DANIEL 6:26 - PIPÏLIA

²⁶ Kamwaghan ompö pöyunötenyan kïmïkul lö mïchini kuwagh akïkonyït chi anka tïkwïl Tororöt pö Daniel. Ompöwölo Tororöt nyinte nyo satat akïtöpo nyinte kokay. Melö kinyoröy pöyunötenyi nyonikïny amelö wonyot owesyenyi kokay.

DANIEL 6:26 Referans Kwoze

DANIEL 4:34

“Nyini kiwonyö könyiswechay le mut nko odeny arosan yïm, kuyokwï kegh kinonutköchan. Asalan nyu Tororöt nyo Töror Tya, akonyït nyinte nyo söpöy kokay. Ompöwölo pö pöyunötenyi kokay nko kokay akïtöpo pöyunötenyi ompö pïnwöy löwïr.

LUKA 1:33

akïlïkwï nyinte pöytoghinto pipö ara Yakopo kokay akïmewonyotnye paytaghtanyi.”

DANIEL 7:14

“Ketö nyinte paytagh nko ororyo nko pöyunöt, atökïpöghisyechï pich nko punton nko kutïw löwïr nyinte. Melö weröy paytaghtanyi nyonikïny, amelö wonyot pöyunötenyi.

DANIEL 4:3

Echön kïtya kiporutkachi! Owesöch kitya töngönchintinechi. Pöyunötenyi kï pö kokay nko kokay. Akïpöytoy nyinte kïngata pïnwöy nko pïnwöy.

DANIEL 3:29

“Kïlenyona kamwaghan ye nyu lö, ‘Pipö punton nko pich walaka cho pö kutïw cho sis cho mwoghöy Tororöt pö Syadrak nko Mesyak nko Apedneko ketörotöröy akepar korikwa kïlïkwï kïratis. Ompöwölo möminye tororöt anka nyo muköy kïsoru pich le nyï?’ ”

DANIEL 2:44

Ngetu nyu Tororöt nyo mi yïm pöyunöt anka ompö osiswo pöytoghichoni nyo memukönye chi ntökïpar amöminye paytagh nyo rïntoy, wölo pöröy pöyunötin löwïr kuwonyö akïtöpö kokay.

TUMWÖY 29:10

Pöytoy ECHOTYON nanam kïmïkul, pöytoy nyinte kokay.

TUMWÖY 2:11

Opöghisyechinö ECHOTYON ompö konyït,

NGONGUT 11:15

Atolapay kïkut malaykayanteto mut nko odeny kontinyi, kuteghyeghö kutïwa yïm cho kilentöy, “Mi ye nyu paytaghpa ngwïny mori Echotyontencha nko Masiyenyi, akïpöytoy kokay nko kokay!”

RUMI 9:26

Akwompö atoni kikïmwochinegho chane lö, ‘Mochikwanye piköchan,’ kikuröy chane ompö atoni lö monïngo Tororöt nyo söpöy.”

MALAKI 3:6

“Ochan ECHOTYON amelö owöghökonan. Nka nyoni nyu, we akwa pipö ara Yakopo, tomönye owonyenökwa lömïs.

OSEA 1:10

Wölo chongitu nyu pipö Israel le ngayam ompö sörömu nanam, cho mökimukönye kepim anta kiyit. Wölay kilenchï Tororöt chane, “Mochikwanye piköchan,” wölo itïtoy ato lenchini, “Ochikwa monïngo Tororöt nyo satate!”

DANIEL 7:27

Ketö pipö Tororöt nyo Töror Tya pöyunöt nko ororyö nko owesyö nyo pö pöyunötin löwïr cho mi ngwïny. Pöyitu pöyunötengwa kokay akïkonyïtöy paytagh löwïr chane akïpöghisyechï.’

YEREMIA 10:10

Wölo ECHOTYON kï Tororöt pö man. Tororöt nyinte nyo söpöy, Pöytoghin nyo pö kokay. Otini kanarek kurïngring ngwïnya. Kor ne nyo köngöy nörkyengu nya?

NGONGUT 5:14

Kuyokyï tyonchoni le angwan sötote lö, “Amen!” Kupïtyï ngwïny poyichay akïsagh.

