DANIEL 7:21 - PIPÏLIA

²¹ “Otini kitorosan, kïporyeghö kuyöghonay pipö Tororöt akïrïnta.

DANIEL 7:21 Referans Kwoze

DANIEL 12:7

Kïsyol chichay morichi kutang yïm akuwalwal kegh ompö kaynata ECHOTYON nyo söpöy kokay akïlö, “Lïku könyis sömök nko aro mut nko akonga. Ighisyot tïkuchï löwïr ato wonyö kichopata kong nyo pö pipö Tororöt.”

NGONGUT 17:14

Poryegho pöytoghichay nko tyonyay Wawa Kech, wölo rïntoy Wawa Kech nko kïlankachi cho kikur akughönote, ompöwölo Echotyonto echot nyinte, akï pöytoghinto pöytoghï.”

DANIEL 8:24

Owesitu wölo melö nyenyi owesye. Ighöy kinyarat nyo gha nyoman akwighisyot tïkuchi löwïr le wölo kömöktoy. Nyoröy pich cho owesöch nko pipö Tororöt tïkwïl.

NGONGUT 17:6

Atolapay asïwan lö kitamasa kokononi kisön pö pipö Tororöt nko kisön pö pich cho kikïpar ompöwölo kimöpïstönye kïrïp Yeso. Otini kyasïwan kokononi, atanganyan nyoman.

NGONGUT 19:19

Atolapay asïwan tyonyay nko pöytoghi ngwïny kïpka nko lïkenikwa akuryam atökïporyeghö nyinte nyoni kiwegho angole nko lïkenyi.

DANIEL 8:12

Kikitö nyinte lïke nko amörostine cho kïpelöy kïnomnyö kupot man, akwigh kuyöghonay le wölo kömöktoy akïsïkönon.

DANIEL 11:31

Sïmnyonöy pipö lïkenyi Kö pö Tororöt nko nïyetkö akïtagh amörostin cho kïpelöy kïnomnyö. Akutö körkeyïn nyo pö otyogh.

DANIEL 7:20

Akyamachan onkïtï tïkwïl kuyechay le taman kimi mötïnyi nko kuyöghonay kichumï akwigh chay le sömök kïchïntoy. Kitïng konyïn nko kut nyo kingölonöy ngala menotön, ki wow nyoni kïtïl chay walaka löwïr.

DANIEL 8:9

Kipituna kuyöghö nyo mïnïng akonga ompö kuyechay. Kwawesit nyinte nyoman kutang okumpö löt nko kongasis akutang Koro Ayomis.