DANIEL 12:2 - PIPÏLIA

² Akututu pich atoni cho kiruyö, petöy walaka söpon nyo pö kokay, kïnyorï walaka arasï nyo pö kokay.

DANIEL 12:2 Referans Kwoze

ISAYA 26:19

Söpsot ngat piköcha cho kikuwonyö! Tutuno porwoyikwa ngwen, akïtökïngetuno chane pïrïmpotikwa, atökïpka kïtum ompö ngörekyö. Töni ECHOTYON kimïny pich cho kimeghö könyisyok kïle wölo töntoy röyöntö ngwïny wïsöt.

MATAYO 25:46

Kïrongöy nyu pïchoni kïpa nyarïlpa kokay, wölo petöy chinö pö man söpon pö kokay.”

ESEKEL 37:12

Kïlenyona ngora lenchinö chane lentöy Echotyon TORORÖT arosa, oyotan pïrïmpotikwa cho kikïtïpchokwa, atutwokwa ompö ori we pikachu. Atolapay amïtwokwa apkana korengwo Israel.

NGONGUT 20:12

Atolapay asïwan pich cho kikikïmeghö, cho echön nko cho mïnkech kughyongo tawu ngacharu paytagh. Atoni nyu keyat kitapun. Atolapay keyat kitapu anka, nyoni kï kitapu söpon. Kerwokyï chane kïrïp kegh nko tïkwïn cho kigh chane le wölini kikikirta ompö kitapunechoni.

IGHISYEWUT 24:15

Atïngetan kighanatanini le akonga tïng chane ompö Tororöt lentöy, tutu pich tïkwïl, cho karamach nko cho ghach.

1 TESALONIKE 4:14

Ompöwölo kïtïngetecha kighanat lö kima Yeso akututï ketïngetecha kighanat ngat lö ighöy Tororöt pich löwïr cho kimeghö kututï ompö Yeso.

ISAYA 66:24

“Sïwïyi chane otini petöy mïntïruch pö pich cho kipeny ngalechan. Mömeghsocha mökukwa kokay, amemisonye ma nyo pelöy chane. Ghöchini chane pipö ngwïny löwïr.”

YEREMIA 20:11

Wölo imitenyi, we ECHOTYON nko ani, ichinyi nyakan nyo kiwöghöy. Kïlenyona pïtyot kwïle pïchay chopanïn kong, amemukönye kïrïntanïn. Nömöy chane arasï nyo wow nyoman ompöwölo melö kitökumukisyö tötutkökwa Nömöy chane arasï nyo pö kokay, arasï nyo melö kïwutyegho.

OSEA 13:14

Oghetunonan chane owesyo ngwen, asörunan chane meghat. Mi onö ngwonengu nya we meghat? Akï mi onö kiwuratengu nya we ngwen? Melö totïngetan kisyonchin ompö akwa nyonikïny.

RUMI 9:21

Mötïngnye so ighinto tör man nyo pöghisyegho mönenyi lenyini kömököy? Ompö mönö akonga muköy kwigh tören odeny. Ighöy anka kïpöyit osiswo ichon, kwigh anka kïpöyit osis löwïr.

IGHISYEWUT 7:60

Kïkïtïng akuta ompö kut nyo wow lö, “Echotyon meyityï chane ngokichete!” Kïkany kuwany ngalechoni kïma.

NGÖTÏNYÖ 12:8

Kikusöy chi kïrïp kegh nko chïreryenyi, wölo kïsösöy chi nyo kimostoy kinonutkachi.