AMOS 7:6 - PIPÏLIA

⁶ Kiwaghak nyu ECHOTYON kinonutyenyi akïlö, “Melö tökwigho anka nyo lenye nyete.”

AMOS 7:6 Referans Kwoze

YONA 4:2

Kïlenyona kïsagh Yona lö, “ECHOTYON, melö so kïyete nyay kyamwaghan atanye kyomitan korenyan? Nka nyay kyapertan lawel atang Tarsis. Ompöwölo kyonkïtön lö ichinyi Tororöt pö chomnyogh nko kisyonöt, amelö nyïmnyïm kïnarek, akï nyo mi kïpsach kïmolchï kamas sitöt nyo kötetöni chi.

YONA 3:10

Nyini nyu kisïwa Tororöt lö kipïstö chane ortïnekwa cho ghach, kïwaghaka kïmolchï kamas kïgh nyo gha nyo kikakïmwa lö oghchini chane.

AMOS 7:3

Kiwaghak nyu ECHOTYON kinonutyenyi akïlö, “Melö tökwigho cho lenye nyete ngat.”

YEREMIA 26:19

Kitïgh so Mika, Esekia pöytoghinto Yuda nko pipö Yuda löwïr? Ewo! Ompöwölo kïkonyït Esekia ECHOTYON akïsom pöropcho ompö tawunyi kimöpïstönye ye ECHOTYON kwïpchï chane meghat kïrkegh kikikïtat tagh lö opchini chane? Anyï ye karich kepchinöcha kegh nyarïl nyo mamïnïng!”

TUMWÖY 135:14

Rwokyini ECHOTYON pikachi ompö man, syonchini nyinte mötworichi.

TUMWÖY 90:13

Mïlena, we ECHOTYON, töpo nörekyengu nko oyï? Syonchecha, mötworiku.

KIRWOKÏ 10:16

Atolapay kïlasta pïchay pö Israel tororötinechay pö tontön akïsagh ECHOTYON. Kusus nyinte nyarïl nyo kitïng pipö Israel.

KIRWOKÏ 2:18

Akwompö osis lapay cho kitö ECHOTYON Israel kirwokin, kungarak nyinte kirwokintononi atö kïsörunö chane pungkökwa ompö osis lapay cho kisöpöy kirwokintononi, ompöwölo kisyonchï ECHOTYON chane otini kiriryö ompö pich cho kichop kong akïpïr chane.

TOWUNÖT 6:7

Atolapay kïlö, “Omisan ptangengmöt nyanye kyoghchan ngwïny nko tyonkïn tïkwïl nko törit, ompöwölo kalanganyan lö opï oghöy chane.”

TUMWÖY 106:45

Kunan muma* nyo kyam nko chane, kusyonchï chane kïrïp kegh nko chomnyenyi nyo wow nyo möwöghokonye.

YEREMIA 42:10

‘Ato achamakwa amanga koronete, otekokwa amelö owöstonekwa ompöwölo melö towetan ngat opkokwa kinyarat lenyona kyonyorukwa.

YOEL 2:13

Nyo kötö oköreröy sïrokökwo, akarer mïkuliskökwo. Omïlisyenö wölo mi ECHOTYON Tororötïngwo, nyo kinyïghï pöropchö nko kïsyonöt. Mönörekönye nyinte lawel akinyïghï kisyonötö akïlöstowecha ngokicho.

AMOS 7:7

Asïwan Echotyon kughyongö nayat nko kipimöwon,

WUWÖT 32:14

Kïpïstö nyu ECHOTYON ghöyityö nyo kimököy kwighchini chane.

1 OTÖPTINO OSIS 21:15

Kïyonta ECHOTYON malaykayan kunyar Yerusalem, wölo kïwaghach kinonsyewutkachi akïlenchï malaykayantanay, “Pïstenö kikïmïchï.” Kimi malaykayantanay atoni atolekïtö ghatya Arauna nyo pö pipö Yepusin.

TUMWÖY 78:38

Wölo kusyonchï Tororöt chane, nyinö kitöpöröy kïlöstoghchï chane ngokikwa akïwaghach nörekyenyi kïnyïl cho chang. Melö kipïsyï köromnyenyi kingwanit lakat