APAKUK 3:6 - PIPÏLIA

⁶ Potönöy ngwïnya otini mökïwestonye nyinte, kïkany ato topöntö nyinte kïpotonchö pipö ngwïny löwïr. Ighöy nyinte kutïngkoti könyisyok kusyewsyewisyö akwigh komos kechïchïn, komos cho kiwestegho nyinte könyisyok.

APAKUK 3:6 Referans Kwoze

TOWUNÖT 49:26

Owesöch kisoyönutko papongu kïtïl kisoyönut pö kutïngkot cho pö könyisyok nko tïkwïn cho pïchighöch cho pö yïm. Nya kïtïpï möt pö Yosep kisoyönutchoni, akïtïpï paraku nyinte nyo kikepesyeghö werkökwa.

NAUM 1:5

Timtimisyot kutïngkotï otini ketï ECHOTYON, nyitöy komoswö ompö tawunyi. Rïngringöy ngwïnya otini kechumï nyinte akïpotonchö pich löwïr.

KINONO KIRURUT 33:15

Nya kïsïkönon kutïngkotikwa cho pö könyisyok ompö akwa ket, akïchangit akwa ompö komos cho pö kokay.

IGHISYEWUT 17:26

Kitor nyinte kwigh chi akonga kïpkana chichoni pich löwïr, akïkany kïmang kor kïmïkul, akï nyinte nyo kimut ato ngata osiswö nko rotyotïno möngo pich.

LUKA 1:50

Akïtöpo kisyonötenyi nko pich cho konyïtöy nyinte ompö pïnwöy löwïr.

EPRANIA 13:8

Karkegh Yeso Kristo* omötu nko ye nko kokay.

MATAYO 24:35

Weröy yïmö nko ngwïny, wölo meweröcha nyonikïny ngalechan.

APAKUK 3:10

Kiwöghisyö kutïngkotï otini kisïwinyi, kughum nanam, kutïkumisyö mirtino pögh.

MIKA 5:8

Mi ngötunön pö Israel kwenu punton lenye ngïtïny ompö wuw pö sakas, lenye wara ngotïny atolïtyï kechir, nyo, otini kasïwa kukomchï lawel akïmutmut lökïr puryö chi nyo söru nyonikïny.

ISAYA 51:8

Ompöwölo omöy chane rirïm le sïra! Wölo töpo ghetunötenyan kokay, amöminye söröm nyo pö sörunötenyan.”

ISAYA 51:6

Otopöne köny wölnö le yïm, aros ngwïny, weröy yïmö le kapuret, kuwer ngwïnya le sïra nyo kawïr, akuwonyot pikachi lömïs le kolyong. Wölo töpo sörunötö nyo opunan kokay, amöngötönye ghetunötö nyo opunan.

TUMWÖY 103:17

Wölo mi chomnyo ECHOTYON kokay nko pich cho wöghöy nyinte kïnomnyö akïmi köromnyenyi nko pïnwöy löwïr,

TUMWÖY 90:2

Ichinyi Tororöt kokay nko kokay nyo kimito kïtomö kïpitï kutïngkotï akitomö ighanyi ngwïny.

TUMWÖY 68:16

Kölö ne nya kutïngkotichï tomchinökwa nyonyintön, kutïng nyo kikïl Tororöt lö otöpo? Töpo ECHOTYON wöloni kokay!

KIRWOKÏ 5:5

Kuyotyot kutïngkotï ompö tawu ECHOTYON nyo pö Sinay, ompö tawu ECHOTYON Tororöt pö Israel.

YOSWÖ 10:42

Kïnam Yoswö ompö osiswechoni pöytoghichoni löwïr nko koroswekwa, ompöwölo kiporyechï ECHOTYON Tororöt pö pipö Israel chane.

KINONO KIRURUT 32:8

Kitö nyo Töror Tya punton koroswekwa, otini kichaghachagh chane, akichöghchï rotyotïnekwa Kïrïp kegh nko werpö Tororöt.

WUWÖT 21:31

Nyete kirurutye, ato tïgh kirïk weri anta työ.

WUWÖT 15:17

Imïtunyi chane aikany kïmang kutïngtöngu, we ECHOTYON, wölo kekïlanyi kïlïkwï möngengu, kongu nyo tïlil nyo kitekenyi moriku.

AYUPU 21:18

Anta kwip chane yomat le mopö akutoyö chepkïrïri le morïr.

TUMWÖY 35:5

Nya kïkarkegh chane nko morïr cho kutöy yomöt, otini yonöy malaykayanta ECHOTYON chane!

APAKUK 1:12

Melö so iponyi kokay nko kokay, we ECHOTYON Tororötïnyan nyo Tïlil? Melö kïmeghocha nyonikïny. We ECHOTYON, keghanyi pipö Papilon kïparecha, nyi nyo ichï Ghatyencha, keghanyi chane kïlïkwï sitencha.

WUWÖT 15:14

Kilïm puntonï akïpotonchö, kïnyorï pipö Pilisti ngwonïn.

WUWÖT 15:15

Kyam nyarïl kirwokoti Edom, köpotonchö kintöghoghi Moap, kömeghö mutïnö pipö Kanan.

WUWÖT 19:18

Kulum ighöt kutïng pö Sinay, ompöwölo kirökyï ECHOTYON ompö ma. Kïpusta ighenyi parak nyo lata nyo pö ma nyo wow, kurïngring kutïngay tya.

AYUPU 9:5

Notegho nyinte kutïngkot kïpuryö kunkïtï kutïngkotï akïwaghach chane ompö nörekyenyi.

TUMWÖY 97:5

Kinyit kutïngkotï ompö tawu ECHOTYON le tömönchö, kinyita chane tawu Echotyonto ngwïny kïmïkul.

TUMWÖY 104:32

Rosöy nyinte ngwïny, kïpotan ngwïnya. Nyini kaswany kutïngkot, kïpusuna ighöt oringwa.