APAKUK 2:11 - PIPÏLIA

¹¹ Ompöwölo riryot asïyech koghïn nko ket cho kakïteka korïn akïsöwintönchï chane ighisyewutkökwa cho ghach.

APAKUK 2:11 Referans Kwoze

LUKA 19:40

Kuyokyï Yeso lö, “Omwowokwa nyoman lö, atosisyö chane, kuteghyot koghïn.”

YOSWÖ 24:27

Kïlenchï Yoswö pïchay löwïr, “Arose, lïku koghï söwintön ompö achane kegh ompöwölo kilïm ngala ECHOTYON löwïr cho kimwowecha, kïlenyona lïku söwintön ompö akwa, ato ataghakwa Tororöt.”

TOWUNÖT 4:10

Kïlenchï ECHOTYON, “Ne nyini keghanyi nya? Rirchinanïn kisönko werïnkwa cho mi nyïngwïny.

NGONGUT 6:10

Kuteghyö chane ompö kut nyo wow lö, “Echotyon Kimuktoghin nyo tïlil nyo pö man! Itöponenyi nko oyï irwokyinyi pipö ngwïny chï kaparecha?”

EPRANIA 12:24

Kapkanakwa wölo mi Yeso nyo kingwïn kwigh muma* nyo rel akï kïmïlta kisönkachi cho ngölonöy tïkwïn cho karamach kïtïl chanya pö Apel.

LOK 2:18

Nya kïrirchï Echotyon nïyetweku we Sayon. Nya kïtörengwï lokeku le lalwa nyo yintoy pöghet nko nangat amekany kïtos loke!