DANIEL 5:16 - PIPÏLIA

¹⁶ Wölo kyalïman lö imukenyi porune waghakata tïkwïn, aiwongöy kömpölelut, kïlenyona ato imukenyi somöne kikirutchï, aimwowanïn waghakate, kelokunyi sïra nyo lata akwa lamay nko sïrïmnyonto koltin ompö katïngu. Atolapay ilïkunyi rïpöwon nyo pö sömök ompö pöyunöt.”

DANIEL 5:16 Referans Kwoze

DANIEL 5:7

Kuta pöytoghintö lö amïtuna chesoköytin nko ponï nko pipö Papilonia cho ngöghomöch ompö ngala kokel. Nyini kitï kïlenchï pïchay, “Ato chi nyo somönöy kikirutchï akuporwanïn waghakatenyi kelokyini nyinte sïra nyo lata akwa lamay nko sïrïmnyonto koltin ompö katïnyi akïlïku rïpöwon nyo pö sömök ompö pöyunöt.”

DANIEL 5:29

Kimwatïta Pelsyasar kelokyï Daniel sïranay lata akwa lamay orus nko sïrïmnyonto koltin ompö katïnyi, kegh Daniel kïlïkwï rïpöwon nyo pö sömök ompö pöyunöt.

TOWUNÖT 40:8

Kuyokyï lö, “Ompöwölo kakirwotïtecha amelö mito chi nyo muköy kuporu waghakatenyi.” Kïlenchï Yosep, “Melö Tororöt so nyo wöghöku kirwotïtogh? Omwowune köny ngalechoni korwotïtekwa.”

IGHISYEWUT 8:18

Nyini kïsïwa Simon lö, katak kighönichay Mïkulögh nyo Tïlil otini kikana kiyoktoghï ewunekwa parakungwa. Kïlenyona, kwonkoghchï chane ropïyen,

TOWUNÖT 41:15

Kïlenchï Parao Yosep, “Kyorwotïtan, wölo kipuryö chi nyo kimuk kïwöghökï. Wölo kalïman kemwoghöy lö ato kïmwowunyi kirwotïtogh imukenyi wöghöke.”

TOWUNÖT 41:42

Atolapay kïchengunö Parao ewunyi kaymorïs nyo pö machey akutö ewu Yosep akulokyï sïro cho karamach cho pö katani akulokyï katïnyi sïrïmtin cho pö koltin,

DANIEL 2:6

Wölo ato omwowanïkwa kirwotïtoghtö nko waghakatenyi okonokwa ropöw nko konyït nyo mamïnïngnye. Kïlenyona omwowanïn kirwotïtoghtö nko waghakatenyi.”

DANIEL 2:48

Kutö nyu pöytoghintö Daniel konyït nyo wow nko ropöw cho chang echön. Atolapay kwigh nyinte kïpayta koro Papilon kïmïkul akïlïkwï yetïn pö pipö Papilon löwïr cho ngöghomöch.

DANIEL 6:2

Atolapay kïkïl pich walaka sömök kïmi nko Daniel cho kighyongchini chane atömenyorisyö ngala pöytoghin.