DANIEL 9:2 - PIPÏLIA

² Kyosomönön kitapun ompö könyi tagh nyo pö paytaghtanyi, kïpköchanïn ngala cho kimwochï Tororöt Yeremia lö, weröy könyiswö cho le 70 akïtö kï kïratyan Yerusalem.

DANIEL 9:2 Referans Kwoze

YEREMIA 29:10

“Lentöy ECHOTYON, opetekwa omöngöy koro Papilon könyis 70. Atomuchö, ongwïnchokwa atopuntö ayomis nyo kikyamwaghan lö ongwïnan oyokwokwa omïlisyeno korengwo nyete.

2 OTÖPTINO OSIS 36:21

Kïpïntö nyu ngölyonto ECHOTYON nyo kimwa kuwerï werkoyon Yeremia lö, kïpïstoy koronï kïtöpö möngorönye chi, akwosiswechoni löwïr töpo kumungöy, kïmi kupuntoy könyis 70.

NGONGUT 1:3

Soyönote chi nyo somönöy kitapunï akusoyönote pich cho lïmöy ngalechï pö werkoynön akïrïpöy lenyini kikikirchï orinyi, ompöwölo kikïlekïtit ato ighisyot ngalechï.

SAKARIA 7:5

“Lentöy ECHOTYON Kimuktoghin, mwochinö pich löwïr cho mi kor nko tïsï lö, ‘Kyosönönekwa, akïrur ompö arawa mut nko arawa mut nko odeny ompö könyiswechaye kewer le 70 wölo melö kyaghakwa lenyoni ompöwölo kyokonyïtanïkwa.

ESRA 1:1

Kipuntö ECHOTYON ngölyontenyi ompö könyi tagh nyo pö paytaghpa Sayras nyo pö Pasya ompö kuti Yeremia. Otini kigh pöytoghin kïmwatïta ngalechï kïghömï pöyunötenyi akukir lö,

MIKA 3:12

Kïlenyona kïngoröy Sayon le par akwompö akwa lïku Yerusalem kïratyan nyo kirul kutïkumö, akïpita wuw nyo wow Kö pö Tororöt.

YEREMIA 27:7

Pöghisyechini koroswö löwïr nyinte nko werunyi nko kukötanyi ntökïtenö ato rulöy paytaghtanyi. Atoni nyu ato ighöy pöytoghï nko koros cho echön, Papilon kïlïkwï sekeyontengwa.

YEREMIA 25:18

Cho pö tagh kïgha kï kanasyanta Yerusalem nko kanastina Yuda nko pöytoghikwa nko kintöghoghikwa. Lïku nyu koroschoni surkwen akï nyo atosïwa pich kwotyö. Kïpöghisyegho kaynengwa ompö chïpö nko nyete le ye.

YEREMIA 7:34

Owongan kililïyöto ngörekyö nko roröt ompö kanastina Yuda nko kanasyanta Yerusalem, amakelïmönye ngörekyo kensyö ompöwölo lïku koro surkwen.

ISAYA 64:10

Kalïkwï surkwen kanastineku cho tïlilöch, kalïkwï Sayon* surkwen kïlïkwï Yerusalem kïratyan.

1 TIMOTEO 4:13

Inoghyö nyoman isomönchï aiyomchï ainet pich Kikirut ntökïtenö atwan.

IGHISYEWUT 8:34

Kïtep chichay Pilipo lö, “Mwowante lö, ngo chichï ngölono werkoyontonï. Nyinte nya anta chitö anka?”

MARKO 13:14

“Ato asïwekwa kïgh nyo gha nyo kipolpolöy ketö wölo melö keroko kïmi, nya kïpköchï chi nyo somönöy ngalechï, akany kïryagh pich cho mi Yudea kïpus kutïngkot.

MATAYO 24:15

“Ato asïwekwa nyu ‘Ghöyïn pö otyogh pö Kinyarat,’ nyo kimwa werkoyon Daniel kughyongö ato tïlil. (Akanya kïpköchï chi nyo somönöy ngalechï!)

LOK 1:1

Wechï kalïkwï kïratyan kanasyanta Yerusalem nyo kimangate! Kikonyïtöy nyinte ngwïnya kïmïkul kanasyantanoni, wölo karkegh ye nyu nyinte nko korka nyo le mïsïk. Ki kanasyan Yerusalem nyo konyïtote ompö kanastin löwïr kalïkwï ye sekeyon!

YEREMIA 26:6

owetan onyoröy köyï pö saghat le wölo kyanyaran Syilo, aghan kanasyantanï kïlïkwï nyo chïptegho koroswö cho mi ngwïny kïmïkul.”

TUMWÖY 119:24

Konanïn kirwokutköku ngörekyö, kirurichan choni.

YEREMIA 26:18

“Kimwochï pipö Yuda löwïr Mika chi pö Moresyet ato ki pöytoghin Esekia nyo pö Yuda lö, ‘Lentöy ECHOTYON Kimuktoghin, kïngoröy Sayon* le par, lïku Yerusalem kïratyan nyo kirulyö korïn kutïkumö akïlïkwï wuw Kö pö Tororöt.’

YEREMIA 1:1

Achï ngal cho kipkonchanïn Yeremia, wero Ilkia ato kyochan tïsin ompö kanasyanta Anatot nyo mi koro Penchamen.

DANIEL 9:3

Asaghan nyu Echotyon Tororöt, arirchini nyinte akïruröy, alakan sarankwachtin, atöpan aryon kuporï kötogh.

SAKARIA 1:12

Kïlö malaykayan ECHOTYON, “We ECHOTYON Kimuktoghin, inörekyinenyi nko oyï pipö Yerusalem nko kanastina Yuda, chï kinörekyinyi könyis 70 amesyonchï?”

ESEKEL 29:11

Möminye kel pö chi anta kel pö tyony nyo weröy nyonikïny, tuwitu koronona könyis tömönut angwan.