DANIEL 1:2 - PIPÏLIA

² Kutö nyu Echotyon Yeoyada pöytoghinto Yuda mori Nepukadnesa akïpïsyï kïcheng kari Kö pö Tororöt.* Kip nyu kutang koro Papilonia akutö kaplawachpa kö pö tororötïnyi.

DANIEL 1:2 Referans Kwoze

2 OTÖPTINO OSIS 36:7

Kurit Nepukadnesa kari Kö pö Tororöt walak kutang Papilon akïwö kutö konyi nyo pö paytagh ompö Papilon.

SAKARIA 5:11

Kïlenchanïn, “Kep koro Papilonia, wölo kïpetöy ketekyini kö aketö kïtöpö ori.”

KIRWOKÏ 4:2

Kïlenyona kutö ECHOTYON chane akutö mori Yapin, pöytoghinto Kanan nyo kipöytoy kanasyanta Asor. Kintöghoghchini Sisera pipö lïko Asor. Kimöngöy nyinte Arosyet Akoim.

KIRWOKÏ 3:8

Kïlenyona kïngwanit nörekyo ECHOTYON lö kat ompö pipö Israel, akwigh chane kerïnta kïpöghisyechï pipö Israel Kusyan Risyataim pöytoghinto Mesopotamia könyis mut nko sömök.

KIRWOKÏ 2:14

Kïngwanit lö kat nörekyo ECHOTYON ompö pipö Israel, kïpïstö chane kenam akesara tïkukwa, akutö chane moriko pungkökwa cho kimang kuwitwit chane, amelö kitökumï pipö Israel ntökughyongtö ngat.

KINONO KIRURUT 32:30

Kïlö ne tökïyon chi akong pich cho le elpu akonga, akïyon pich odeny opïn pich elpun taman? Kïpoto ato kyalta ECHOTYON chane, akïpïstö Ghetintengwa chane.

TOWUNÖT 11:2

Kïkany otini kiwuwotö pich kutang kongasis, kwitïta tömko Papilonia kïmang wölini.

TOWUNÖT 10:10

Kitowunö paytaghtanyi kanasyanta Papilon, Erek nko Akad, kimi kanastinechoni kïsömök koro Papilonia.

APAKUK 1:16

Ropchini amörostin ompö akïpel körösyon nyo konyïto moyontinekwa le ato kö tororötin chane.

DANIEL 5:18

“Kitö Tororöt nyo Töror Tya, we pöytoghin, papongu Nepukadnesa paytagh nko owesyö nko ororyö nko konyït.

YEREMIA 51:44

Omungan Pel, tororöt pö Papilon otöpan kungungï kïgh anka tïkwïl nyo kinïkugh. Melö tökïsoröy koroswö akïsagh nyinte ngat. Kikïrulyö nïyet pö kanastina Papilon.

ISAYA 11:11

Pöghisyegho Echotyon ngat owesyenyi kuyokunö pikachi pïnotön ato itï asisoni kïmïlisyö korengwa cho kidong koro Asirya nko Misri ompö koroswo pipö Patros nko Etopya nko Elam nko Papilonia nko Amat nko koros cho mi nanam cho kiwit pögh.

ESRA 1:7

Kïkonï Sayras tïkwïl kari Kö pö Tororöt cho kicheng pöytoghintö Nepukadnesa ompö Yerusalem akïwö kutö koto tororötinechi kegh.

1 SAMWEL 5:2

akutö koto tororötïngwa Dakon kïtöpö kamasu körkeyïnoni.

ISAYA 42:24

Ngo nyini köpïsyï pipö Israel mori pungkökwa? Melö so ki ECHOTYON nyini kikighchicha ngokï? Melö kikïtïpicha kïrïp kegh nko machatenyi anta kïterchï nyinte kinetutkachi cho kikonecha.

2 PÖYTOGHÏ 24:1

Kipokyï Nepukadnesa pöytoghinto Papilon koro Yuda osiswechoni kipöytoy Yeoyakim. Kïnam Yeoyakim kïlïkwï mötworintenyi ompö könyis sömök, atolapay kïtagh Yeoyakim nyinte.

YEREMIA 25:1

Kingwïchanïn ngölyonto ECHOTYON ompö paraku pipö Yuda ompö könyi angwan nyo pö paytaghpa Yeoyakim, pöytoghinto Yuda, wero Yosia. Könyinoni kï könyi tagh nyo pö paytaghpa Nepukadnesa, pöytoghinto Papilon.

YEREMIA 27:16

Atolapay omwochan tïsï nko pïchoni löwïr lö lentöy ECHOTYON, “Mater ngala werkoykökwa cho mwowokwa lö kiyoku nyete le lawel kari Kö pö Tororöt kïpkana Papilon, ompöwölo putintön choni.

YEREMIA 28:3

Kïtomö kuwonyö könyiswö odeny owetan oyoku karichay pö Kö pö Tororöt kip Nepukadnesa, pöytoghinto Papilon korenyi.

YEREMIA 35:11

Wölo otini kitor pöytoghin Nepukadnesa kïporyeghö korenete, keryöwucha kewïnga kegh Yerusalem ompöwölo kiwöghecha lïko pipö Papilonia nko nyo pö Sirya. Nka nyete ye nyu kïmöngecha kanasyanta Yerusalem.”

YEREMIA 50:2

“Amwatïtena lökoyechï kïghomï koros, osïtö pentera yïm, amwatïta! Amwagha, amawïny kïgh nyonikïny lö, ‘Kikerïnta Papilon, kimïgh akïnam arasï tororötïngwa Pel, potönöy tororötïngwa Merodak. Kiketyartyar körkeyïntinechay soghöy chane kunyorisyö.’

DANIEL 5:13

Kïlenyona kemïtï Daniel kungwïn wölö mi pöytoghin, kïlenchï pöytoghintö Daniel, “Nyi nyï kïkuro Daniel nyay le akonga ompö pïnotchay kipkana koro Yuda, cho kimïtï paponyanï?

2 OTÖPTINO OSIS 36:5

Kïtor Yeoyakim kïpayta ato kitïng könyis 25 kïpayta könyis taman nko akonga ompö Yerusalem. Kigh nyinte ngokï ompö tawu ECHOTYON Tororötïnyi.