APAKUK 1:3 - PIPÏLIA

³ Ompö ne tekanyanyi asïwan tïkwïn cho ghach cho ighisyot aikany asïwan kömpölelyö? Mito tawunyan kiwurata nko köromnyö akïmi poryot nko kanyanyighos.

APAKUK 1:3 Referans Kwoze

YEREMIA 20:8

Ngalanenyan kï ngwïrngwïrönöt kwïle, kateghan olentöy, “Poryot nko kiwurat!” Ompöwölo otini kamwatïtan ngölyontengu kemïnanïn akeroröchanïn kwimön.

OMTOGHIN 5:8

Metöngönchï ato isïwa soch kïpïröy mey, mösötyininye ngalekwa ompö man akïsara mantangwa. Körtoy pipö soch cho echön pikökwa, akïkörtoy ngat pïchoni echön pikö walaka cho echön kïtïl chane.

2 PETRO 2:8

Kimang Lot kwenu pïchoni, akusus mïkulöwunyi kïtenö osis wölini kïsïwïyi akïlïmöy ighisyewutkökwa cho kighach.

MATAYO 10:16

“Oyontonokwa ye nyu le kechir ompö kwenu suyï. Ongöghomöchitunö le moroyut, atölosöchitu le chepïrïmpen.

ESEKEL 2:6

Wölo mewagh nyo le nyi chane amekany kutimïn ngalekwa kïrkegh lata ketöninyi kwenu kato anta tokolay. Mewagh ngalekwa amekany kïmeghïn mu ato iros chane kïrkegh kö pich tagh cho le penyï.

OMTOGHIN 4:1

Atolapay asïwan ngat wökut löwïr cho kïpöghisyegho ompö ngwïnyi asis. Kimi pich kïrirsot cho kikïpïr akimöminye chi nyo kisoghsoghöy chane! Akitïng wökikwa owesyö akipuryö chi nyo kisoghsoghöy chane.

YEREMIA 15:10

Nyarïl nyete nyo tya nya wey! Ompö ne tökïyichanïn yonyan ngwïnyi nyarïl nyo teno nyï? Kalïkwan chi nyo karïpata syala nko riri ompö kore kïmïkul. Kalïkwï ne tökïchïpanïn pich löwïr akwanyï puryö chi nyo kopösönan ropïyen akï puryö nyo kopösön ropïyenichan?

YEREMIA 20:18

Kilïkwï ne tölïtwan sany, olïtunan muyeto yonyu nya wey? Ayo, kyolïtwan so sany atonyorï nyarïl nko sönönöt, atolapay amang möngot nyo pö arasï?

ISAYA 5:7

Israel nyo le para ECHOTYON Kimuktoghin, akï pipö Yuda cho le keti sapipun cho kikatkat nyinte Kikönöy lö ighöy chane nyo karam, wölo kïmïltegha kisön pungkökwa, akwigh kungeyö kïyöröy keghchï man.

ISAYA 46:12

“Atere ngalechan, akwa penyichï, akwa cho ononöy lö low rïntagh.