DANIEL 7:27 - PIPÏLIA

²⁷ Ketö pipö Tororöt nyo Töror Tya pöyunöt nko ororyö nko owesyö nyo pö pöyunötin löwïr cho mi ngwïny. Pöyitu pöyunötengwa kokay akïkonyïtöy paytagh löwïr chane akïpöghisyechï.’

DANIEL 7:27 Referans Kwoze

TUMWÖY 72:11

Nya kïkonyït pöytoghï löwïr nyinte akïpöghisyechï puntonï löwïr nyinte.

NGONGUT 11:15

Atolapay kïkut malaykayanteto mut nko odeny kontinyi, kuteghyeghö kutïwa yïm cho kilentöy, “Mi ye nyu paytaghpa ngwïny mori Echotyontencha nko Masiyenyi, akïpöytoy kokay nko kokay!”

LUKA 1:33

akïlïkwï nyinte pöytoghinto pipö ara Yakopo kokay akïmewonyotnye paytaghtanyi.”

DANIEL 7:14

“Ketö nyinte paytagh nko ororyo nko pöyunöt, atökïpöghisyechï pich nko punton nko kutïw löwïr nyinte. Melö weröy paytaghtanyi nyonikïny, amelö wonyot pöyunötenyi.

TUMWÖY 22:27

Nonöy puntonï löwïr ECHOTYON akïparta wölo mi nyinte, soghöy nyinte pipö ngwïny löwïr.

DANIEL 7:18

wölo nyoru pipö Tororöt nyo Töror Tya pöyunöte kïlïkwï nyingwa kokay nko kokay.’

DANIEL 2:44

Ngetu nyu Tororöt nyo mi yïm pöyunöt anka ompö osiswo pöytoghichoni nyo memukönye chi ntökïpar amöminye paytagh nyo rïntoy, wölo pöröy pöyunötin löwïr kuwonyö akïtöpö kokay.

ISAYA 9:7

Letöy tagh kïghetu owesyo paytaghtanyi, mi kalya paytaghtanyi osis löwïr. Pöytoy nyinte kïtöpö otini kimi Daudi, chïchïmo owesyenyi kitenat nko man, kïngeta nyete le ye nko kokay. Ighöy nyakanata ECHOTYON Kimuktoghin choni lapay.

TUMWÖY 145:13

Pö kokay paytaghtangu aipöytonyi ompö pïnwöy löwïr. Kitwoytoy kegh ECHOTYON ompö ngalechi akï tïng pöropchö ompö ighisyewutkachi.

TUMWÖY 86:9

Pkonöy pipö punton löwïr cho kighanyi akïsaghinyi, we Echotyon, töroröy chane kaynatengu.

NGONGUT 19:16

Kikikir sïrenyi nko kelytanyi kaynanï, “Pöytoghinto pöytoghï akï Echotyonto echot.”

DANIEL 7:22

Kungwïn nyinte nyo kisöpöy kïngata könyisyok kurwokyï pipö Tororöt nyo Töror Tya. Kwitïta asis ato kinyoru pipö Tororöt pöyunöt.

NGONGUT 17:14

Poryegho pöytoghichay nko tyonyay Wawa Kech, wölo rïntoy Wawa Kech nko kïlankachi cho kikur akughönote, ompöwölo Echotyonto echot nyinte, akï pöytoghinto pöytoghï.”

SAKARIA 14:9

Lïku nyu ECHOTYON, pöytoghinto ngwïny kïmïkul akïlïku nyinte Tororöt onkït akesoghöy nyinte onkït.

ISAYA 54:3

Inoteghonyi söremwoktineko korengu ompö woptine löwïr. Kiyokyini piköku koroswekwa löwïr cho möngöy puntonï walaka. Kinyïghitöy pich kanastin cho tïryolöch otï le ye.

NGONGUT 22:5

Mökïminye ato le oghö ngat amelö tökïmököy pich tatïn anta löpoyïn pö asis, ompöwölo Echotyon Tororöt nyo lïku löpoyïntöngwa akï pöytoy chane kokay nko kokay.

YOANA 12:34

Kuyokyï tuyonay lö, “Mwowecha kirurut lö söpöy Kristo* kokay. Kwompö ne nyu telentenyi mïchini kesyol Wero Chi parak? Ngo nyu nyo le Wero Chi nya?”

OPADIA 1:21

Longöy kutïng pö Sayon* nyökon cho kisörï Yerusalem atökïpayta kutïng pö Esau. Pöyitu nyu paytagh ECHOTYON.”

DANIEL 4:34

“Nyini kiwonyö könyiswechay le mut nko odeny arosan yïm, kuyokwï kegh kinonutköchan. Asalan nyu Tororöt nyo Töror Tya, akonyït nyinte nyo söpöy kokay. Ompöwölo pö pöyunötenyi kokay nko kokay akïtöpo pöyunötenyi ompö pïnwöy löwïr.

NGONGUT 20:4

Atolapay asïwan ngöcherwo paytagh nko pich cho kitïpisot ngöcherwechoni. Ketö pïchoni owesyö nyo rwokyini pich. Asïwan ngat mïkulis pö pich cho kikïsil kotwon ompöwölo kisöwintönchï chane man nyo kingongwï Yeso akwamta ngölyonto Tororöt. Kikïsil kotwon lenyoni tïkwïl ompöwölo melö kisagh chane tyonyay anta körkeyïntanyi amelö kicham ketö mötöwekwa anta morikwa macheyu tyonyoni. Kututï Tororöt chane akutö kïpayta nko Kristo* könyis elpu akonga.

1 KORINTO 15:24

Ato wanta kegh, kwitï nyu söröm ato töni Kristo Tororöt Paponyi Pöyunöte, otini kewany Kristo kunategha paytagh anka tïkwïl nko wowïn nko owesyö.

NGONGUT 11:1

Atolapay kekonanïn techan nyo kilata lïkïp nyo kipimtoy akelenchanïn, “Ngeta aipim Kö pö Tororöt* nko ato kïpelo amöros, aiyit pich cho sogho Kö pö Tororöt.

ISAYA 14:2

Ngöroköy puntonï pipö Israel kïmïlisyö korengwa nyo kitö ECHOTYON. Pöghisyechini nyu puntonï Israel le sekeyikwa. Nömöy Israel pich cho kinam chane ato le tagh, akïpayta pich cho kichopöy kong chane atö kile tagh.

DANIEL 6:26

Kamwaghan ompö pöyunötenyan kïmïkul lö mïchini kuwagh akïkonyït chi anka tïkwïl Tororöt pö Daniel. Ompöwölo Tororöt nyinte nyo satat akïtöpo nyinte kokay. Melö kinyoröy pöyunötenyi nyonikïny amelö wonyot owesyenyi kokay.