AMOS 7:3 - PIPÏLIA

³ Kiwaghak nyu ECHOTYON kinonutyenyi akïlö, “Melö tökwigho cho lenye nyete ngat.”

AMOS 7:3 Referans Kwoze

KINONO KIRURUT 32:36

Söru ECHOTYON pikachi otini kasïwa lö kewonyö owesyengwa. Syonchini pich löwïr cho pöghisyechini nyinte, otini kasïwa nyörkölölyo pïchoni löwïr.

YONA 3:10

Nyini nyu kisïwa Tororöt lö kipïstö chane ortïnekwa cho ghach, kïwaghaka kïmolchï kamas kïgh nyo gha nyo kikakïmwa lö oghchini chane.

OSEA 11:8

Opïröneninyi lö ne nya Epraim, apïsteninyi lö ne nya Israel? Omukan lö ne taghinyi le wölo kyadan Adma, anta aghinyi lö ne le Sepoim? Möchömönye mïkulöwunyan kokay ngalechoni akïmi kïyetu kisyonötenyan ompö nyi.

AMOS 7:6

Kiwaghak nyu ECHOTYON kinonutyenyi akïlö, “Melö tökwigho anka nyo lenye nyete.”

YOEL 2:14

Ngo nyo nkït lö möwöghökönye wölo kenontoy akïpïswekwa perur totötenö ropöwo pagh nko dipay* ompö ECHOTYON Tororötïngwo?

TUMWÖY 106:45

Kunan muma* nyo kyam nko chane, kusyonchï chane kïrïp kegh nko chomnyenyi nyo wow nyo möwöghokonye.

YAKOPO 5:16

Kïlenyona nyu, ongonchinö kegh ngokikwo akwane, asoghchï kegh atökesopok. Tïngeto saghata chi pö man owesyö nyo ighöy tïkwïn cho chang.

YEREMIA 26:19

Kitïgh so Mika, Esekia pöytoghinto Yuda nko pipö Yuda löwïr? Ewo! Ompöwölo kïkonyït Esekia ECHOTYON akïsom pöropcho ompö tawunyi kimöpïstönye ye ECHOTYON kwïpchï chane meghat kïrkegh kikikïtat tagh lö opchini chane? Anyï ye karich kepchinöcha kegh nyarïl nyo mamïnïng!”

1 OTÖPTINO OSIS 21:15

Kïyonta ECHOTYON malaykayan kunyar Yerusalem, wölo kïwaghach kinonsyewutkachi akïlenchï malaykayantanay, “Pïstenö kikïmïchï.” Kimi malaykayantanay atoni atolekïtö ghatya Arauna nyo pö pipö Yepusin.

TOWUNÖT 6:7

Atolapay kïlö, “Omisan ptangengmöt nyanye kyoghchan ngwïny nko tyonkïn tïkwïl nko törit, ompöwölo kalanganyan lö opï oghöy chane.”

TUMWÖY 90:13

Mïlena, we ECHOTYON, töpo nörekyengu nko oyï? Syonchecha, mötworiku.

YEREMIA 42:10

‘Ato achamakwa amanga koronete, otekokwa amelö owöstonekwa ompöwölo melö towetan ngat opkokwa kinyarat lenyona kyonyorukwa.

YOEL 2:13

Nyo kötö oköreröy sïrokökwo, akarer mïkuliskökwo. Omïlisyenö wölo mi ECHOTYON Tororötïngwo, nyo kinyïghï pöropchö nko kïsyonöt. Mönörekönye nyinte lawel akinyïghï kisyonötö akïlöstowecha ngokicho.

AMOS 5:15

Atagha kïgh nyo gha acham nyo karam achïchïma man ompö kokwotïn, töptoy ana syonchini ECHOTYON, Tororöt Kimuktoghin, ngötunön pö pipö ara Yosep.

WUWÖT 32:14

Kïpïstö nyu ECHOTYON ghöyityö nyo kimököy kwighchini chane.

TUMWÖY 78:38

Wölo kusyonchï Tororöt chane, nyinö kitöpöröy kïlöstoghchï chane ngokikwa akïwaghach nörekyenyi kïnyïl cho chang. Melö kipïsyï köromnyenyi kingwanit lakat