APAKUK 3:11 - PIPÏLIA

¹¹ Kughyö asis nko arawa ompö möngengwa, otini kirot kotiku cho kiryölsot nko ngotïngu nyo kwerkweröy.

APAKUK 3:11 Referans Kwoze

ISAYA 38:8

Isïwïyenyi lö oyodonan kïwö löt kelyön taman nyo rötyini kiwitat nyo kitek Aas atökïsïwegha asis. Kïmïla asis kelyön taman kïrïp kegh nko ngölyonto ECHOTYON.”

ISAYA 28:21

Poryot ECHOTYON kïkarkegh nko wölanya kiporyeghö kutïng pö Perasim nko mpöghoghyo Kipyon, atökumï kwigh kïgh nyo mököy kwighöy, kïrkegh köwöngöy pich ighisyewutkachi lö ne! Wongöy ighisyenyi nyo pö töngönchin.

TUMWÖY 19:4

akwanyï kïlïmo kutingwa ngwïny kïmïkul akelïmo ngale söremwok pö ngwïny. Kighchï Tororöt asis möngenyi mïröt.

ISAYA 49:2

Kigh nyinte ngalechan kïngötipöchitu le chok nyo, akïwïngenanïn rurweto ewunyi. Kighanïn akarkegh nko kotöt nyo kikïsit akïwïnchanïn möronkinyi.

NAUM 3:3

Kangwïnta kegh poryeghï cho pegho angoletin ompö poryot. Keryölsyö chokonï, kukwörkwerisyö ngötwö, kuköposisyö mïntïruchtino pich cho kikïpar, muntïruch cho makïrar cho kikwötöy pich!

APAKUK 3:9

Kiratanyi kïwantingu aitöpö kïpsach atewutïtenö kotiku aikarerenyi kor lalwatïn.

SAKARIA 9:14

Ngwïnchini ECHOTYON pikachi, akïwutïtö kotichi cho petöy le kiryalon. Kutöy ECHOTYON konti poryot, akuchumï nko pïpïch nyo ngwïno kumporö.