AMOS 6:2 - PIPÏLIA

² Ape Kalne tasïwena apa Amat kanasyantanay mamïnïng, aröytö Kat ompö koro Pilisti. Ayo, karamach so chane kïtïl pöyunötino Yuda nko Israel? Echön so koroschoni kïtïl korenkwa?

AMOS 6:2 Referans Kwoze

NAUM 3:8

Ayo Ninawi, ilentenyi so ichinyi pïchigh tya kïtïl kanasyanta Tepes ompö paytaghpa Misri? Mi Tepes lalwa Nile kamas akiwit pögh lö tïlkwïch, nayatu pögh nyo ripöy mölïtï pung.

2 PÖYTOGHÏ 18:34

Mi onö tororöt pö Amat nko Arpad? Akï mi onö tororöt pö Separpaim nko nyo pö Ena nko nyo pö Ipa? Mi nyo kimï kïsörunö Samaria morichanï?

TOWUNÖT 10:10

Kitowunö paytaghtanyi kanasyanta Papilon, Erek nko Akad, kimi kanastinechoni kïsömök koro Papilonia.

2 OTÖPTINO OSIS 26:6

Kïset Usya kïwö kïpar kegh nko pipö Pilisti. Kurutö nïyetwo Kat nko Yapne nko nyo pö Asdod, akïtek kanastin Asdod kïghömï nko woptino koro Pilisti löwïr.

1 SAMWEL 17:4

Kungwïna chi pipö Pilisti nyo kïkuro Kolyat, nyo pö kanasyanta Kat nyo kingata koghïntanyi miten sömök.

2 PÖYTOGHÏ 19:13

Mi onö pöytoghi kanastina Amat nko cho pö Arpad nko cho pö Separpaim nko cho pö Ena nko cho pö Ipa?”

2 PÖYTOGHÏ 17:30

Kigh pipö Papilon körkeyïn nyo kikuro Sukot Penot, kwigh pipö Kuta körkeyïntino Nerkal, kwigh pipö Amat Asyima,

2 PÖYTOGHÏ 17:24

Kumïtuna pöytoghinto Asirya pich kanastina Papilon nko Kuta nko Apa nko Amat nko Separpaim akutö kïmang kanastina Samaria kuker pipö Israel. Kïcheng chane kanastinechoni akïmöngisyö.

1 PÖYTOGHÏ 8:65

Kyama Solomon nko pipö Israel löwïr Ichon pö Tunkun Kö pö Tororöt ompö osis mut nko odeny. Kighamïtuna kegh pich kïngetunö Amat ntökwit rotyo Misri.

1 SAMWEL 17:23

Otini kimi kïngölonöy nko chane, kungwïna Kolyat kwenu lïko Pilisti akïnyernyera pipö Israel lenyaye pö ngat. Kïlïm Daudi ngalechay.

1 SAMWEL 5:8

Kïlenyona kïkur pipö Asdod pöytoghi pipö Pilisti löwïr akïlenchï, “Kido ne Santuku Muma Tororöt pö Israel?” Kïlö chane, “Nya kesït kutang kanasyanta Kat.” Kesït nyu santukunay pö Muma kutang Kat.

YEREMIA 49:23

Kilö ECHOTYON paraku Damaska, “Köwöngisyö pipö kanastina Amat nko Arpad, ompöwölo kalïm lökoy cho ghach. Kinyïghï chane pögh mu ompö mïghö, karkegh nko mirtino nanam cho mösisyot.

1 SAMWEL 5:10

Kïlenyona kïsït Santuku Muma kanasyanta Ekron. Nyini kit Santuku Muma Tororöt Ekron, kïriryö pipö Ekron lö, “Kepï Santuku Tororöt pö Israel wölï kïmicha atökïparecha lömïs.”

2 SAMWEL 8:9

Nyini kilïm Toy pöytoghinto Amat lö kirïnta Daudi pipö lïk löwïr cho pö Adadeser,