DANIEL 8:13 - PIPÏLIA

¹³ Alïman malaykayan nyo kïtep anka lö, “Tösöy tagh tïkuchï mi sïwïyagh nko oyï? Ighöy chane ngokï nko oyï kötö pelöy amörostin? Kïtyökotyököy lïko yïm nko Kö pö Tororöt nko oyï?”

DANIEL 8:13 Referans Kwoze

NGONGUT 11:2

Wölo mepim kiroryenyi, ompöwölo kiketö wöloni pipö punton walaka kïtyakatyak Kanasyantanoni Tïlil aro cho le 42.

NGONGUT 6:10

Kuteghyö chane ompö kut nyo wow lö, “Echotyon Kimuktoghin nyo tïlil nyo pö man! Itöponenyi nko oyï irwokyinyi pipö ngwïny chï kaparecha?”

LUKA 21:24

Kïpöro walaka chok, kenam walaka kïlïkwï mampustin ompö koros löwïr. Pkonöy pipö punton kuwuröy Yerusalem ntökuwonyö osiswekwa cho kikïngor.

DANIEL 9:27

Omöy pöytoghintononi muma nko pich cho chang ompö könyis mut nko odeny, ompö kwenu könyiswechoni kïtagh amörostin nko ropöw, ketö körkeyïn nyo pö otyogh Kö pö Tororöt akïtöpö atoni ntökïtenö kïma nyinte nyo kitö atoni lenyini kimwa Tororöt.”

DANIEL 11:31

Sïmnyonöy pipö lïkenyi Kö pö Tororöt nko nïyetkö akïtagh amörostin cho kïpelöy kïnomnyö. Akutö körkeyïn nyo pö otyogh.

DANIEL 4:13

“Otini kitomitan ononchine sïwïyaghnoni, asïwan malaykayan nyo kingwïno yïm.

1 PETRO 1:12

Kiporchï Tororöt werkoy choni lö, ighisyö nyo kighöy chane kïmelö ompö kinyiwutyengwa kegh wölo ompö kinyiwutyenkwa, otini kingölono ngalechaye kyalïmekwa pïchanya kyomtotoy Lökoy cho Karamach ompö owesyo Mïkulögh nyo Tïlil nyo kikïyonunö yïm. Ngal chete cho möro kong chini le ompö malayken kunkïtu.

EPRANIA 10:29

Anane nyu lasiny lö nyarïl nyo ngwan kïtya nyo sïköy pich cho sösöy Wero Tororöt akïsas kisön pö muma Tororöt cho mwöto pich ngokï akuswom Mïkulöwu Tororöt nyo ipu pöropchö.

1 TESALONIKE 3:13

atökwigh mïkuliskökwa kïchïchïm, atalïkuna pich cho motïngcha lelut, atotïlilitunö ompö tawu Tororötïnyo akï Paponyo, otini ketï Echotyontenyo Yeso nko pikachi löwïr cho tïlilöch.

LUKA 21:20

“Ato asïwekwa kuwitwit lïkoswö cho reyö kegh Yerusalem, onkïtï lö, kirich kiwuratenyi.

MARKO 13:14

“Ato asïwekwa kïgh nyo gha nyo kipolpolöy ketö wölo melö keroko kïmi, nya kïpköchï chi nyo somönöy ngalechï, akany kïryagh pich cho mi Yudea kïpus kutïngkot.

MATAYO 24:15

“Ato asïwekwa nyu ‘Ghöyïn pö otyogh pö Kinyarat,’ nyo kimwa werkoyon Daniel kughyongö ato tïlil. (Akanya kïpköchï chi nyo somönöy ngalechï!)

ISAYA 63:18

Kitukecha piköku cho tïlilöch, pungköcho ompö osis cho ngörï. Kitïkatïk chane kongu nyo tïlil.

ISAYA 6:11

Atepan lö, “Akïlïku nyoni nko oyï nya Echotyon?” Kuyokï lö, “Ntökïtenö kepar kanastin lömïs, ntökïtenö kepïstö korïn kïtïryolöchitu, ntökïtenö kïlïkwï kore nyinte kïmïkul surkwen.

TUMWÖY 79:5

We ECHOTYON, tenörekenyi so kokay? Ngwonitu köromnyengu nyo pö sastagh le ma kokayï?

YUDA 1:14

Kingor werkoynön Enok, nyo kile kuköto mut nko odeny kïngetunö Adam paraku pïchete lö, “Ngwïnöy Echotyon nko malaykenichi cho tïlilöch cho le elpun cho chang.

