APAKUK 2:18 - PIPÏLIA

¹⁸ Nyiwu ne körkeyïn nyo kipötöy anta nyo kitongöy otini kakiwany kegh? Menetönye kïgh ighintenyi kïpoto putintön. Nyiwu ne ompö nyinte tökïlentöy oghönöy? Kïgh nyo le tororöt pö putintön nyo memuköy ompö ntökïngalan!

APAKUK 2:18 Referans Kwoze

YEREMIA 10:8

Sölwöy akïtïsyote löwïr, mi so kïgh nyo muköy kunet chi körkeyïntinechay kikipata ket?

1 KORINTO 12:2

onkïtökwa lö atanye kitomönye kesörwokwa, kikichutokwa opotyenö asaghata körkeyïntin cho le kwïle.

SAKARIA 10:2

Sölwontön kwïle nyo mwowu körkeyïntin, mwoghöy chepsoköytin putintön, ngoröy chemöwostinekwa lïs akïkonekwa kikönöt nyo möminye. Nka nyay kimperölyotö pich le kechir, omöy nyarïl ompöwölo mötïngcha mösöwon.

ISAYA 42:17

Susöy kegh pich akïnyorï arasï cho ghönöy körkeyïntin cho kikigha morïn, pich cho lenchini körkeyïntino koltin, ‘Ochikwa tororötinecha.’ ”

ISAYA 45:16

Lolïyonöy pich löwïr cho ighöy körkeyïntin, akïwir mïghötö chane löwïr.

YONA 2:8

Chane cho soghöy körkeyïntin, kïmelö tïngeninyi kïgh, akikïpïstö kïrïpinyi.

NGONGUT 19:20

Wölo kenam tyonyay nko werkoyontonay pö putintön, nyay kighöy töngönchin ompö tawunyi. (Ki tïkuchoni pö töngönchin cho kilïsa nyinte pïchay kitïng macheyu tyonyoni nko walaka tïkwïl cho kisagh körkeyïnto tyonyoni.) Kikïnam lenyoni akewirchï kïtökïsöpsot kwodeny nanampa ma nyo ngwan lakat nyo nöghöy nko koghïn cho nöghsot.

RUMI 6:21

Ekï ne tösunötö nyo kyonyorukwa atanye ompö tïkuchoni köpköchokwa ye lö pö arasï nya? Ompöwölo sörömuto tïkuchoni kï meghat!

YEREMIA 50:2

“Amwatïtena lökoyechï kïghomï koros, osïtö pentera yïm, amwatïta! Amwagha, amawïny kïgh nyonikïny lö, ‘Kikerïnta Papilon, kimïgh akïnam arasï tororötïngwa Pel, potönöy tororötïngwa Merodak. Kiketyartyar körkeyïntinechay soghöy chane kunyorisyö.’

ISAYA 45:20

Mwoghöy ECHOTYON lö, “Akwa puntoni ngwïny cho le ngötunön, aghamïtuna kegh apkan atökerwokwok! Wechï sölwöy pich cho ipsötoy körkeyïntin cho kikigha ket, akïsagh tororötin cho memukönye kïsörï pich!

ISAYA 37:38

Kimi asistanka ato kisogho nyinte koto tororötanyi Nisrok, kïpara chokon werkachi odeny, Adramelek nko Syareser akupertoy kutang koro Ararat. Kuker nyinte werïnyi nyo kïkuro Esaradon kïpayta.

ISAYA 1:31

Kikongityot chi nyo awes atoni nko mopö cho pelöy koto kipiriti akong, wuröy nyu ighisyewutkökwa cho ghach pich cho owesöch lenyoni asïyech, amelö mito chi nyo muköy kïsörunö chane wïratanoni.

1 SAMWEL 12:21

Amowöghökisyö atang wölo mi tororötino putintön cho mengörokokwanye anta sörwokwa, ompöwölo kwïle choni.

TUMWÖY 97:7

Nyoru arasï pich löwïr cho soghöy körkeyïntin, chane cho wulo kegh tïkwïn cho puryö kinyiwut. Nya kïsagh tororötinö tïkwïl ECHOTYON.

ISAYA 40:19

Melö lenye nyinte körkeyïn nyo pötöy pich atökutang karïn cho lumo koltin akutongchï söremwokökwa kari ropïyen.

ISAYA 41:26

Nko akonga ompö akwa nyo kingor lö ighisyot tïkuchï nyo kitökinkïtunecha lö pö man ngalekwa? Puryö chi akonga ompö akwa nyo kimwa ngölyon möminye chi nyo kilïmenokwa kïgh.

ISAYA 44:12

Chengöy kitongintö karïn akutö paraku ngeset, atolapay kulïwö ewunyi nyo awes kïkongityö nko körkeyïn nyo kömököy nyinte. Omöy kömöy akwam maral akwaghach otini mito kïsïngöy lenyoni.

YEREMIA 2:8

Matepnye kegh tïsï lö, ‘Mi onö ECHOTYON nya?’ Melö kitökunkïtwanïn koneti kirurut, kïlïkwï pöytoghi penyï, kïngor werkoyi ngal ompö kayna Paal* akïsagh tororötino putintön cho melö tïng tösunöt.

YEREMIA 16:19

Nyi we ECHOTYON, nyo ichï owesyenyan, owïngenan kegh wölo imitenyi asorunyi manamanïn nyarïl. Ghömïtyininyi puntoni ngwïny cho pkono wop anka tïkwïl. Pkonöy kïmwoghöy lö, “Kimötïngnye papotïnecha kïgh nyonikïny kïpoto tororötino putintön cho le kwïle.

YEREMIA 51:17

Ato sïwa pich choni, kïlïmchï kegh lö kïchï sölwöy akïkwöng, nömöy arasï pïchay ighöy körkeyïntino koltin, ompöwölo tororötinechï le körkeyïntino kïpö puntintön tïkwïn ompö cho mötïng kimïny.

DANIEL 5:23

Kisïtönyi kegh yïm kïtïl ECHOTYON nyo pö yïm otini kakipunyi kari Kö pö Tororöt. Igheghsyeghenyi nko chönökopïrtineku nko koruku nko chemïnïngweniku, okwolökwa tororötin cho kikigha silpa nko koltin nko taghoy nko karïn nko ket nko koghi tororötin cho melö rosïtoy anta lïm kïgh anta nkït kïgh. Wölo kimekonyïtönyinye Tororöt nyo mi söpontöngu morichi nko ighisyewutköku löwïr.

AMOS 2:4

Lentöy ECHOTYON, “Melö oyodeghonan Yuda sitöt ompö ghöyitwokachi cho pö kïnomnyö ompöwölo kitagh chane kirurut pö ECHOTYON amelö kitökïrïp ngalechi. Wölo kipot chane tororötino putintön, tororötin cho kipöghisyechï papotïnekwa.

KIRWOKÏ 17:4

Wölo kuyokyï kame ropïyenichay, kïcheng kame cho le 200 akutö kitongin, kwigha körkeyïn nyo kitongöy, akuluma silpa aketö kö pö Mika.