DANIEL 7:7 - PIPÏLIA

⁷ “Otini kitö orosan kuchumï tyontö anka nyo pö angwan nyo awes tya, aki gha nyo kyotyegho nyoman. Kitïng kela karïn cho echön. Kïryöp tyonkïn walaka akïtyakatyak. Kisis nyï pö angwan ompö chay le sömök ompöwölo kitïng kuy taman.

DANIEL 7:7 Referans Kwoze

NGONGUT 13:1

Atolapay asïwan tyony nyo kipusuna nanam nyo kitïng kuy taman nko mötöw mut nko odeny, akitïng kuyöghö anka tïkwïl tentenyi. Kikirchï kaynata kimwoghsyö mötöwechoni.

NGONGUT 12:3

Atolapay kïrumunö töngönchintö anka yïm: ntara wow akï pïrir nyo kitïng mötöw mut nko odeny nko kuy taman akimi tenta mötöwichoni löwïr.

NGONGUT 17:12

“Kuyechay le taman kesïwenyi, kï pöytoghï taman cho tomöcha kutor kïpayta, wölo kitöni chane owesyö nyo pöytoy nko tyonyoni ompö sa akonga.

NGONGUT 17:7

Kïtepanïn malaykayantanay lö, “Ompö ne tetöngönyenyi? Omwowunyi kïgh nyo wïnyate ompö kokononi nko tyonyoni tïng mötöw mut nko odeny nko kuy taman kösönöy nyinte.

DANIEL 8:10

Kwawesit nyoman ntökïporyeghö lïko yïm nko kokel. Kutyorï walaka kïpka ngwïny, akïtyakatyak.

DANIEL 7:13

“Asïwan ompö sïwïyaghpa oghö, kungwïn ompö polta akong nyo lata ptangengmöt akïwö wölo mi nyinte nyo kisöpöy kïngata könyisyok kïtöpö tawunyi.

DANIEL 7:2

Atolapay kukir ngala kirwotïtoghoni akïmwowï lö, “Kasïwan ompö sïwïyaghtanyan yomat kïkutöy nanam nyo wow ompö woptin löwïr.

2 SAMWEL 22:43

Kyangaghan chane le pïsya, kyatïkan chane le nyïngwïny cho mi or.

NGONGUT 17:8

Ki söpote osiswe walaka tyonyoni kesïwenyi, wölo melö tökïsöpote ye. Karich ye kïngetunö nyinte ngwen atökenyar. Töngönyöy pich cho möngöy ngwïny cho tomöcha kekirchï kaynötutkökwa kitapu söpon kïngeta otini le towunöto ngwïny töngönyöy chane ato sïwa tyonyoni ki söpöy osiswe walaka akïma, akwanyï ye söpöy ngat!

ESEKEL 40:2

nko koro Israel ompö sïwïyaghtina Tororöt, akutönanïn ngwïny kutïng parak nyo kogh nyoman. Kimi kïgh nyo kilata kanasyan kipoyeghenanïn.

DANIEL 2:19

Kïlenyona keporchï Daniel wïngatanay ompö sïwïyagh oghö. Kïsal Daniel Tororöt pö yïm nyoman.

AYUPU 41:14

Ngo nyo muköy kïngösyömöy kutinyi, nyo kinyïghï kelat kuwit cho otyegho pich?

DANIEL 8:22

Ato kuyechay le angwan kipituna atay kimïreghö kuyöghö kï pöytoghï angwan cho pkono korenyi, wölo melö tïng owesyö nyo lata nyenyi.

SAKARIA 2:1

Osyolön konyïn asïwan chi nyo nömöy pörköyö nyo kipimtoy.