MATAYO 11:27

“Kikïkonanïn Paponyu tïkwïn löwïr. Möminye chi nyo nkït Weri kïpoto Kwanta akï möminye chi nyo nkït Paponyan kïpoto Weri nko anka tïkwïl nyo mököy Weri kïngonchini nyinte.

SAKARIA 14:5

Oryöghekwa oweröy mpöghoghyonï köreröy kutïng pö ECHOTYON. Oryöghekwa le papotïnekwa ato kichïwïtyeghö korïngring osiswo pöytoghin Usia nyo pö Yuda. Atolapay kuchumï ECHOTYON, Tororötïnyan nko pich löwïr cho tïlilöch.

SAKARIA 1:19

Olenchan malaykayan nyo kingölonöy nko ani, “Pö ne kuyechï?” Kïlenchanïn, “Kuyechï kï koros pö ngwïny cho kipka kutoyö pipö Yuda nko Israel nko Yerusalem ompö korengwa.”

DANIEL 12:11

“Weröy osiswö cho le 1,290 kïngata otini kakïtagh ketötö amörostin cho kïpelöy kïnomnyö aketö körkeyïn nyo pö otyogh ntökwit asispa nyarïl nyo wow.

DANIEL 7:23

“Kïlenchanïn chichay, ‘Tyontö nyo pö angwan kï pöyunöt nyo pö angwan ompö ngwïny, sisitu nyoni ompö pöyunötin löwïr. Ryöpöy ngwïny kïmïkul, akïtyakatyak akïrïngarïng kïlïkwï mïnchïran.

DANIEL 7:16

Owan wölo mi akong ompö malayken cho kighyongo atoni, atolapay atepan nyinte kïngongwanïn kiporunöto ngalechoni löwïr. Kïlenyona, kïngongwanïn lö,

DANIEL 4:23

Otini kiterosenyi, isïwenyi malaykayan nyo kingwïno yïm akïlö, ‘Törö ketï kïrul ainyar, wölo ipïsyï mïsïkye nko ighinkö ngwïny atolapay irata sïrïmnyon nyo kikigha karïn nko tay kuwit ompö wölo mi suswö cho ngörngöre aipïstö kïnam nyinte royönto yïm aikany kïtöpö wuw nko tyonkïn könyis mut nko odeny.’

ISAYA 9:6

Kakïyiywecha monïng! Kakïkonecha worö! Akïlïku nyinte pöytoghintencha. Kïkuro kaynatenyi, “Kirurin nyo pö Töngönchin,” “Tororöt nyo Awes,” “Papo nyo pö Kokay,” “Pöytoghinto Kalya.”

TUMWÖY 74:9

Melö tökïmi töngönchintinö ngat, amelö töketïngetenöcha werkoy. Amökinkïtöchanye lö lïku nyete nko oyï!

KIRWOKÏ 13:18

Kuyokyï lö, “Ompö ne temökenyi nkïtune kaynenyan? Möpköchininye chi kaynatenyan.”

KINONO KIRURUT 33:2

Kingwïna ECHOTYON kutïng pö Sinay, kipusuna Edom le asis akulïwchï pikachi kïngetunö kutïng pö Paran. Kimi nyinte nko malayken cho makïrar akimi ewunyi nyo pö tagh lyopötö.

YOANA 1:18

Möminye chi nyo kikïsïwa Tororöt kokay. Wölo kikuporwecha nyinte Werïnyi nyo le akonga nyo ghömote nko Kwanta.

LUKA 10:22

Atolapay kïlenchï pïchay, “Kökonanïn Paponyan tïkwïn löwïr apayta. Möminye chi nyo nkït lö, ngo Weri kïpoto Papo, akï möminye chi nyo nkït lö, ngo Papo, kïpoto Weri nko pich cho kacham nyinte kïngongchï.”

TUMWÖY 74:10

Ayo we Tororöt, roröchininyi pungköcha nko oyï? Nyerinyi so chane kokay?

ISAYA 28:18

Kïwöghököy mis nyo kyamakwa nko meghat kïlïkwï kwïle, akewirta kiyomisötenkwa nyo kyoyomisökwa kegh nko ngwen. Kïrïntonokwa otini ketï mungötö nyo ngwïnöy ngwïny.

YEREMIA 12:10

Kewur pöytoghi punton cho chang parenyan nyo pö sapipun katyakatyak kunyar parenyan nyo pïchigh, ntökwanyï ye kalïkwï surkwen.

DANIEL 12:8

Kyalïman wölo möpköchanïnye. Olenchan nyinte, “Echotyontenyu, lïku ne sörömu ngalechï?”

DANIEL 4:10

“Otini kyorïwan poröy asïwan ompö sïwïyagh ket nyo wow ompö ngwïny, nyo kogh nyoman.