DANIEL 12:10 - PIPÏLIA

¹⁰ Chang pich cho tïlilöy kegh akwigh kegh kïkaramachitu, wölo ighöy mwokïyis ngokikwa, amöminye ompö akong nyo chïrer, wölo tïng pköchin pich cho ngöghomöch.

DANIEL 12:10 Referans Kwoze

NGONGUT 22:11

Akanya kulet tagh anka tïkwïl nyo gha nko ghöyityenyi, kulet tagh anka tïkwïl nyo le sïmnyon nko sïmnyontönenyi, akwanka tïkwïl nyo ighöy nyo karam kulet tagh nko köromnyenyi, kïkany anka tïkwïl nyo tïlil, kulet tagh kïtïlilit.”

DANIEL 11:35

Potyot nyu pïchay ngöghomöch walaka atöketïlil pich akemwat akegh chane kïrelachitu ntökwitïta asispa söröm ompöwölo tomönye kwitïta asisini kikekïl.

OSEA 14:9

Ato mi chi nyo ngöghom, ikany kipköchin ngalechï. Ato mi chi chïrer inkïtï ngalechï. Kï man ortïna ECHOTYON löwïr akirïpöy pipö man, wölo pïtyegho chemwokïyis ortïna ECHOTYON.

YOANA 8:47

Chi nyo ngwïno wölo mi Tororöt nyo teröy ngala Tororöt. Nka nyï molïmekwanye, ompöwölo melö opokwa Tororöt.”

1 YOANA 5:20

Kinkïtöcha lö kikungwïn Wero Tororöt akïkonecha pköchin kenkïtunö Tororöt pö man. Kïmicha orito Tororöt pö man, akemi tïkwïl orito Werïnyi Yeso Kristo. Nyete nyu kï Tororöt pö man, akï nyete nyo le söpon pö kokay.

YOANA 7:17

Ato cham chi kwigh tïkwïn cho mököy Tororöt nyinte kwighöy, kunkïtu lö ekapkana ngalechï onetan wölo mi Tororöt anta ongölonan ngalechan kegh.

LUKA 24:25

Kïlenchï Yeso pïchay, “Ochikwa sölwöy achï nyirtïghöch ompö mïkuliskökwo aghana ngal löwïr cho kimwa werkoy.

SAKARIA 13:9

Otïlilenan ma pich cho kingötï, le wölo kitïlilöy koltin anta silpa. Kuranïn nyu chane atoni akïsaghanïn, angitönchinan chane. Omwochinan chane lö, ‘Ochikwa chichan,’ kïlenchanïn chane, ‘ECHOTYON kï Tororötïncha.’ ”

NGONGUT 3:18

Nyo kanya orurin ye nyu lö, alenanïn koltin cho kikiwunö ma atelïkuna sïkön, aiyal ngat sïra nyo rel nyo iloköy tökuyen arasingu nko chïrutyengu aiyal ngat sakïtya konyïn, atemuka rosïtena.

NGÖTÏNYÖ 1:5

Kï lïm chi nyo ngöghom atökïtas chïreryenyi, akutö chi nyo pköchini ngala kïnyorï kinetut.

1 PETRO 1:7

Keröto työmutchoni kï tökïrumï lö pö man kighanatenkwa. Arose lö kïtyömo ma koltin cho kinkït lö wïryot. Kïlenyona nyu, kïtyömöy nyo mötïny kighanatenkwa nyo tïng olyot nyo wow tya kïtïl koltin tökïchïchïm, sörömunyi onyorunekwa salat nko ororyö nko konyït. Asisoni kïngongu Yeso Kristo.

DANIEL 11:33

Akunet pich cho ngöghomöch pikökwa cho chang kïpköchï ngalechï, kïrkegh kepar walaka, akïmeghö walaka ompö ma akerang walaka kïlïkwï pïnot. Ighisyot lenyoni ompö osis cho ngörï.

ESEKEL 47:11

Wölo melö köromöchitu pögho wölo le nyonchön nko takaray cho lekïtinö nanam, kïpïsty kïlïkwï pögho paryan.

