DANIEL 3:29 - PIPÏLIA

²⁹ “Kïlenyona kamwaghan ye nyu lö, ‘Pipö punton nko pich walaka cho pö kutïw cho sis cho mwoghöy Tororöt pö Syadrak nko Mesyak nko Apedneko ketörotöröy akepar korikwa kïlïkwï kïratis. Ompöwölo möminye tororöt anka nyo muköy kïsoru pich le nyï?’ ”

DANIEL 3:29 Referans Kwoze

DANIEL 2:5

Kuyokyï pöytoghintö pïchay lö, “Kamutan akonga lö, ato momwowanïkwanye kirwotïtoghtö nko waghakatenyi, ketörotörokwa akengany korikwa kïlïk kïratis.

TUMWÖY 76:10

Wöghöko nyo mötïny nyölotyo pich kïsölinyi, otini kerötyinyi mu nyölotyengu nyo pö söröm.

KINONO KIRURUT 32:31

Nkït pungkökwa lö, melö tïng tororötinekwa owesyö, amelö karkegh nko Tororöt pö Israel.

DANIEL 3:28

Kïlö Nepukadnesa, “Nya kïsala Tororöt pö Syadrak nko Mesyak nko Apedneko nyo kiyokwï malaykayantenyi kungwïn kïsörï mötworichi cho kighönöy nyinte. Kitagh ngalechan akusalta kegh, kïtïl kïpöghisyechï akïsagh tororötin walaka kïpoto Tororötïngwa.

DANIEL 3:17

Ato lïkwï nyoni kumuköy Tororötïncha nyo kïpöghisyechinecha kïsörwecha ompö mayoni ngwan lakat akïsörunenecha moriku, we pöytoghin.

DANIEL 3:15

Ato omitekwa kïpsach ye nyu, otini kalïmakwa chöghöto kontin nko pkurerun nko tokigh nko pïkantis cho sisinchö nko kari tumwöy walaka okïtïng asagh körkeyïnay kyaghan, ato aghakwa lenyoni kïkaram tya. Wölo ato masaghkwanye kewirchinokwa lawel ma nyo ngwan lakat. Olentekwa mi tororöt nyoman nyo muköy kïsörwokwa?”

TUMWÖY 3:8

Pö ECHOTYON sörunötö. Nya kïtöpö kisoyönötengu nko piköku. Ompö kintöghoghinto tumï kïpöghisyeghö pïkan. Tum pö Daudi.

ESRA 6:11

Omwoghan ye nyu lö chi anka tïkwïl nyo wöghököy ngölyontonï, kengongöy ket pö konyi akepara nyinte kurel akenyar kot.

2 PÖYTOGHÏ 10:27

Kïlenyona kunyar köyay kïsogho Paal akwigh kïlïkwï kö pö samï nko nyete le ye.

DANIEL 1:7

Kïmïnchï nyu Aspenas nyo kiwowö ompö yetïntin chane kaynötutchï: Kikurö Daniel Peltesyasar, kïkurö Anania Syadrak, kïkurö Misyael Mesyak, kïkuro Asaria Apedneko.

DANIEL 1:19

Kïngölonchï pöytoghintö chane löwïr, wölo kimöminye ompö akong nyo lata Daniel nko Anania nko Misyael nko Asaria, kïlenyona kumpur nyu kö pö kirwoko pöytoghin kïpöghisyö.

DANIEL 2:17

Atolapay kïwö konyi akimwochï ngalechini kongotichi Anania nko Misyael nko Asaria.

DANIEL 2:47

Kïlenchï pöytoghintö Daniel, “Tororötïngu kï Tororöt pö tororötin akï Echotyonto pöytoghï akï ngonginto wïngut nyoman, ompöwölo kemukanyi ntengongwï wïngutyonï.”

DANIEL 2:49

Atolapay kïsom Daniel pöytoghin kwigh Syadrak nko Mesyak nko Apedneko kuntöghoghchï ngala koro Papilon. Wölo kudong nyinte kö pö kirwoko pöytoghin.

DANIEL 3:12

Mi nyu pïchay pö Yaudi walaka le ompö Syadrak, Mesyak nko Apedneko chay kighanyi kuntöghoghchï ngala koro Papilon. Melö terunyi chane we pöytoghin amelö pöghisyechini tororötineku anta sagh körkeyïnay pö koltin kighanyi.”

DANIEL 6:28

Kïsïkönon nyu Daniel ompö paytaghpa Daryas nko Sayras nyo pö Pasya.