngöy ompö tawu Kö pö Tororöt,* kighömïtyï kegh wölo mi nyinte söpïch nyo wow nyo pö mïrön nko kor nko monïng cho pö pipö Israel cho kiriryot ompö ngwonïn.

DANIEL 6:10

Nyini kilïm Daniel lö kikekir ngalechoni, kïwö konyi nyo pö parak akïyat tïrisyen cho kipörtoy Yerusalem, kïkïtïng akïsoghsyö kïnyïl sömök ompö asis akonga akïmwoghöy sörö ompö Tororötïnyi le ato keghöy su.

DANIEL 9:3

Asaghan nyu Echotyon Tororöt, arirchini nyinte akïruröy, alakan sarankwachtin, atöpan aryon kuporï kötogh.

KINONO KIRURUT 7:12

“Ato alïmakwa kirurutchï arip nyoman, kïkomönöy nyu ECHOTYON Tororötïnkwa mumenyi nyo kyam nko akwa akuporwokwa chomnyenyi nyo möminye söröm le wölo kiyomisyï papotïnekwa.

YEREMIA 32:23

Kipka chane kïmang lenyoni akïcheng kïlïkwï nyingwa. Wölo nyu melö kiter ngaleku amelö kirïp kirurutköku. Melö ompö kigh lenyini kimwochinyi chane. Nka nyu nyoni kipïsinyi kïnyorï nyarïl nyo tenö nyï.