NGONGUT 19:14

Kirïp nyinte lïkos pö yïm cho kipegho angoletin cho relach akuloköy sïro pö katani cho karamach cho relach löka akï cho tïlilöch.

NGONGUT 19:8

Kikïchömchï Tororöt mïraranoni kulach sïra katani nyo pïchigh nyo kwerkweröy.” (Sïranoni pö katani pïchigh kuporu ighisyewut cho karamach cho kighöy pö pipö Tororöt.)

NGONGUT 16:11

Kumwa chane Tororöt pö yïm ompö ngwonïn nyo kilïmchï kegh nko ompö chepserkechtinekwa. Wölo kimöpïstöcha chane ortïnekwa cho ghach.

1 PETRO 1:22

Kökitïlil mïkuliskökwa ye otï karïpakwa ngala man, achomnyekwa akwane ompö chomnyot nyo puryö. Okilö nyu kegh aparta chomnyononi ompö mïkuliskökwo kïmïkul.

EPRANIA 12:10

Kitönecha papotïnecho sitöt cho kiyiyecha osis cho ngörï kïle wölo kisïweghta chane lö roko. Wölo sitöt Tororöt nyo konecha kïtïng kinyiwut, tökemuka kepara tïlilyenyi.

TITO 2:14

Kikonï kegh nyinte tökïsörunenecha ghöyityö anka tïkwïl akutïlilecha, cho le pikachi kegh, cho tïng machat kwigh pöghisyewut cho karamach.

2 KORINTO 7:1

Kïlenyona nyu, werköcho, otï kakekonecha kiyomisutchï löwïr, ketïlilö nyu kegh akewirta kïgh anka tïkwïl nyo muköy kusïmnyonöy por nko mïkulögh atökelïkuna pich cho tïlilöch lasiny ompö techata Tororöt.

1 KORINTO 6:11

Kimi pich walaka ompö kwenunkwa cho kighöy le pïchoni. Wölo kikemwatakwa ye aketïlilokwa akelinyokwa nko Tororöt ompö kaynata Echotyon Yeso Kristo* nko ompö ara Mïkulöwu Tororötïnyo.

YOANA 18:37

Kïlenchï nyu Pilato, “Nyo ichinyi ye nyu pöytoghin so?” Kuyokyï Yeso lö, “Kemwaghanyi nyinte lö ochan pöytoghin. Kikïyiyanïn, angwïnan ngwïnyinete ompö makatanoni le akonga, atamuk ngalana man. Chi anka tïkwïl nyo pö man, kïteröy ngalechan.”

MARKO 4:11

Kïlenchï Yeso, “Kakekonokwa wïngata Pöyunöto Tororöt. Wölo pich löwïr cho tökïmi sany kïlïmo tïkwïn löwïr körkeyïntin,

DANIEL 12:3

Lïwu cho ngöghomöch le asis. Akulïwu cho ntöghoghchini pich kwigh man le kokel kokay nko kokay.

ESEKEL 36:25

Atolapay opïspisyokwa pögh cho tïlilöch totïlilitunökwa ompö sïmnyontönengwa nyo mamïnïng nyo pö körkeyïntinekwa löwïr.

ISAYA 1:18

Lentöy ECHOTYON, “Apkana kengalana tïkwïl, kïrkegh köpïröch ngokikwa lötök, kemwötöy kïrelachitu löpöt. Kïrkegh köpïröch le pentera, keghöy kïrelachitu le puto kech.

TUMWÖY 107:43

Teröy pich cho ngöghomöch ngalechï akunanata chane chomnyo ECHOTYON nyo möwöghökonye. Tum pö Daudi.

TUMWÖY 51:7

Mwata ngokichan atotïlilitwan, wunante atorelitwan löpöt!

1 SAMWEL 24:13

Kïle ato kimwa pipö köny ompö ngötïnyö lö, ‘Ngwïno ghöyityö pich cho ghach.’ Wölo melö opörinyi.

MALAKI 3:3

Ngwïnöy nyinte kurwokyini pich le chi nyo wunöy akutïlil silpa. Tïlilöy pipö ara Lawi cho le tïsï atökumï kwipchï ECHOTYON ropöw cho tenote.