DANIEL 2:44 - PIPÏLIA

⁴⁴ Ngetu nyu Tororöt nyo mi yïm pöyunöt anka ompö osiswo pöytoghichoni nyo memukönye chi ntökïpar amöminye paytagh nyo rïntoy, wölo pöröy pöyunötin löwïr kuwonyö akïtöpö kokay.

DANIEL 2:44 Referans Kwoze

MATAYO 28:18

Kïrich Yeso chane akïlenchï, “Kakekonanïn paytagh kïmïkul ompö yïm nko ngwïny.

TUMWÖY 145:13

Pö kokay paytaghtangu aipöytonyi ompö pïnwöy löwïr. Kitwoytoy kegh ECHOTYON ompö ngalechi akï tïng pöropchö ompö ighisyewutkachi.

DANIEL 6:26

Kamwaghan ompö pöyunötenyan kïmïkul lö mïchini kuwagh akïkonyït chi anka tïkwïl Tororöt pö Daniel. Ompöwölo Tororöt nyinte nyo satat akïtöpo nyinte kokay. Melö kinyoröy pöyunötenyi nyonikïny amelö wonyot owesyenyi kokay.

MIKA 4:7

Oghan chona ngwolsot kïpöyit man aghan cho kikïrang kïlowöchitu kïlïkwï pich cho owesöch kïpayta ECHOTYON chane ompö kutïng pö Sayon kïngeta atoni nko kokay.

NGONGUT 11:15

Atolapay kïkut malaykayanteto mut nko odeny kontinyi, kuteghyeghö kutïwa yïm cho kilentöy, “Mi ye nyu paytaghpa ngwïny mori Echotyontencha nko Masiyenyi, akïpöytoy kokay nko kokay!”

DANIEL 7:27

Ketö pipö Tororöt nyo Töror Tya pöyunöt nko ororyö nko owesyö nyo pö pöyunötin löwïr cho mi ngwïny. Pöyitu pöyunötengwa kokay akïkonyïtöy paytagh löwïr chane akïpöghisyechï.’

DANIEL 4:34

“Nyini kiwonyö könyiswechay le mut nko odeny arosan yïm, kuyokwï kegh kinonutköchan. Asalan nyu Tororöt nyo Töror Tya, akonyït nyinte nyo söpöy kokay. Ompöwölo pö pöyunötenyi kokay nko kokay akïtöpo pöyunötenyi ompö pïnwöy löwïr.

ISAYA 60:12

Kiwuröy kor anka tïkwïl nyo töghöy kïpöghisyewokwa, ay, kiwuröy koroschoni lökarpïs.

DANIEL 4:3

Echön kïtya kiporutkachi! Owesöch kitya töngönchintinechi. Pöyunötenyi kï pö kokay nko kokay. Akïpöytoy nyinte kïngata pïnwöy nko pïnwöy.

DANIEL 2:37

Ichinyi we pöytoghin pöytoghinto pöytoghï, kikoninyi Tororöt nyo mi yïm pöyunöt nko owesyö nko kimukat nko ororyö.

TOWUNÖT 49:10

Melö wegho lïpö paytagh Yuda. Pöytoy monechi kokay ntökïtenö kungwïn nyinte nyo mïchini kïpayta, akïkïtïngchini pipö punton nyinte.

DANIEL 2:28

Wölo mi Tororöt yïm nyo poru wïngut. Keporunyi ye nyu pöytoghin Nepukadnesa kïgh nyo igho ompö osis cho pkonöy. Omwowunyi ye nyu kirwotïtoghtö nko sïwïyaghtö nyo kisïwenyi ompö rïwon.

ESEKEL 37:25

Möngöy kor nyo kïmöngöy papotïnekwa nyo kyotönön mötworintenyan Yakopo. Möngöy nyu chane nko monekwa nko moneko monekwa kokay nko kokay, akïlïkwï Daudi nyo le mötworintenyan pöytoghintengwa kokay.

NGONGUT 2:27

Otöninan chane owesyö nyo kyosïkan Paponyu kïpaytegha pich lïpö karïn atökulï chane kïghyösyö le töreni mönö,

YOANA 12:34

Kuyokyï tuyonay lö, “Mwowecha kirurut lö söpöy Kristo* kokay. Kwompö ne nyu telentenyi mïchini kesyol Wero Chi parak? Ngo nyu nyo le Wero Chi nya?”

DANIEL 8:25

Nyoru tösunöt ompö ngala lïsutkachi. Akwip kegh parak ompö kinonutkachi akunyar pich cho chang kïtomö kïchil. Ngetöy kïporyegho Pöytoghinto pöytoghï, wölo kinyoröy nyinte amelö ompö owesyo ptangengmöt.

DANIEL 2:34

Otini kiterosenyi kïchïnï kagh nyo möminye chi nyo kiswany akïwir kelyo körkeyïnay kïpasyangana wölay le karïn nko nyïngwïtyan.

EPRANIA 12:28

Kesoyönisyenö nyu, ompöwölo kakekonecha pöyunöt nyo metimtimonye. Kesoyönisyenö akesagh Tororöt kïle wölo chömtoy nyinte ompö rïngata kegh nko kiwaghat,

DANIEL 2:35

Kïpasyangana tïkwïl wölay le karïn nko nyïngwïtyan nko tay nko silpa nko wölay le koltin akïlïkwï le morïr ompö ghatya pagh atay le kömöy, kungwïn yomat kïkutata kupotyö mömi wölo kïsöchini, wölo kïwaghaka koghay kïyetï kïlïkwï kutïng akulum ngwïny kïmïkul.

DANIEL 2:43

Le otini kisïwenyi kinyornyoryö kegh karïna nko nyïngwïtyan, kïlenyona nyu nyornyoryot kegh chane ompö kensyö, wölo melö nomnyot ompöwölo melö nomnyot karïna nko nyïngwïtyan.

AKAY 2:7

Oryewan koros löwïr, akepï sïkönötengwa kïnyïghï konyan.

2 SAMWEL 7:13

Tekwanïn nyinte kö ayomisan lö töpo ngacharunyi pö paytagh kokay.

2 SAMWEL 7:16

Ghyongöy kongu nko paytaghtangu kokay akuletöy ngacharu pö paytaghtangu kokay.’ ”

DANIEL 6:27

Söru akutyoköy, Ighöy kiporut nko töngönchintin ompö yïm nko ngwïny. Nyinte nyo kösörï Daniel ompö kutïwa ngötuny.”

AKAY 2:22

Onyoran pöyunötin, awanyan owesyengwa nyo pö poryot. Oryewan nkarinekwa cho pö poryot cho chutöy angoletinö nko ipikwa tïkwïl. Meghot angoletine, kïpara kegh ipikwa chokonikwa kïmeghö.