DANIEL 11:2 - PIPÏLIA

² Omwowunyi ye nyu man. “Pkonöy pöytoghï walaka cho le sömök ompö Pasya, atolapay kïrip akong nyo pö angwan nyo lïku sïkön kïtïl chane löwïr. Nyini nyu kawesit ompö sïkönötenyi kwigh pich löwïr kiporyeghö pöyunöto Krik.

DANIEL 11:2 Referans Kwoze

NGONGUT 21:5

Atolapay kïlö Tororöt kïtöpo ngacharu paytagh, “Arosa nyu! Kaghan ye tïkwïn lapay kïrelachitu!” Akïmwowanïn ngat lö, “Kira ngalechï komwowunyi ompöwölo ngal chete cho muköy pich kughan akï pö man.”

DANIEL 8:26

Sïwïyaghnay pö amörostino nöngötus nko tökwoghötin kïlïku man. Wölo iwïng ngalechï ye, ompöwölo tökïlow ato itïtoy.”

YOANA 10:35

Kikurö Tororöt tororötin pichoni kipkonchï lökoyechï akenkïtöcha lö mwoghöy Kikirut cho Tïlilöch man kokay.

AMOS 3:7

Melö ighöy Echotyon TORORÖT kïgh ameporchï mötworichi werkoy.

DANIEL 11:25

“Atolapay kuset lïkenyi kïporyeghö pöytoghinto Misri ompö owesyö nko nyakanat, kutomtö mi kïpsach nyinte tïkwïl nko lïkenyi nyo wow, wölo kïlïsöy pöytoghinto Misri akerïnta.

DANIEL 8:4

Asïwan makalanay kwam sirmoy ompö kuyechi kutang okumpö ta nko okumpö löt nko ewu tagh. Kimöminye tyony nyo kimuköy nyinte anta chïwït ompö owesyö nyo kitïng, kip kegh parak akwigh le ato kimököy.

DANIEL 7:5

“Kilata tyontö nyo pö odeny chepökerï. Kighyongtegho kelyo löt akimi kutinyi köroswö sömökï, kelenchï, ‘Ngeta ama panye kïmïchin!’

NGÖTÏNYÖ 22:21

tökuporunyi kïgh nyo tenate akï pö man, atemuka yokyinö ngala man pich cho tepinyi. Ngöghomnyö nyo pö tagh

DANIEL 10:1

Kikïngongchï Daniel nyo kikïkuro kaynate anka Peltesyasar ngölyon ompö könyi sömök nyo pö paytaghpa Sayras nyo pö Pasya. Kipö man ngölyontononi aki pö poryot nyo wow nyo kikïngongchï nyinte ompö sïwïyagh.

DANIEL 8:21

Ato kwaghat kï pöytoghinto Krik. Ato kuyöghonay wow nyo kimi kwenu konyichi kï pöytoghinte nyo pö tagh.

ESRA 4:7

Kikir palalyan tïkwïl Pislam nko Mitredat nko Tapeel nko söpïchtöngwa kukirchï Artakerkes pöytoghinto Pasya. Kikikira palalyante ngala Aram akewaghach.

ESRA 4:24

Kepïstö nyu tekata Kö pö Tororöt ompö Yerusalem ntökuwer könyiswö odeny ompö paytaghpa Daryas pöytoghinto Pasya.

ESTA 1:1

Kitöpö asistanka pöytoghintö Aasuero ngacharu paytaghtanyi ompö kanasyanta koro Pasya nyo kikïkuro Susa. Kipöytoy koros cho tïlöy 127, kïngeta India akwit Etopya.