NGONGUT 4:10

kupïtyï poyichay le 24 tawu nyinte nyini töpo ngacharu paytagh akïkïtïngchï nyinte nyini satate kokay nko kokay akïngwïsyï tentenikwa ngwïny tawu ngacharu paytagh akïlö:

YAKOPO 1:17

Ngwïno yïm ropöwonta anka tïkwïl nyo karam nko konunöt anka tïkwïl nyo kïltït. Rökuno wölo mi Paponyo le ighinto löpoyïntin cho mi yïmwöy akï nyo möwöghökönye anta ipï rurwö ompö waghakatenyi.

EPRANIA 12:29

ompöwölo ma Tororötïncha nyo pelöy lömïs.

MATAYO 6:13

Amemïtyecha wölo mi tyamata, wölo isörunenech Onyöt.’

DANIEL 6:20

Nyini kirich köpönonay mi Daniel, kïkursyö ompö ngwonïn lö, “Daniel, mötworinto Tororöt nyo satate, kemï Tororötïngu nyo ipöghisyeghchinenyi ntökïsörunyi ompö ngötuny nya?”

ISAYA 9:7

Letöy tagh kïghetu owesyo paytaghtanyi, mi kalya paytaghtanyi osis löwïr. Pöytoy nyinte kïtöpö otini kimi Daudi, chïchïmo owesyenyi kitenat nko man, kïngeta nyete le ye nko kokay. Ighöy nyakanata ECHOTYON Kimuktoghin choni lapay.

TUMWÖY 146:10

Pöytoy ECHOTYON kokay, pöytoy Tororötïngu kokay, we Sayon.* Asala ECHOTYON!

TUMWÖY 119:120

Opotönan ompöwölo owöghinyi, awöghan kirurutköku.

1 SAMWEL 17:36

Kyaparan ngötuny nko chepökerin, oghchinan lenyoni somchontonï pö Pilisti kasas lïko Tororöt nyo söpöy.”

1 SAMWEL 17:26

Kïtep Daudi pich cho kighyongo kamasunyi lö, “Kitöni ne chi nyo pöröy chichï pö Pilisti, akunategha arasinï mi Israel? Akï ngo somchonte nyï sösöy lïko Tororöt nyo söpöy?”

KINONO KIRURUT 5:26

Möminye ptangengmöt nyini kïny nyo kimï kïlïm kuti Tororöt nyo satate kïngölonuno ma akïngötï lenyini kakïlïmacha.

1 TESALONIKE 1:9

Ngölono pich tïkwïl wölo kyataktekwa acha, atanya kikïrutowucha nko wölo kyataghtekwa saghata körkeyïntin, apöghisyechï Tororöt pö man nyo söpöy,

IGHISYEWUT 17:25

Amötighonye kegh kïgh anka tïkwïl nyo ighöy pich atökutö nyinte, ompöwölo nyinte nyini töni pich söpon nko kimïny nko kïgh anka tïkwïl nyo mököy pich.

LUKA 12:5

Oporwokwa nyo mïchini awaghakwa. Awagha Tororöt nyo tïng owesyö kïpar chi akïtïng owesyö nyo wirchini nyinte mapa kokay. Nyoman, awagha nyinte.

ISAYA 66:2

Ani kegh nyo kyagh wölnö le mïröt kïmïkul! Ochan ngarakate ompö pich cho ipöy kegh ngwïny akïkötoy lelutkökwa akuwöghanïn akïterwanïn ngalechu.

ESRA 1:3

Omïlisyenö Yerusalem nyo mi koro Yuda akwa löwïr cho ochï pikachi atek ngat Kö pö ECHOTYON Tororöt pö Israel, nya kungarakakwa Tororöt nyo mi Yerusalem.

ESRA 7:21

“Komwochan ante Artakerkes pöytoghintö rori kaplawachtin löwïr ompö lalwa Yuparet okumpö ta lö, kïgh anka tïkwïl nyo tepokwa Esra tïsin akï kikirin nyo somönot kirurut pö Tororöt pö yïm,

TUMWÖY 42:2

Omchinanïn maral Tororöt, maral nyo pö Tororöt nyo satate. Owetan oyï atotuyö nko nyinte?